Talelan 17:3 - BII BILA

³ A yinnden vana sina naŋɔɔ n'sianio a naŋɔɔ n'volio ni, kɛ kɔlta vanndacieea lan, Mɛlɛka yaasiaa ndan ni.

Talelan 17:3 Referans Kwoze

Esai 48:10

La tofa vɔ, i vow niaa o kpɛɛnɛi teengiai nin, kɛ o co le niaa siinguu volin humbu le, I soli niaa kɔlɔ o tóndó bɛndu dɛnɛ palaa nin.

Yeremi 17:10

Mí ya Mɛlɛka dimi aa: Ya co vana ca o kɔllo nin di-o ni, i sina yiyannda viannannda co o kɔltan nin-ndan. Le hee, i tiwba mi bii vana-vana mɛɛ kela ndɔɔ co yɛ, mɛɛ dɛnnda vana-vana la co yɛ.

Condii lisai 26:2

Mɛlɛka, dɔw ya taasi, ma fɛfɛla ya, tosa fula makɔɔ ma yaasiaa kɔl nuu.

Talelan 27:21

Yinnden le cɔm súú volin humbon a sianion co-o ni. Vanacieo ndu, ɲɛ vannda dimi a ndu-o cɔm vana súú o co-o ni.

1Piɛr 1:7

Laalan niaa nɔ yɛ o Yeesu nin-ndo, ndu hiow baa kaloo a sianion. Lelan, le sinaa te la nɔ pɛ laalanndo o Yeesu nin lekɛ́ndɛi, mɛɛ mì sɔɔn dɛnɛ palaan kei niaa coo. O kon, paale Yeesu Krista cɔmnunnin-nden le tiiya pɛ, la sɔlanin candɔɔ, biiloo a bɛɛlen.

1Dɛnnda lemasalan 29:17

Éé Hala nuu! I sina maa o kɔltan nin di n tofa vana ni, a yeema vɛlɛ dɛnɛ sandaa. Nduyɛ, a kɔl ni sandaa ya yɔngu nɔm ɲɛm-kéan mun kpow ni. I co nihau cɔu mɛɛ vanaa nɔmaa co haa nanu-a co nɔm ɲɛm-kéan yɔngoo a ɲaaloo yɛ.

Condii lisai 66:10

Éé Hala! A yaasiaa naa kɔltan, má kei naa o ciliŋii tuwve nin mɛɛ vana kei voliei lenin le ndi dindio nuaa yɛ.

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

Condii lisai 139:23

Dɔw ya taasi Hala, mà sina yiyan co ya o kɔl-lo. Tosa fula kɔɔlio, mà sina buulannda co ya o kɔl-tan.

Talelan 15:11

Hali ɲɛ co tosanndo ciee-piɔ́m di-o, Mɛlɛka sina, ko nin te yiyannda vanndacieea.

Talelan 17:2

Buɛi nɔ taasio-o cuanin fonda hɔ́ɔ́ soli vana lasiɛmbu loo, mò sɔla kɛ́ ndɔɔ o yungu kon tɛɛn.

Esekiɛl 22:18

«Po vanacieo sei, cuavaa Israɛlla siŋnun ya o hɔl maa poola icilin, a siŋnun kpow maa idaɲa, maa volin humbu, maa ciliŋii dingɛn.

Daniɛl 11:35

O vanaa hiow kan kɔlkaloo-a tɛɛn, a pum malnin nɛiyo, kɛ Mɛlɛka tuisinin nda dɛnɛ palaa coo haliko ma tɔɔnun, ma dendu, mà muungu a kɛndɛ háá o telen kon mɛɛlulan, kani telen kelun-ndo tiiya vɔnin te.

Tɔŋ miingua 8:2

La loonun a nɛi Mɛlɛka Hala niaa yɛɛ niaa coo o vɔsila belehiɔɔlulan-ndan bɛngu o lɛŋnde veselɛilen nin-ndo. O tosa kon le niaa siɛmbulan tuisio, le niaa tɔɔndanndo, le yiyannda co niaa o kɔl-tan sinaa a le sinaa te niáà biinin tɔŋnda ndɔlan.

Tɔŋ miingua 8:16

O lɛŋnde veselɛile len nin, mó dɔaw niaa balo a manne, o fuɲaa niaa mamaa ndáà sina sindɛ loo. O tosa kon kpow le niaa siɛmbulan tuisio a le niaa tɔɔndanndo, haliko mo tosal niaa dɛnɛ kɛndɔɔ siɔdii laci.

SƐBƐ YƆB-O 23:10

Kɛ nduyɛ, o sina nɛi ya co coo-o, o fula pɛ ya kɔɔli mò tɔɔndan ya, i vannunnin o diandaa few maa isiani.

SƐBƐ YƆB-O 28:1

Mí Yɔb cua vɛlɛ sɔɛi, mó dimi aa: «Fonda nda kala volion lɛŋ-ndo co, fonda nda kala sianion-ndo co vɛlɛ.

Talelan 16:2

Vanacieo yiyan lɔ́ɔ́-lɔ́ɔ̀ maa kela ndɔɔ dendu, kɛ vana yaasiaa kɔltan-ndo co Mɛlɛka ni.

Talelan 21:2

Vanacieo yiyan lɔ́ɔ́-lɔ́ɔ̀ maa kela ndɔɔ naŋ ni, kɛ vana yaasiaa kɔltan-ndo co Mɛlɛka ni.