Talelan 18:12 - BII BILA

¹² Yongaa pɛ̀ pɛ vanacieo o kɔl, mɛɛ delɔɔ ndɔɔ tiiya. Kɛ tuisinndo hun a heeloo sɔlaa ni.

Talelan 18:12 Referans Kwoze

Talelan 15:33

Vanndo nɔ pɛ siòòŋii Mɛlɛka-e, ndu sɔla kɔlkaloo. Tuisinndo hun a biiloo sɔlaa ni.

1Piɛr 5:5

Lende koni i co le niaa cuaa felengia ni, la tuisin kaasonnda o labɛngunin. O naaŋan niaa vellaa-velle nin, la nɔ kɔl tuisianndo, kani Sɛbɛ Hala-o dimi aa: «Simullo Hala simul vanaa yongaa ni, kɛ mo tosal vanaa tuisiannda kɛndɛi.»

Talelan 11:2

Yongaa luɛi pɛ vanndo, vannda pɛɛsa ndu, vanaa tuisiannda nɔ kɔlkaloo ni.

Esekiɛl 28:2

«Po vanacieo sei, dimul masa co kobio Tir bollen-ndo aa nuaa Maalii Hala dimi ni aa: ‹Kɔl nɔmndo pɛ a kuundianndo háá má dimi aa hala n co ni! A co icali o ɲɛ-calaa Hala-o coo o mɛmma ihɛllan tɛɛn. Nɔm yɛ, vanacieo n co ni, a co Hala le, kɛ má tuu maa yiyan nɔmndo a yiyan Hala-o kpen-kpen la co ni.

Talelan 29:23

Yongaa hun a siɛmbulan ni, kɛ kɔl tuisianndo tosà mì sɔla biiloo.

Talelan 16:18

Kuundianndo hun a dɛnɛ palaa ni, yongaa cuu vana tambei ni.

Luke 14:11

Kani vana-vana heelun pɛ, ndu sɔlanin tuisio tootoo. Kɛ vana-vana tuisin pɛ, ndu sɔlanin heeloo.»

Esekiɛl 28:9

Vɛ̀ɛ̀ a nɔla vɛlɛ mà dimi vanaa co nɔm diyɔɔ-a o hɔl aa hala n co ni? Nduyɛ vanacieo daama n lonin ɲinkon vanaa vanin nɔm diyɔɔ-a o ba ni. A venin hala nda o ba le.

Daniɛl 9:23

Tuma n va Hala tɛɛlɔnndo-o, mó dimul-la yoongoo pum le nɔm. Yoongu kon ya hin nɔm tɛɛngul ni. Hala kaola nɔm, a hɛnan ndu taw-taw. Lelan, bii yoongoo ho bila. Sina vundulen-nden pɛɛngu.

Daniɛl 9:20

«I va hiovɔɔ laci a sɔɛi o piɛile nilen nin, i va hakila nilan a hakila yungu nuu Israɛl sɔlɔlanndo, i va Mɛlɛka Hala nuu tɛɛlɔnndo le pembii ndɔɛi diandɛi,

Esekiɛl 29:9

Lɛŋnde Esipte len le siŋnunnin lɛŋnde piɔlɛilen a bémbélan kposon. O kon vannda sinanin maa ya co Mɛlɛka ni, kani Faraɔnnɔɔ dimi aa ndu nɔ pee bɛndoo Nil ni, aa ndu toosiaa ndu ni.

1Masaa 3:7

A toɲa, Mɛlɛka Hala nuu, nɔm ke ya vana nɔm baalaa masalen o fonda David fuɲa ni-o ni. Kɛ nduyɛ, i co vɔ o bɔɔ le, i nɔ vɔ kɔlkalu ya tosa masalen ɲɛkɛndɛi le.