Talelan 19:10 - BII BILA

¹⁰ O nìŋ mì diɔmndo va o ɲɛm kɛndɔn nin te, o co vɔ bɛɛ le cɛɔ handɔɔ simlacia bollen te.

Talelan 19:10 Referans Kwoze

Talelan 26:1

Bɛɛle vana ke diɔmndo len le co ko maa piɔɔ mɛmma n'kpungba toal o vɔɔle kaka-kalalen nin-ndo, mɛɛ piɔɔ vana ve kɔl too hun a telen koavaa nuaa yɛ.

Nsaki 4:9

La sínán kɔɛi niɛi. Mɔnɛi bíí niaa, mì la caŋ. Mamɔɔ niaa bɛnda mò siŋnun mɔnɛi, mì kɔlkɛndɛ niaa siŋnun kɔl tambɛiyo.

Luke 16:23

Mó sɔla sangaa taw ciee-piɔ́m. Mɛɛ o heelu hɔlla pɔɔli, mó ca Lasar icali Abraham ikɛi.

Luke 16:19

O kon kɔɔli, mí Yeesu dimi vɛlɛ taloo ho aa: «Vana bolofaa pum va ni, volɔɔla kɛndɛ-kɛndɛlaa nɔ báà kala kalaa lan ndóò cuɛinun ni. Lepalaa-lepala, o va ɲaaloo dɔwnɔnndo o ceen ndɔɔ nin, mo va ɲɛm dian kɛndɛ-kɛndɔn dioo.

Osee 9:1

«Israɛlla la dɔawnun ɲaale mì la pɛ a kɔlkɛndɔɔ maa vanaa súúla celennda le. Kani la luɛi suunda soolaa n'piɔmndo, mí la kɔa Hala niaa levil. O kpelela lɔaa n'malta niaalan kpow coo, tɔnɔ dɛnɛ nɔɔlɛiyo niaa yeema ni.

Esai 3:5

A saangiannin nda pila vellaa-velle, vanndo saangiaanin caan ndɔ, mì caan ndɔ kon bɛɛ saangiaa vana kon. Poambɔa pɔmbɔa delnin kaasoŋaa yuuvɛiya coo mì vanaa fondoa del vanaa tɔ̀a coo.

Ɛstɛr 3:15

Mí kiilaa piɔl a kiltan a sɛbɛla lan maa mɛɛ masaa ndóò dimi yɛ. Mí sɔɛi ken i yondan o kobi lebollo Suse nin. O kon, mí vanaa va o kobio Suse nin-nda luɛi o buulan bɛndoo nin. Telen kon, masaa Sɛrsɛs nda Haman nda vannun icali mɔima nda kolɔɔ.

2Samiɛl 3:39

Hali, i co bɛɛ hau masaa nuaa, dɛnɛ poaa Seruya-a ha tosa-o hiow ya mayoomu. Màá Mɛlɛka pila mingul vana-vana kɔlvesɛiyo mɛɛ kɔlvesɛi ndɔɔ co yɛ!»

1Samiɛl 25:36

Abikail muungoo o ndu lo, o komal Nabal bɛɛndiaa ɲɛdiaa sɔvɛɔ, mó tuisi kafoo, kafo lemasaa lekɛ́ndɛi kafo kon va ni. Laa ndɔ komal o pim mɔiyan pumndo pila, mó va a kɔlkɛndɛ bɛndoo. Háá mí paalen le sia Abikail nɔla ndu kona kɛ́-kɛ̀ downɔn te.

Talelan 17:7

Diomnda lebɛɛlan la bɛnda a vana pe lebol too le, o co vɔ le còòlan bɛndaa a simlacinɔɔ le.