Talelan 19:2 - BII BILA

² Te vana nɔ taasi le dɛnɔɔ keleŋaa tosaa niŋ te, kani vana hiw pɛ lawvo a dɛnɔɔ a bendun.

Talelan 19:2 Referans Kwoze

Talelan 21:5

Tuula vana dialun fulaa la tosa ni mì ɲɔɔn vannun ndu o ba taw. Kɛ vana hiw pɛ lawvo o dɛnɔɔ pɛŋnden le luɛi nɔm.

Filipea 1:9

O ya co Hala piɛyo le niaa-o, ndu co ho ni: mì kaola niaa va hiovɔɔ laci lɔ́ɔ́-lɔ́ɔ̀, mò pɛ a sina kpeekpeiyo a á dɛnndan bilaa biyɔɔ ɲɛkɛndɛi,

Talelan 29:20

A ce nin vana soaa o yiyan too? O co fisa mì vana tiindan diɔm sondo vesɛiyo, yɔŋii vana tiindan vana vaa lende.

Rɔmnda 10:2

Kani i co seile ndalen timbi, maa a fula diallon le dɛnɛ Hala-o, kɛ a nɔ kɔlkalu o dialun fulan mun nin te.

Nsaŋ 16:3

A tosanin ken le tùú nda kɛɛ ya a Pua sinaa-o.

Osee 4:6

Vanaa nia dɔwnun yɛɛvɛ le sina lepɛŋndo. Le tùú niaa kɛɛ le ya sinaa-o, ya bɛɛ i co niaa ɲindɔɔ ikɛi, la ve lɛnin o vali solia lasálà nuu nin te. Mɛɛ niaa pɔɛɛnun tɔŋ Hala niaa yɛ, ya bɛɛ i co cuavaa niaa pɔɛɛnɔn lende.

Esai 28:16

Le hee, la tuei-yɔ sɔɛi Maalii Hala dimi-e: «Tofa vɔ, i tɔl powvo Siɔn le vaa pow kilaa cɛiyo, mí fula pow kalaa kɔɔli kɛ mí ca maa o nɔ isɔw le. Pow lebol kendu vɔngoo taw-vo o co ni, o co o tɔalaa ɲɛkɛndɛi, vana-vana tiindan pɛ pow kalaa, o yɔŋnun yoloma-yoloma mò sɔndan te.

Talelan 28:20

Vana lo o lediom coo-o ndu sɔlanin duaa. Kɛ vana co lawvo le bolofaa keleŋaa sɔlaa-o, dɛnɛ palaa toalnin ndu coo le ken.

Vana Kɔlkaloo 12:9

Mí ca maa vana kɔlkaloo tosà kɔlkaloo le ndu pila daama le. O pɛɛkù vɛlɛ vannda kɔlkalu ndɔɔ, mò dimi talelan taw, mò keela kɔllo lecoo, mò soli lan kɔlɔ.

Vana Kɔlkaloo 7:9

Keleŋa kɔllo tuulu le, kani vana diɔm sondo vesɛiyo nɛi kɔl itambu le.

Talelan 28:22

Vana yeemɛi bɛndoo yeema mò keleŋa bolofaa sɔla, o sínà bɛɛ maa kuɛi co hunɔɔ ndu tolɔɔ coo le.

Talelan 25:8

Keleŋa sɔɛi n ce-e dimi o cɛi kialaa n'yamaa nin te, kani te yaamɔɔ nɔmndo hun sɔla nɔm pɛ di, vɛ̀ɛ́ n tosa yɛnin o kon kɔɔli?

Talelan 14:29

Vana yàlà kɔl tuulu o dɛnɔɔ loo co vana tasio ni, kɛ vana keleŋa kɔl tuulu-o tosà diɔmnde.

Talelan 1:16

Kani nda nda, dɛnɛ vɔɔndo tuŋ nda co keiyo tosaa a kiltan ni. Keleŋaa pila nda keleŋa le vanndacieea diwvo ni.

Talelan 10:21

Sɔɔn vana sandaa n mala vanaa bɔɔ-bɔɔ, kɛ kɔlkalu lepɛŋndo dii vanaa pe lebol te-a ni.

Esai 27:11

Lɛɛndun mun vesa pɛ, vannda yimi ɲaandan mun, vanlaandua hin le mun lomɔɔ. Kani vanaa nɔ kɔlkalu le-a nda co ni, lelan, vana toosiaa nda-o nɔnin iɲíí a nda le, vana cɔw nda-o tosal-lɛnin nda ikɛndɛ le.

SƐBƐ YƆB-O 31:5

Te i kela pɛ o sɔɔn lacòòvan nin, te i kindin pɛ le dɛnɛ sendu loo tosaa,

2Masaa 4:39

Mí vana pilɛ o kunda kon tɛɛn kɔa yondoo nin le lam lapeo nuwviaa, mó komal puundule yondolen lepum, mó kiandu cai sɔ̀ɔ̀vei lecoo, mó pei ndi o doma ndɔ bɛndoo nin ca. Ndóò muungoo, mó kɔ kilikili ndi, mó vow ndi o kpɛɛnɛi nin, vana-vana siná tɔlɔɔ nɔ komɔɔ kon-ndo le.