Talelan 20:7 - BII BILA

⁷ Vana sandaa co kelaa o sandei nin, dɛnɛ kɛndɔɔ vanin le cuavaa ndɔa o mɛinin-nda.

Talelan 20:7 Referans Kwoze

Condii lisai 112:2

Cuavaa ndɔa sɔlanin kpaayaa o lɛŋnden coo, kani Mɛlɛka dɔawnin vanaa dendu kɔltan-nda duaa.

Condii lisai 37:26

Lepalaa-lepala vana sandaa co vannda kɛndɛi tosallo, o co nda ɲɔɔn dɔndaa. Duaa cuavaa ndɔa siŋnùn ni.

Yeremi 32:39

I yɔngunin nda kɔl pilɔɔ a yiyan pilɔɔ, haliko ma vo ya lɔ́ɔ́-lɔ́ɔ̀ le mɛɛ nda sɔla dɛnɛ kɛndɔɔ le nda pila a le cuavaa ndaa nda a makɔɔ yɛ.

2Korɛntea 1:12

Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.

Dɛnnda kiilaa 2:39

Kani ciɛi Hala cua-e co le niaa a le cuavaa niaa, i co vɛlɛ le vanaa co levil-la kpow a le vanaa-vanaa sɔlanin veeloo Hala naa o ba.»

Talelan 19:1

Vana bala fondo co kelaa o dɛnɛ sandaa nin-ndo co fisa a diɔm sondo vesɛi dimi còòlan-ndo.

Talelan 13:22

Vana tosaa dɛnɛ kɛndɔɔ mèl cuavaa ndɔa imamaa kɛ́ ndɔɔ. Vana lahakio yɛ, le vana sandaa kɛ́ ndɔɔ co ni.

Talelan 14:2

Vana kela pɛ o sandei nin ndu ke Mɛlɛka bɛɛlen, kɛ vana kela pɛ o laasianndo nin mɛɛ ndu luei Mɛlɛka yii le.

Condii lisai 15:2

Fɔ vana co kelaa o nɛi toɲaa coo-o. O co dɛnnda sandaalan tosaa, mò va toɲaa dimio a kɔl ndɔɔ kpede-o.

O Kandɔɔ 17:7

Kpema ya yii hoo-o co va naa tɛɛn naa nɔm, a naa tɛɛn naa cuavaa nɔmaa imamaa le fɛɛn a fɛɛn, haliko mi va Hala nɔmndo a Hala cuavaa nɔmaa imamaa nɔm kɔɔli.

Luke 1:6

Vanaa sandaa vanaa ŋiɔŋaa kan kpow a yɔŋnun Hala o hɔl ni, a va vɛlɛ tɔŋndan a tanala Mɛlɛka lan biyɔɔ ɲɛkɛndɛi.

Condii lisai 26:1

Condii David-e. Kiolu ya iyama, Mɛlɛka! Kani kela nuu nɔ isɔw le. Nɔm Mɛlɛka ya co tiindanndo ni, i siɛlanin te.

Esai 33:15

Fɔ vana co kelaa o dɛnɛ sandaa coo-o, vana co sɔɛi a sandei lɔ́ɔ́-lɔ́ɔ̀-o, o kɛɛ ɲɛm sɔlan delɔɔ coo-o, o koaŋ bala ndɔlan mo kɛɛ luɛyɔɔninndo-o, o kinda nila ndɔlan yɔŋii o tuei sɔɔn diyaa n'vanndon-ndo, o kinda hɔlta ndɔlan yɔŋii o cɔ dɛnɛ vɔɔndo tosanndo-o.

Condii lisai 26:11

Kɛ ya ya, kela nuu nɔ isɔw le, lelan, tuinun ya iɲíí ma baŋa ya.

SƐBƐ YƆB-O 1:1

Langbanɔ pilɛ va o lɛŋnde Us len nin diolan aa Yɔb. Vana sandaa o va ni, ndóò yeema dɛnɛ sandaa taw. Ndóò nɔ siòòŋii Hala-e, o va dɛnɛ vɔɔndo kpakpalaa.

Talelan 14:26

Vana nɔ pɛ siòòŋii Mɛlɛka-e ndu vannùn nila ɲulu, kani o kandà cuavaa ndɔa.