Talelan 16:9 - BII BILA

⁹ Mì vanacieo tuu le ipum tosaa, kɛ Mɛlɛka tosa ni mò tiwba tuu kon peeloo.

Talelan 16:9 Referans Kwoze

Talelan 19:21

Tuulan taw la co vanacieo o kɔl ni, kɛ hɛnan Mɛlɛka-o tosan ni.

Condii lisai 37:23

Mɛlɛka tosa ni mì kela vanacieo sim yili, o kon mò hini kɔl a kelaa o nɛi ndɔɔ coo.

Talelan 16:1

Vanndacieea nɔ tuulan, kɛ Mɛlɛka nɔ sɔɛi mɛɛlɛi o ba ni.

Talelan 20:24

Mɛlɛka sìm kela vanacieo laci ni. Te o co kon te vɛ̀ɛ̀ vanaciee kon nɔla yɛ mò bii nɛi ndɔɔ bila?

Yeremi 10:23

Mɛlɛka, i sina maa vanacieo nɔla kelaa mɛɛ o bɛnda yɛ le, vanacieo nɔla kelaa a ba ndɔ o nɛila kɛndɛlan coo le.

Talelan 21:30

Kɔlkalu co le, dɛnɛ sinaa co le, taasi co le, o sim Mɛlɛka o hɔllo.

Esai 46:10

O kandɔɔ tasoo pɔ́ ya dimi ɲɛ co hunɔɔ yɔŋnɔn-ndo ni, o tasendɔ pɔ́-pɔ́ ya dimi ɲɛ peelun-ndɔ loo ni. Ya dimi ni aa tuu nuu peelunnin lekɛ́ndɛi. I tosanin hɛnan nuu kpow.

Talelan 16:8

Sɔlaa tùúlen o sandei nin co fisa, a bolofaa bɛndoo sɔlaa o kafalan nin.

1Samiɛl 9:16

«Siɔdii a telen vaa nuaa kpafii, i cɔmnin nɔm langbanɔɔ pum, fulaa o polale Bɛnyamɛn-nden nin. Ndu n pɔlanin le siŋnɔnndo masaa vanaa nia coo ni, Israɛlla pɛɛn. Ndu baŋanin nda Filistia o ba ni. Kani i yiyan caŋnda vanaa nia co ya o lani le nda malaa lan.»

2Dɛnnda lemasalan 22:7

Telen Ahasia kɔɛ kon Yoram yilɔɔ-o, mí Hala tosa mí ndu Ahasia sɔla piɔ́mndo. Ndóò tiiyaa dɔ́ɔ́, má kɔa Yehu, po Nimsi-o bɔŋa nda Yoram. Nduyɛ, Yehu kon Mɛlɛka ndóò hɛli le yungu Akab-o diwvo ni.

Talelan 21:1

Mɛɛ peo co yɛ kɔl masaa co Mɛlɛka o ba ni, nɛɛ o yeema-a lon o mingi ndu ni.