Talelan 20:1 - BII BILA

¹ Hɔlla mɔiyan ma heelu vanacieo ni, mì mɔima nɛyan ma luei vana o poopoo. Vana yɔngun man pɛ o siŋnun vana kɔlkalu le.

Talelan 20:1 Referans Kwoze

Osee 4:11

Suunda a mɔiyan ma co vanaa nia bolle hiŋndo.

Efɛsea 5:18

La hiaw ba a mɔiyan kolɔɔ le, kani o laasianndo nin kon luei vana ni, kɛ la va a piaa a Hala Kɔl-Diandaa.

Esai 28:7

Kɛ nda bɛɛ laasian a mɔiyan kolɔɔ, mɔima nɛyaa-nɛyan ma co nda hɔlla hiŋndo. Kpòkóó dɛnɛ! Vanaa-solia-lasálàá a vanaa-tɛɛngaa-diom Hala-a co siɛɛliaa a mɔima kálà-kálàn o lahɔl tuŋ. Mɔiyan ma cii nda sɔɔsiaa kpede, mɔima nɛyaa-nɛyan ma cii nda mingi talaka-talaka. A co laasianndo o vunduan cɔu nin, a co kuuviaa o yaman kiolɔɔ nin.

Talelan 31:4

Lemuɛl, mɔiyan ma co ɲɛ kɛndɛ le masaa le. Masa co vana kolaa mamɔi le, simlacinɔ bɛnda a man te,

1Korɛntea 6:10

vuiya, vanaa nɔ hɔlte ɲɛ-sɔlaa-a, vanaa kolaa mamɔiya, vanaa co vannda yeowlan-nda a vanaa co caanda delɔɔ coo-a a lueinin o Masale Hala len nin te.

Kalatea 5:21

yeemɛi bɛnduei, mɔiyan yɔngɔnndo, pululen a dɛnnda vaa lende. Vanaa co dɛnndan ndan tosaa-a, i co niaa ndi pɔɔ dimul maa mɛɛ ya dimúl nin niaa ndi yɛ, nda sɔlanin kɛ o masale Hala len nin te few.

2Samiɛl 11:13

Diimandɔɔ, mí David veelu ndu le dioo a kolɔɔ nda ndu latulu, mó pimi ndu mɔiyan. Kɛ icɔl kon vɛlɛ, mí Uri fula, mó kɔ lɔlnun nda buɛyaa va bɛ́ɛ̀ lemasaa cumullo-a latulu, o kue o ndu lo cɛinin te.

Esai 56:12

A co dimio aa: «La hun, i nuwviaa nin mɔiyan, n kolnin mɔima nɛyaa-nɛyaan, mì ma bii naa! Lende koni naa n kolnin man vɛlɛ siɔdii ni, ma co lon taw-taw, ma lo vɔ lon ma bɔɔ dɛ!

Esai 5:22

Dɛnɛ palaa co le vanaa fula tɔ́ɔ́ le mɔiyan kolɔɔ ma pialnun diolan le mɔima nɛyaa-nɛyaan muulianndo-a!

Osee 7:5

O paale kafole masa naa coo, vanaa bɛndua kol pɛ mɔiyan tei, a yɔŋnun maa vanaa nàà. O kon, masaa siɛndul vanaa mam vannda-a baa.

2Samiɛl 13:28

Mí Absalɔm dimul buɛyaa ndɔa aa: «La mɛɛndan Amnɔn ɲɛkɛndɛi, telen mɔiyan ma biinin ndu mò naŋ kɔl taw-vo, i dimulnin niaa le ndu biyɔɔ, mì la dii ndu. La yɔŋ isiòòn te dɛ! Sɔɛi fula pɛ i muli. Lelan la vesa hɔlla, mì la tosa vanapɔnɔyɛi.»

Tɔŋ lasálàá 10:9

«Te la va pɛ le luɛyɔɔ o cɛi-kola-toandaa-labɔɔŋianndo nin, nɔm a poaa nɔmnda, la bɛnda mì la kol mɔiyan te, nduyɛ la bɛnda mì la kol ɲɛ-ɲɛ hiŋ vana hɔlla le, yɔŋii niaa sɔla piɔ́mndo. Silaa co hoo le niaa pila a le cuavaa niaa imamaa le fɛɛn a fɛɛn ni.

Talelan 23:20

Del vanaa pum mɔiyan-nda a vanaa hiw vision dioo-a kɔɔli le,

Habakuk 2:5

A toɲa, mɔiyan ma pala vana: vanaa yongaa nɔ pɛngi le, yeemɛi ndɛi cuu lɔ́ɔ́-lɔ́ɔ̀ le. Te ciee-piɔ́m sanga pɛ a vanvílɛ́iya, mɛɛ nda bɛɛ a sanganin a vannda delɔɔ coo le nda siinguuo cɛa ndaa.

Esai 5:11

Dɛnɛ palaa co le vanaa can idii púŋ mà ɲaanun mɔima nɛyaan kɔɔli-a, le vanaa lo man kan kolɔɔ háá mì ma bii nda telen paalen le del-lo-a!