Talelan 19:1 - BII BILA

¹ Vana bala fondo co kelaa o dɛnɛ sandaa nin-ndo co fisa a diɔm sondo vesɛi dimi còòlan-ndo.

Talelan 19:1 Referans Kwoze

Talelan 28:6

Vana bala fondo co kelaa o dɛnɛ sandaa nin-ndo co fisa a vana bolofaa co kela tuunduanndo-o.

Matie 16:26

Vanacieo sɔla bɛɛ ceendo ho kpede, te yoomu ndɔɔ hɛlun ndu pɛ, tɔnɔ yɛɛ o sɔla yɛ o kon? Te kon te, yɛɛ kpeekpei vanacieo yɔngù yɛ le yoomu ndɔɔ singaa?

Talelan 16:8

Sɔlaa tùúlen o sandei nin co fisa, a bolofaa bɛndoo sɔlaa o kafalan nin.

Talelan 19:22

Ɲɛ vana yeema vanacieo o ba-o co lou o diomnden coo ni. Vana bala fondoo co fisa a vana lacòòvaa.

Talelan 20:7

Vana sandaa co kelaa o sandei nin, dɛnɛ kɛndɔɔ vanin le cuavaa ndɔa o mɛinin-nda.

Talelan 15:16

O co fisa mì vana nɔ tùúlen mà nɔ siòòŋii Mɛlɛka-e, a bolofaa bɛndoo nɔu kɛ ma va o buulanndan nin.

Talelan 14:2

Vana kela pɛ o sandei nin ndu ke Mɛlɛka bɛɛlen, kɛ vana kela pɛ o laasianndo nin mɛɛ ndu luei Mɛlɛka yii le.

Esai 59:3

Kani bala niaalan la co lalɔngɔlɛilan a koovan, suon niaan n co n'nɔɔlɛiyon a dɛnnda vɔɔnndan, cɔcɔn niaan co còòlan dimio, mì diɛɛmui niɛi va ɲiimu-ɲiimu fondoo.

Condii lisai 37:26

Lepalaa-lepala vana sandaa co vannda kɛndɛi tosallo, o co nda ɲɔɔn dɔndaa. Duaa cuavaa ndɔa siŋnùn ni.

Talelan 12:26

Vana sandaa, vana cɔm caanda nɛi kpeekpeiyo-o o co ni. Kɛ kela vanaa kɔlvesɛiya laasiaa nda pila ni.

Condii lisai 26:11

Kɛ ya ya, kela nuu nɔ isɔw le, lelan, tuinun ya iɲíí ma baŋa ya.

1Samiɛl 25:25

Hali ma tofa Nabal te, o nɔ kɔlkalu le, mɛɛ nda ke ndu diolan yɛ lende o co ni. Diola ndɔlan aa Nabal (kon co dimio ni aa ‹Diɔmndo›), lelan diɔmndo o co ni. Ya buɛi nɔm laandoo yɛ, i ci vanaa nɔm óò vem-nda le.

1Samiɛl 25:17

Lelan nɔm bɛnda nihau ni mà yiyan mɛɛ n co sɔɛi kalɛi biyɔɔ yɛ, kani dɛnɛ palaa cuu kiolɔn le tolɔɔ vana naa bɛndoo nda yungu ndɔɔ coo. Kani o hiw ba vɔwlen, vana tɔ́ɔ́ndàn bɛɛ le ndu isɔɔ dimul te.»

Talelan 4:24

Cɛ̀l mì sondo nɔmndo dimi còòlan te, và sɔɔn vɔɔnndon solinndo o sondo le.