Talelan 2:4 - BII BILA

⁴ taa nuwviaa ndu pɛ mɛɛ vana nuwviaa volion yɛ, taa nuwviaa ndu pɛ tɛɛ-tɛɛ mɛɛ vana nuwviaa bolofaa yɛ,

Talelan 2:4 Referans Kwoze

Matie 13:44

«Masale halataala len le co vɛlɛ ko kpen maa bolofaa co o vianaa yondoo pum nin-ndo. Vanndo saalɔnndo ndu, mó cɔɔlu ndu vionɔɔ. O lo ɲaale kon dɔwnɔnndo tei, mó pisi ɲɛm ndɔn kpow, mó kɔ piandu yondo kon.

Matie 19:29

Nduyɛ vana-vana mɛi pɛ cɛila ndɔlan, puapilɛa ndɔa, yemaa ndɔa, fuɲa ndɔ, kala ndɔ, laa ndɔ, cuavaa ndɔa, te kon te yondola ndɔlan le diola nilan, ndu sɔlanin o hiow kon polon-ndo. O kon kɔɔli, o sɔlanin yoomu fɛɛn-fɛɛndo.

Talelan 16:16

Kɔlkaloo sɔlaa co fisa a sianion cuungiaa, dɛnɔɔ sinaa hiow va ɲɛ sɔvɛ polon a volion nɔu.

SƐBƐ YƆB-O 3:21

Vanaa kan co piɔ́mndo cumndo, kɛ piɔ́mndo co hunɔɔ. A co piɔ́mndo nuwviaa hiovɔɔ bolofaa coo.

Luke 16:8

Mí vana bɛndoo lisa vana mandaa bolofaa kɔlkalu vɔɔndo ho le taasi o tosa-o. Kani vanaa co o ceendo ho coo-a hiow caa hɛlihɛlinndo nda pila tɛɛn o dɛnndan nin a vanaa co o masale halataa len nin-nda.

Vana Kɔlkaloo 4:8

ndu co a vana co ndu pilɛ kpé-o o kɔɔ ni. O nɔ po le, o nɔ bɛndu le, o nɔ pɔmbɔ le. Kɛ o pɛngi a baalaa le, o co yeemaa le bolofaa sɔlaa tuŋ. Nduyɛ, o co ɲunanndo aa: Le nɛ̀ɛ̀ ya co yɛ sanganndo ho mì va kɛɛ yeemɛi nii tosa? Sanga fondoo co vɛlɛ kon ni, ceendo vili vɔɔndo pɛɛn.

Talelan 23:23

Kindin ma va vana toɲaa, ma nɔ kɔlkaloo, sinapɛngoo a dɛnɛ sinaa. Ɲɛla lan vɔngul o kɛ́-kɛ̀ le.

Condii lisai 119:127

Kani tɔŋnda nɔmndan la hiow ya hɛnan a sianion, hiovɔɔ sianin diandaa diandan coo.

Condii lisai 119:72

Tɔŋ fula nɔm o sondo-o hiow ɲamaa le ya a ɲɛm cɔwnun a sianion a á volion taw-von.

Condii lisai 119:14

I co ɲaaloo dɔwnɔnndo o tɔŋnda nɔmndan biyɔɔ nin vana ca ko aa bolofaa taw co ya o ba ni.

Condii lisai 19:10

Siòòŋii Mɛlɛka-e nɔu naŋ bɔɔ. Kon lonin tosanndo le vɔsilan kɛmɛlan o kɛmɛlan nin. Sɔɔn Mɛlɛka kialu-on co sɔɔn kpeekpei, sɔɔn sandan kposon n co ni.

Talelan 2:3

taa veelu pɛ kɔlkaloo, mà heelu diomndo le dɛnɛ sinaa veeloo,

Talelan 8:17

Vanaa kaola ya-a, ya bɛɛ i kaola nda. Vanaa co ya nuwviaa-a co ya saalɔnndo.

O Kandɔɔ 26:32

Paale pilɛle len, mí buɛyaa Isaak-a hun dimul Isaak aa a komal mɛnndan o soon kólaa nda va tovɔɔ-o nin.

Talelan 4:7

Kandɔn kɔlkaloo co ho ni: kɔlkaloo sɔlaa, mà yɔngu ɲɛm nɔmndon kpow le dɛnɛ sinaa sɔlaa.