Talelan 17:8 - BII BILA

⁸ Ɲɛm nda ke vannda le nda luɛyɔɔ nin-ndon co vanaa co mun yɔngoo-a o hɔl maa powta báá kala. O kon, maa nɛɛ-nɛɛ nda kɔɛ pɛ a sɔla dɛnɛ kɛndɔɔ.

Talelan 17:8 Referans Kwoze

Fulaa 23:8

La cɛl ɲɛm nda vanin niaa yɔngoo le niaa luɛyɔɔ nin-ndon te, kani ɲɛm vaa lende n suumiaa vanaa co cɔu-va, mì n laasiaa sɔɔn vanaa sandaa.

Misee 7:3

Tenndaa pila bala ndalan la tennda o dɛnɛ vɔɔndo tosaa nin ni. Simlacia co ɲunaa le nda salaa, vanaa kialaa n'yamaa bɛɛ kilu yamɛi fondo le, fɔ ma ce tɔnɔ ndaa lenin, vanaa kùndàá bɛɛ a co ɲɛ nda yeema-o kiolɔɔ. Lende nda kpow a co cɛlanndo ni le dɛnnda vɔɔnndan tosaa.

Amɔs 5:12

Kani i sina maa yɔŋnda vɔɔnnda niaalan la co labɔɔ, hakila niaalan la kui taw-taw. La co vanaa sandaa mɔnɛi lueiyo, La co luɛyɔɔninndo cɛlɔɔ, mì la va dí vanaa bala fondoa tɛɛmbuuo o fonda kialaa n'yamaa.

Esai 1:23

Vanaa lanila kalua simlacia niaa co ni, nda co vuiya simndan kɔɔli le vuilen tosaa ni. Nda kpow a yeema bolofaa luɛyɔɔninndo, a co kiltan ikilikiliei vɔ̀ngɔ̀lan kɔɔli tuŋ! A co isɔɔ le vííya ma tosal nda dɛnɛ sandaa le, a cɛl bɛɛ mì dɛnɛ vanalanɔ pɔnɔ ndɔ vi-o tiiya o nda lo di le yamɛi kiolɔɔ le.

Talelan 21:14

Vana ke pɛ vana tuulu kɔllo-o ɲɛ pum sɔ́ɔ́-sɔ́ɔ́, o ɲulul kɔl. A sɔɔ pɛ ɲɛ pum ndu o yifɔ, a ɲumi ndu yinnden o kɔl.

Talelan 17:23

Ɲɛm kean sɔɔsɔɔ-on hɛnan vanaa kɔlvesɛiya biyɔɔ ni, le dɛnɛ sandaa faŋaa o fonda ndɔɔ.

1Samiɛl 25:35

Mí David bii ɲɛm Abikail va ndu mún yoo-on, mó dimul ndu pila aa: «Muungun a kɔlɲuloo. Tofa vɔ, i cɛl tɛɛlɔn n tɛɛlun ya-o, mí bii nɔm ɲɛkɛndɛi.»

Tɔŋ miingua 16:19

La tósà kafalan o yaman kiolɔɔ nin te. La hiyan vannda le, la cɛl ɲɛm nda vanin niaa yɔngoo le niaa luɛyɔɔ nin-ndon te. Kani ɲɛm mun suumiaa vanaa kɔlkalua ni mi n laasiaa di vanaa tɛɛmbuu isɔɔ le-a.

O Kandɔɔ 43:11

O kon mí fuɲa nda dimul nda niko o mɛɛlulan aa: «Te mɛɛ tosaa celen co dɔ́ɔ́ le, mɛɛ i yeema mì la tosa ɲɛ pum: la cua ɲɛm vaan kɛndɛ-kɛndɛn co o lɛŋnde naalen nin-ndon, mì la vow o bɔlɔla niaalan nin, mì la yoo langbanɔ kon. La cua bom ɲɛ-pɔmbɔ a lɛan ɲɛ-pɔmbɔ, mì la cua ɲɛm cun kɛndɔn, mir, pistas a amanndeon.

Condii lisai 29:4

Diom Mɛlɛka-o nɔ kpaaya, Diom Mɛlɛka-o comul bɔɔ.

Condii lisai 21:13

Kani a vuunin nda a kɔɔn nɔmndon, mì nda pila sɔɔndian.

Condii lisai 19:6

Mɛɛ vanapɔnɔ cua lanɔɔ sɛnɛiyo fula o ndu lo cɛinin nuaa yɛ, mɛɛ vana ɲaananndo va a ɲaaloo le ɲaanɔnndo o nɛi nuaa yɛ, lende koni paalen le can ni.

Condii lisai 18:16

Mɛlɛka, mɛɛ n tuulu kɔllo, mɛɛ n kɔngɔlan a kɔlfulaa, mí lɛŋnde co o mɛmma ihɛllan bɛngu len le fula ceen, mí nɛɛ cendoo kɛsi tumndo-a fulan ceen vakpa.

Vana Kɔlkaloo 7:7

Masalen tosaa kpoku-kpoku, nɔla mò mingi vana kɔlkaloo maa diɔm sondo vesɛi. Ɲɛm kean n tiwba mì n mangala vana kɔlkaloo kɔllo.

O Kandɔɔ 32:14

Mí Yakɔb lɔl icɔl kon o fonda kon, mó hɛli ɲɛ ndóò yeema le Esau bɛ ndɔ yoo-o o ɲɛm va ndu o ba-on nin.

O Kandɔɔ 32:21

La dimul ndu vɛlɛ aa: ‹Yakɔb vana nɔm baalaa co hunɔ̀ɔ́ naa kɔɔli.›» Kani nuaa Yakɔb va yiyanndo o kɔl ndɔɔ nin ni aa: «Te o ce pɛ cɔlua ya yeema haa le ndu yoo-a ya laci, o co kɔllo ɲulul. O kon kɔɔli, ya pila koma fula niko ndu o hɔl. Bɔɔle mò cɛl mì sɔɔnguu ndu ikɛi.»

Talelan 18:16

Ɲɛ-kea kumbi diola bɔɔ-bɔɔ, ndu yaa vana o vanaa kùndàá lo ni.