Talelan 18:1 - BII BILA

¹ Vana yeema tɔnɔ ndɔ ndu pilaa daama-o holnun caanda le, vana tuu pɛ le ndu malaa o tuulu kɔl.

Talelan 18:1 Referans Kwoze

Talelan 20:3

Dɛnɛ lebɛɛo o co ni le sɛɛngianndan kpakpalaa. Kɛ diɔm sondo vesɛiyo ndu, bollen o luei lenin ni.

Yeremi 15:17

I cel o kunda vanaa mam caanda-a coo le, i dɔwnun ɲaale naa ndaa le. Kɛ má baŋ ya calle ya pilɛ, kani má pei ya a kɔltuwvo.

Talelan 24:21

Po nuu sei! Ke Mɛlɛka a masaa bɛɛlen. Del vanaa yeema le dɛnndan kpow yɛlɛmiaa-a kɔɔli le.

Yude 1:19

Ɛ̀ɛ̀ nda co kan ni, vanaa puusiaa vannda-a, vanndacieea n'falua nɔ Kɔl Hala le-a.

Marke 1:35

Idiiyo púŋ, ɲumndan ma va vɔ, mó can le kɔlan o lɛŋnde veselɛilen lepum nin, mó kɔ va piɛilen.

Talelan 14:10

Mɔnɛi co vanndo o kɔl-le, ndu pilɛ kpé sina ndi ni. Ndu pilɛ kpé sina vɛlɛ kɔlkɛndɛ co ndu o kɔl-lo ni, vana celen nɔla dɛnnda lan sinanndo maa ndu pila le.

Matie 13:44

«Masale halataala len le co vɛlɛ ko kpen maa bolofaa co o vianaa yondoo pum nin-ndo. Vanndo saalɔnndo ndu, mó cɔɔlu ndu vionɔɔ. O lo ɲaale kon dɔwnɔnndo tei, mó pisi ɲɛm ndɔn kpow, mó kɔ piandu yondo kon.

Talelan 26:17

Sondoo vowvo o sɔɛi n sina lei nin co ko kpen a tun co hiownɔnndo-o nilan biyɔɔ.

Fulaa 33:16

Vɛ̀ɛ̀ nda sina yɛnin maa a ce ya ɲia má ca vɛlɛ vannda ha ɲia? Fɔ mì n kɔɛ naa niaa latulu, mì n va teengen a vanaa súúla celen o ceendo coo malan vannda sina maa a ce naa ɲia.»

Talelan 20:19

Vana congu vannda nɛɛ-nɛɛ ka-o cɔɔmuu sɔɔn viannanndon ni. Lelan kpakpala vana tombolaa.

Talelan 17:14

Sɛɛngianndo kandɔɔ co ko maa ɲɛ kanda mɛnndan-ndo bulio. Lelan lɔ́ɔ́ sɔngɔɔ kuvan-ndɔ loo, soli pelon lenin.

Rɔmnda 1:1

Ya Pol, vana baala Yeesu Krista-o co sɛbɔɔ ho sɛvaa ni. Ya veelun le siŋnɔnndo kiilaa, mí siŋnun teengen le vannda Yoongu kɛndɔɔ tiiyallo-o.

Marke 4:11

Mó mulul nda aa: «Niaa, o kennun niaa le dɛnnda viannanndan sinaa a masale Hala len o kɔɔ, kɛ le vanaa celen, maa lasanda daama la co le nda ni,

Matie 13:11

Mí Yeesu mulul nda aa: «Niaa, la sɔla sinapɛngoo le dɛnnda viannanndan bilaa biyɔɔ a masale halataala len o kɔɔ, kɛ nda sɔla sinapɛngu vaa lende le.

2Korɛntea 6:17

Lelan Mɛlɛka dimi ni aa: «La fula nda tɛɛn, mì la sɛyan niaa ndaa. Ɲɛ-ɲɛ co ɲɛ nɔɔlɛiyo, la pilan ndu le! O kon, i cɛlnin niaa.

Sakari 7:3

a le vanaa-solia-lasálàá va baalaa o Cɛi Mɛlɛka-Nɔ-Kpaayaa-Kpow-vo nin-nda a vanaa-tɛɛngaa-diom Hala-a ɲunaa ni aa: ‹Vɛ̀ɛ̀ mì va hiovɔɔ laci a caŋndo a sumndo biyɔɔ o paangii ŋuɛɛnundɔɛi nin mɛɛ ya co nin tosaa lende o vɔsilan taw nin yɛ?›

Talelan 3:21

Po nuu sei! Manda kɔlkaloo a dɛnɛ sinaa, fáŋà hɔlla lecoo mì la kɔɛ nɔm levil te.

Talelan 8:14

Baala nuu co vanndacieea silaa a nda kanalanndo ni. Ya co dɛnɛ sinaa ni, ya nɔ kpaayaa ni.

Tɔŋ miingua 14:6

a visi oo visi nɔ buuku piasaa mo kpukula.