Talelan 19:3 - BII BILA

³ Vanacieo tosa pɛ diɔmnde mì dɛnɛ hɛlun ndu, o mululun Mɛlɛka a kɔltuwvo.

Talelan 19:3 Referans Kwoze

Condii lisai 37:7

Biwnun ma cum Mɛlɛka o meiyo nin. Tambu kɔllo le vanaa dɛnndan la co bɛndaa o ba-a le, tuulu kɔllo a vanaa co dɛnndan tosaa a kɔlkalu vɔɔndo-a le.

Talelan 11:3

Simndan sandei sim vanaa sandaa laci ni, kɛ laasian vanaa sendu le-a tuisi dɛnɛ palaa nda coo ni.

Condii lisai 37:1

Condii David-e. Tambu kɔllo a vanaa vɔɔnda le! Paŋala vanaa co yɔŋ vɔɔndo tosaa-a le!

2Masaa 6:33

O va vɔ nda sɔɛi ken dimullo, mí kiilanɔɔ tiiya o ndu lo, mó dimul ndu aa: «Mɛlɛka tuisi dɛnnda palaalan ndan kpow naa coo ni. Vɛ̀ɛ̀ ya nɔla yɛ vɛlɛ mì tiindan ndu Mɛlɛka?»

1Samiɛl 15:23

Kani mɛɛ yavaa vomɔɔ co dɛnɛ vɔɔndo yɛ, lende koni nila kalulan la co dɛnɛ vɔɔndo ni. Mɛɛ piɔmaa tongoninnda sooloo co dɛnɛ nɔɔlɛiyo yɛ, lende koni sɔɛi biyaa lepɛŋnde co dɛnɛ nɔɔlɛiyo ni. Lelan, mɛɛ n kɛɛ le diom Mɛlɛka-o biyɔɔ yɛ, Mɛlɛka bɛɛ kɛɛ nɔm. A co lɛ masa le.»

1Samiɛl 13:13

Mí Samiɛl dimul ndu aa: «A tosa dɛnɔɔ maa diɔm! A bii diom Mɛlɛka Hala nɔmndo dimul nɔm-ndo le. Te nɔm óò bii pɛ diom kon, Mɛlɛka va tosa mì yungu nɔmndo ndóò va masalen tosaa Israɛlla coo le lɔ́ɔ́-lɔ́ɔ̀.

Esai 32:6

Kani diɔmndo diɔmnde o dimi ni, dɛnɛ vɔɔndo kposon o tuunun o kɔl ndɔɔ nin le dɛnnda siòòŋii Hala co nin te lan tosaa ni, le sɔɔn vɔɔnndon dimio a diola Mɛlɛka lan, le vana co a yiaan ndo malɔɔ dembe fondo, le vana kolɔɔ bii-o mɛnndan tuŋɔɔ.

SƐBƐ YƆB-O 15:13

Bàà Hala n co mululɔnndo a nɛyɔn nɔmndo ni? A ndu n co sɔɔn mùn solinndo o sondo ni?

Cɛɛŋɔnnda Yeremi lan 3:39

Vanacieo, a hakila ndɔlan, o co yoomu, le yɛɛ nɛ o cɛɛŋun yɛ vɛlɛ?

Esekiɛl 18:25

La co dimio aa ɲɛ Maalii co tosaa-o sendu le! Ava, mɛɛ la yaŋ-ndɔ nilan, niaa cuavaa Israɛlla! Vɛ̀ɛ̀ ɲɛ ya co tosaa-o sendu le ni baa dɛnnda niaa co tosaa lan la sendu le ni?