Mí Mɛlɛka ɲuna ndu aa: «Nɛ̀ɛ́-nɛ̀ yɔngù yɛ vanacieo sondoo le sɔɛi? Nɛ̀ɛ́-nɛ̀ nɔlà yɛ mò siinguu ndu bobonɔɔ, te kon te vana nila baŋulɛiyo? Nɛ̀ɛ́-nɛ̀ nɔlà yɛ mò kumbi ndu hɔltan le cɔu, te kon te mò suumiaa ndu? O co ya Mɛlɛka le?
I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»
O palɛi ken nin, vanaa nila baŋulɛiya tuɛinin sɔɔn co o sɛbɔɔ nin-ndon, hɔlta vanaa sumɛiya la fulanin o ɲumndan nin a o ɲumma n'kpungban nin, mì la ce válán.
