Talelan 17:12 - BII BILA

¹² O co fisa mì vana bɔŋan a kɔ́lɔ́vúlu nda cuel cuavaa ndɔa-o, a bɔŋanndo a diɔm seemaa pɛ o kɔl-lo.

Talelan 17:12 Referans Kwoze

Osee 13:8

I kpuvanin niaa maa kɔ́lɔ́vúlu nda cuel cuavaa ndɔa-o, mì sɛɛsiaa yala kɔlta niaalan la co nin-ndo. I sɔamnin niaa maa yàlà laandu, mì visia yondoa siow niaa sɛɛsiaa.

2Samiɛl 17:8

O kon kɔɔli, mó dimul Absalɔm aa: «Nɔm pila sina fuɲa nɔm nda langbaa ndɔa. A sina maa vanaa cɔwva lekɛ́ndɛi nda co ni. A fula pɛ kɔl, a siŋnun maa kɔ́lɔ́vúlu nda cuel cuavaa ndɔa yondoo nin-ndo. Handɔɔ o kon coo, vana cɔwvo fuɲa nɔm co ni, o lɔlnin nɛɛ pilɛ nda caanda le.

Matie 2:16

Herɔde cɔu maa vanaa kɔlkalua hui ndu, mó tuulu kɔllo taw-taw. Mó viam vannda le kɔlan cuaambɔa ndáà hiw-vɔ vɔsila tiɔn te-a kpede diwvo, kandɔɔ Bɛtlɛhɛm kɔlan a cieon balu ndu-on kpow, maa mɛɛ vɔsila vanaa kɔlkalua ndáà dimul ndu lan la va yɛ.

Talelan 28:15

Simlacinɔ kɔlvesɛi co masalen tosaa vanaa bala fondoa coo-o co ko maa yàlá co kuuliaa-o, maa kɔ́lɔ́vúlu co nin le ɲɛ kpuva-o.

Talelan 27:3

Pow bɛndoo lusul, sióónndon bɛɛ n lusul, kɛ kɔltambɛiyo diɔm sondo vesɛiyo hiow ɲɛm mun kpede lusullo.

2Masaa 2:24

Mó mulin, mó tofa nda, mó dɔaw nda danga o diola Mɛlɛka lan. O kon, mí kɔ́lɔ́vúlua fula o bundɔɔ nin nda ŋiɔn, má sɛɛsiaa n'van belehiɔɔlu a vanaa ŋiɔn o poambɔa kan tɛɛn.

Talelan 17:11

Vana kɔlvesɛiyo ndu, dɛnnda kpoku-kpokulan daama o kindin le tosaa ni. O kon ndu pila tuisin kpaaya dɛnɛ palaa coo.

Talelan 29:9

Te vana kɔlkaloo kɔɛ pɛ kɔɔsɔɔ nda diɔm sondo vesɛiyo, diɔm kon tambu bɛɛ kɔl, te kon te o mam bɛɛ, o sɔlanin pɛngi o sɔɛi ken nin te.