Talelan 19:12 - BII BILA

¹² Maa pɛɛliaa yàlà téndé kɔltuw masaa co ni, kɛ maa mɔ́m toal o billo coo-o ɲiacɔ ndɔɔ co ni.

Talelan 19:12 Referans Kwoze

Osee 14:5

I singinin Israɛlla le kɛɛ nda kɛɛ lou o lediom coo-o. I kaolanin nda a kɔl nuu kpow, kani i co lɛ a kɔltuw nda le.

Talelan 20:2

Maa pɛɛliaa yàlà téndé kɔltuw masaa co ni, vana biiŋuu pɛ kɔl ndɔ tuwvo o vɔngulu yoomu ndɔɔ.

Talelan 28:15

Simlacinɔ kɔlvesɛi co masalen tosaa vanaa bala fondoa coo-o co ko maa yàlá co kuuliaa-o, maa kɔ́lɔ́vúlu co nin le ɲɛ kpuva-o.

Condii lisai 133:3

O co macoaa maa kɛmma co tolɔɔ o pembei Hɛrmɔn ndan, ma co tolɔɔ o pembon Siɔn coo-an pɛɛn. Kani Siɔn ndon Mɛlɛka kila calta ndɔlan ni, o cii fonda kalaa duaa dɔvɔɔ le lɔ́ɔ́-lɔ́ɔ̀.

Misee 5:7

Cuavaa tɔ̀a Yakɔb-a vanin vanaa súúla celeŋaa sɛ́lɛ́ bɛndua tɛɛn mɛɛ yàlàá va visia yondoa tɛɛn nuaa yɛ, mɛɛ yàlà téndóó va kunda cɔlua letùúa tɛɛn nuaa yɛ. Nɛɛ-nɛɛ o kei pɛ, o kpuva, o sɛɛsiaa, vana co mo hɛlu ndu ɲɛ o ba le.

Daniɛl 6:24

O kon, mí masaa naŋ kɔl taw. Mó dimi le Daniɛl solio o soon yàlàá nin. Mɛɛ nda soli ndu, má mɛɛndian ndu, kɛ hali ɲasɔɔ a ci ndu lekɔɔ le, kani ndóò handu Hala ndɔɔ laalanndo coo.

Daniɛl 5:19

Le bɔɔbɔɔyɛi Hala ndóò yɔngu ndu ken-nde, vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda kpow ndáà nɔ siòònde a ndu ni. Vana ndóò yeema pɛ le diyɔɔ, ndóò dii ndu, vana ndóò yeema pɛ le mɛiyo yoomu, ndóò mɛi kon yoomu. Vana ndóò yeema pɛ le heeloo, ndóò heelu ndu. Vana ndóò yeema pɛ le tuisio, ndóò tuisi ndu.

Vana Kɔlkaloo 8:4

Sɔɛi masaa co sɔɛi vana sɛ́ɛ́ngiàà le, vana-vana tiwba mò ɲuna ndu le aa: ‹Yɛɛ n co yɛ tosaa ho?›

Condii lisai 72:6

Masalen ndɔlen le vanin tolɔɔ maa piɔɔ o lɛŋnde nda cii billo vuunda coo len coo, mɛɛ kɛmndan ma liwviaa lɛŋnden nuaa yɛ.

Ɛstɛr 7:8

Telen masaa fula o nakɔɔ nin, mó muungu cɛinin nɛɛ nda va ɲɛdiaa dioo-a-o, mó komal Haman o delaa o kpɛŋɛ Ɛstɛr-o coo nɛɛ ndu Ɛstɛr va o icali-a. Mí masaa yonda aa: «Vɛ̀ɛ̀ langbanɔɔ ho yeema vɛlɛ mò kpuva lanaɔɔ masaa ya masaa pila o hɔl cɛinin nanu?» Lɔ́ɔ́ pá mó cii ɲuna kon, mí vanaa ndɔa baalaa yii Haman kolaa o hɔl.

2Samiɛl 23:4

maa ɲɛ-tengaa paale siaa masa kon co ni, maa ɲɛ téngà tuma yumbuyumbu ve coocoo loo o co ni. Piɔɔ sia pɛ mì ɲɛ-tengaa kon fula, hangulu ndɔɔ tòsá bil kiyɛiyo fula lɛŋ.

O Kandɔɔ 27:28

‹Màá Hala tuisul nɔm kɛmndan fulaa coocoo! Màá o tosa mì tɔlɔɔlan la naŋ o yondola nɔmndan nin! Màá sɔla baloo a mɔiyan taw o tɔlɔɔla nɔmndan!

Tɔŋ miingua 33:28

Israɛlla connun nila ɲulu o calta ndalan. Soon kólaa Yakɔb-o connun teengen o lɛŋnde ɲɛdiaa a mɔima yɛngian ma co nin-nden nin, o lɛŋnde halataalaa co mɔ́mndo tuisio coo len nin.

Esai 18:4

Kani nuaa Mɛlɛka dimul-la ni aa: ‹I connun o calta nilan nin yili mi va tofaa maa a telen hangul tuw-tuw paale kala ŋama-ŋamaa, maa a telen yumbuyumboo tenga nuaa, mí hangullo va boondii koavaa n'malle-o.

Ɛstɛr 1:12

Mí vanpiaandua masaa ndóò kɛsi kan kɔllo coo-a kɔ dimul Vasti lanɔɔ masaa diom masaa soo-o, kɛ mí Vasti kɛɛ le hunɔɔ. Mí masaa tuulu kɔl taw, mó ɲiiya a kɔlfulaa.