Talelan 20:3 - BII BILA

³ Dɛnɛ lebɛɛo o co ni le sɛɛngianndan kpakpalaa. Kɛ diɔm sondo vesɛiyo ndu, bollen o luei lenin ni.

Talelan 20:3 Referans Kwoze

Talelan 16:32

Vana biuvanndo co fisa a kuubanɔ cɔwvo. Vana kpuwvian ndu pila-o co fisa a vana bii kobio kpulukuu a cɔwvo-o.

Talelan 17:14

Sɛɛngianndo kandɔɔ co ko maa ɲɛ kanda mɛnndan-ndo bulio. Lelan lɔ́ɔ́ sɔngɔɔ kuvan-ndɔ loo, soli pelon lenin.

Efɛsea 4:32

La va vanaa kɛndɛa, mì la kaolian vellaa-velle. La malnan lahaki maa mɛɛ Hala mal niaa haki o Krista nin yɛ.

Talelan 19:11

Vana nɔ taasio-o biwnùn taw. Ɲɛ o kennùn le tosaa-o co tɛɛmbuu nda tɛɛmbuu a ndu-o hakio malɔɔ ni.

Talelan 14:29

Vana yàlà kɔl tuulu o dɛnɔɔ loo co vana tasio ni, kɛ vana keleŋa kɔl tuulu-o tosà diɔmnde.

Nsaki 4:1

Kuɛɛ nɛ sɔngɔlan a cɔlɔbala co niaa tɛɛn-ndan la co yɛ fulaa? Vɛ̀ɛ̀ o co o yeeman co niaa cɔlɔbaa o lakɔl-lon nin te?

Talelan 18:6

Vana pe lebol too soo pɛ o kelu sɔngɔɔ, sondo ndɔɔ tosà ni mà hol ndu baa.

Nsaki 3:14

Kɛ te la nɔ pɛ paŋala vɔɔndo a sɛɛngianndan niaa o lakɔl, mɛɛ la kuundian mì la dimí còòlan a toɲaa o kɔɔ le.

Talelan 21:24

Vana kuundian pɛɛsa caanda-o, diola ndɔlan aa «Yongaa». A yonga ndɔ bɛndu-bɛndoo o tosa dɛnndan ni.

Talelan 14:17

Vana keleŋà kɔllo o tuulu-o tósà dɛnnda idiɔmndan ni. Vana hui caanda-o ndu, nɛinɔnndo o nɛinùn vannda ni.

2Masaa 14:9

Mí Yoas va kon masaa Israɛl-lo mingul Amasia va masaa Yuda-o mulio o taloo nin aa: «Yɔm n'yɔɔ pum cɛn sindɛ o pembei Liban coo ni, mó komal yɔm sɛɛdreo Liban, mó dimul ndu aa: ‹Ke ya cua nɔm laandoo mò siŋnun lanɔɔ po nuu.› Kɛ mí visi yondo pum Liban kei o yɔm n'yɔɔ kon coo, mó ciimiaa ndu.

O Kandɔɔ 13:7

Handɔɔ o kon coo, Kanannda a Perisiia bɛɛ va icali o lɛŋnde len nin telen kon. Mí vanaa mandaa n'cɔlua Abram-nda saan sɛɛngianndo nda vanaa mandaa n'cɔlua Lɔt-a.

O Kandɔɔ 13:8

O kon mí Abram dimul Lɔt aa: «Vanayɛi naa n co ni, lelan, sɔngɔ bɛnda mò luɛi naa tɛɛn te. Hali vanaa co cɔlua naa mandaa-a, sɔngɔ bɛnda mò luɛi nda tɛɛn te.

Talelan 26:17

Sondoo vowvo o sɔɛi n sina lei nin co ko kpen a tun co hiownɔnndo-o nilan biyɔɔ.