Talelan 18:6 - BII BILA

⁶ Vana pe lebol too soo pɛ o kelu sɔngɔɔ, sondo ndɔɔ tosà ni mà hol ndu baa.

Talelan 18:6 Referans Kwoze

Talelan 27:3

Pow bɛndoo lusul, sióónndon bɛɛ n lusul, kɛ kɔltambɛiyo diɔm sondo vesɛiyo hiow ɲɛm mun kpede lusullo.

Talelan 29:9

Te vana kɔlkaloo kɔɛ pɛ kɔɔsɔɔ nda diɔm sondo vesɛiyo, diɔm kon tambu bɛɛ kɔl, te kon te o mam bɛɛ, o sɔlanin pɛngi o sɔɛi ken nin te.

Talelan 25:24

O co fisa mì vana vannun o sɔngilen nin o cɛiyo sɛmtɛ, a calle cɛi pilɔɔ nin niaa vanalanɔ lasɔngɔɔ.

Talelan 20:3

Dɛnɛ lebɛɛo o co ni le sɛɛngianndan kpakpalaa. Kɛ diɔm sondo vesɛiyo ndu, bollen o luei lenin ni.

Talelan 19:29

Le vanaa yongaa vɔngulun nda pila le dɛnɛ palaa sɔlaa ni. Diɔmndo yɛ, ndu pila tosà ma hol ndu baa.

Talelan 19:19

Vana hiw kɔllo tuwvo-o bɛnda mò luɛi bɔnɔ, te o co kon te o yɛla.

Talelan 17:14

Sɛɛngianndo kandɔɔ co ko maa ɲɛ kanda mɛnndan-ndo bulio. Lelan lɔ́ɔ́ sɔngɔɔ kuvan-ndɔ loo, soli pelon lenin.

Talelan 14:16

Vana kɔlkaloo nɔ siòòŋii dɛnɛ vɔɔndo, lelan o kpakpala ndu ni. Kɛ diɔm sondo vesɛiyo ndu nɛi bollen vow o dɛnɛ nin te, kani o laalan a ndu pila.

Talelan 14:3

O sɔɔn diɔm sondo vesɛiyo nin yonga ndɔɔ vul ni. Kɛ sɔɔn vana kɔlkaloo sɔaa-on kándà ndu ni.

Talelan 13:10

Yongaa hun a sɛɛngianndan ni, kɛ le vanaa bii silaa-a kɔlkaloo co ni.

Talelan 12:16

Diɔm sondo vesɛiyo nɛi kɔl tuulu le, kɛ vana kɔlkaloo ndu vionɔɔ o vian kɔl ndɔ fulaa ni.

Talelan 22:10

Tow vana yongaa mì sɛɛngianndo cuu, vana tui lɛnin lasɔngɔ a layeovan te.