Talelan 19:16 - BII BILA

¹⁶ Vana bii pɛ tɔŋndan o manda yoomu ndɔɔ, kɛ vana dow kela ndɔɔ taasi le, o sɔla piɔ́mndo.

Talelan 19:16 Referans Kwoze

Luke 10:28

O kon, mí Yeesu mulul ndu aa: «A bɛɛndiaa muli, tosa lende mà sɔla cindaa.»

Talelan 13:13

Vana tui sila loo, bɔnɔla cuu ndu kuee le. Kɛ vana bii pɛ tɔŋndan, ndu sɔla vɔ́ngɔ̀lan ni.

Luke 11:28

Kɛ mí Yeesu mulul ndu aa: «Lende i co ni, kɛ nduyɛ, vanaa tuei sɔɛi Hala-e má bii ndi-a, le nda dɛnɛ kɛndɔɔ co ni.»

1Nsaŋ 5:3

Kani Hala kaolaa co sɔɔn ndɔn biyɔɔ ni. Nduyɛ tɔŋnda ndɔlan la lusul te,

1Nsaŋ 3:22

Ɲɛ-ɲɛ naa n ɲuna ndu pɛ, n sɔla ɲɛ kon ndu o ba, kani n co tɔŋnda ndɔlan biyɔɔ, mì n va dɛnnda hɛnan ndu lan tosaa.

Talelan 29:18

Te vana co lɛ levundu cɔ le, vannda tosa dɛnndan mɛɛ nda yeema yɛ. Kɛ dɛnɛ kɛndɔɔ co le vana co tɔŋndo biyɔɔ-o.

Talelan 21:23

Vanndo bii pɛ sondo ndɔɔ a diɛɛmule ndɔlen, o kpakpala sangala bɔɔ-bɔɔ.

Talelan 16:17

Vanaa sandaa kpakpala dɛnɛ vɔɔndo o kelaa nin ni. Vana dɔw pɛ kela ndɔ ndu pila-o taasi o kanda yoomu ndɔɔ.

Dɛnnda cɔɔmuanndan 22:14

Dɛnɛ kɛndɔɔ co le vanaa co domala ndala bɛndulan tɔ́ɔ́-a. A sɔlanin dio le kɔmnde yɔm yoomaa sɔlaa, o kon mà kei o diola kobio le luɛyɔɔ lenin.

1Korɛntea 7:19

Vana dii tooma, vana dii tooma le, kon co ɲɛ-ɲɛ le, tɔŋnda Hala lan biyɔɔ co bollen ni.

Vana Kɔlkaloo 12:13

Sɔɔn dimin mun-ndon kpow, liima ndɔɔ co hoo ni: nɔ́ siòòŋii Hala-e, mà kela o tɔŋnda ndɔlan coo. O vanndacieea kpow bɛnda mà tosa-o co kon ni.

Vana Kɔlkaloo 8:5

Vana-vana bii pɛ tɔŋndo, ndu sɔla isɔɔ oo isɔɔ le. Kɛ vana kɔlkaloo sina maa dɛnndan kpow la kialunnin iyama o telen la bɛnda le yamɛi kiolɔndo-o.

Talelan 3:1

«Po nuu sei! Pɔɛɛnun pɛɛkula nilan te, mandan tɔŋnda nilan nɔm o kɔl,

Nsaŋ 14:15

«Te la kaola ya pɛ, mɛɛ la biinin sɔɔn ya co niaa dimullo-on,

Matie 16:26

Vanacieo sɔla bɛɛ ceendo ho kpede, te yoomu ndɔɔ hɛlun ndu pɛ, tɔnɔ yɛɛ o sɔla yɛ o kon? Te kon te, yɛɛ kpeekpei vanacieo yɔngù yɛ le yoomu ndɔɔ singaa?

Esekiɛl 33:5

Kani o tuei diom buloo, kɛ o saalan sɔɛi ken te, lelan mɛɛ ndu pila cii yoomu ndɔɔ ni. Kɛ vana tuei pɛ yoongu kon, mò cɛwcɛw milin ndɔɔ, mɛɛ ndu baŋa yoomu ndɔɔ.

Yeremi 7:23

Kɛ ɲɛ yáà dimul nda-o co hoo ni aa: «La tueí ya diom, haliko mi va Hala niaa, mì niaa va vanaa nia. La kela o nɛila ya co niaa cɔmndo lan coo kpow, le mɛɛ niaa sɔla dɛnɛ kɛndɔɔ yɛ.

Talelan 22:5

Yɔɔn a yaŋɔɔlan la co o nɛi vana kela tuunduɛiyo coo, vana kaolan pɛ ndu pila o kpakpala lan.

Talelan 15:32

Vanndo kɛɛ pɛ le pɛɛkoo tueyɔɔ, ndu pɛɛsan ndu pila. Kɛ vana cɛl pɛ kanalanndan, ndu sɔla taasio.

SƐBƐ YƆB-O 5:2

Toɲaa, kɔltuwvo dii diɔm sondo vesɛiyo ni, paŋalaa dii vana nɔ taasi loo ni.

Talelan 21:16

Vanndo mal pɛ nɛi taasio, mɛɛ ndu keleŋanin lakɔ ciee-piɔ́m mò kɔ va lon nda vanaa co lɛ le-a latulu.