Talelan 19:21 - BII BILA

²¹ Tuulan taw la co vanacieo o kɔl ni, kɛ hɛnan Mɛlɛka-o tosan ni.

Talelan 19:21 Referans Kwoze

Talelan 16:9

Mì vanacieo tuu le ipum tosaa, kɛ Mɛlɛka tosa ni mò tiwba tuu kon peeloo.

Esai 14:24

Mɛlɛka-Nɔ-Kpaayaa-Kpow-vo mɛnan mó dimi aa: «A toɲa, sɔɛi ya kelu o kɔl nuu nin-nde tosannin lekɛ́ndɛi. Ɲɛ ya kɛɛsiaa-o, fɔ mo peelun kangalan.

Talelan 16:1

Vanndacieea nɔ tuulan, kɛ Mɛlɛka nɔ sɔɛi mɛɛlɛi o ba ni.

Esai 46:10

O kandɔɔ tasoo pɔ́ ya dimi ɲɛ co hunɔɔ yɔŋnɔn-ndo ni, o tasendɔ pɔ́-pɔ́ ya dimi ɲɛ peelun-ndɔ loo ni. Ya dimi ni aa tuu nuu peelunnin lekɛ́ndɛi. I tosanin hɛnan nuu kpow.

Talelan 21:30

Kɔlkalu co le, dɛnɛ sinaa co le, taasi co le, o sim Mɛlɛka o hɔllo.

Efɛsea 1:11

O yiinan naa n yiinan a Krista-o, mí naa bɛɛ n sɔla hɛlio. Mɛlɛka ndóò cii nin dɛnɛ kon tosa le naa mɛɛ o tuu yɛ. Mɛlɛka kon pɛɛn, ó tosa dɛnndan kpow mɛɛ hɛnan ndɔɔ co yɛ-o.

SƐBƐ YƆB-O 23:13

Kɛ sɔɛi o kelu pɛ le tosaa, nɛ̀ɛ́ kuunà yɛ ndu ndi? Ɲɛ kɔl ndɔɔ yeema-o, ndu o tosa ni.

Talelan 21:1

Mɛɛ peo co yɛ kɔl masaa co Mɛlɛka o ba ni, nɛɛ o yeema-a lon o mingi ndu ni.

Vana Kɔlkaloo 7:29

Mí ca ma Hala cɔw vanndacieea a sandaa, kɛ nda pila co ɲɔɔ kayakayaa ni.›»

Condii lisai 21:11

A tɛɛmbuunin cuavaa ndaa o lɛŋnden coo, mà tɛɛmbuu yɛyii ndɛi o vanndacieea tɛɛn.

1Piɛr 2:8

O kon kɔɔli, mó dimi vɛlɛ aa: «Pow tosa mà boŋ, mà del-lo co kon ni.» Vanaa kan a del kani a kɛɛ le diom Hala-o biyɔɔ, nduyɛ ken ndíì kelun le nda ni.

O Kandɔɔ 50:20

Niaa, niáà tuu le ya dɛnɛ vɔɔndo tosallo. Kɛ o dɛnɛ niaa tosa-o nin, mí Hala ndu tuu le ya dɛnɛ kɛndɔɔ mingullo le ɲɛ co hoo hau tosanndo-o peeloo, haliko mi yoomu vanaa bɔɔ-bɔɔ sɔla baŋaa.

Talelan 12:2

Mɛlɛka nàŋ kɔl a vana tosaa dɛnɛ kɛndɔɔ-o, mò yaala vana nɔ tuula vɔɔnndan-ndo.

Yude 1:4

Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.

Ɛstɛr 9:25

Kɛ mɛɛ Ɛstɛr fula masaa o hɔl, mí masaa sɛva le dɛnɛ vɔɔn Haman ndóò tuu kon le Yuifia tuisio coo-o mingio ndu pila o lebol, má landu ndu o yɔmndo nda poaa ndɔa.

Condii lisai 83:4

A co tuula vɔɔnndan le vanaa nɔmnda ciŋilanndo, má va vanaa n nɔ baa coo-a dúmbóó yiiyo.

Talelan 19:22

Ɲɛ vana yeema vanacieo o ba-o co lou o diomnden coo ni. Vana bala fondoo co fisa a vana lacòòvaa.

Yeremi 44:29

Sɔɛi fula ya Mɛlɛka o sondo-e co hee ni maa: «Esipte nanu ya lɔaanin niaa ni. Mì cɔm niaa tɔɔmaseloo. O kon niaa sinanin ni maa toɲaa sɔɔn ya dimi le niaa dɛnɛ palaa tuisio coo-on co ni. Tɔɔmasele kon co hoo ni.

2Samiɛl 17:14

Mí Absalɔm nda Israɛlla kpow a dimi aa: «Sila Husai Arkiinɔ-o hiow bɛnda a sila Ahitofɛl-lo!» Kani Mɛlɛka ndóò yeema le tuu Ahitofɛl-lo tɛɛmbuuo haliko mi ndóò tuisi Absalɔm dɛnɛ palaa coo.

Esekiɛl 20:32

Ɲɛ niaa co tuuvo le tosaa-o tosannin te few. Kani la co dimio aa: ‹N yeema mi naa bɛɛ n va maa vanaa-mangalaa-isɔaa celennda, maa yungula co o lɛŋii celennde nin-ndan. N yeema mi n sooluu yɔmnde a powtan.›