Talelan 16:7 - BII BILA

⁷ Mɛlɛka hini pɛ kɔl a kela vanndo, o tosa bɛndaa muungu vana kon tɛɛn hali nda yaamɔaa ndɔa.

Talelan 16:7 Referans Kwoze

Rɔmnda 8:31

Vɛɛ naa n dimi yɛnin vɛlɛ a ken o kɔɔ? Te Hala co pɛ le naa, nɛ̀ɛ́ cɔlɔba yɛnin naa?

1Nsaŋ 3:22

Ɲɛ-ɲɛ naa n ɲuna ndu pɛ, n sɔla ɲɛ kon ndu o ba, kani n co tɔŋnda ndɔlan biyɔɔ, mì n va dɛnnda hɛnan ndu lan tosaa.

Kolɔsea 1:10

O kon la tiwnin ba kelaa mɛɛ vanaa Maalii-a bɛnda mà kela yɛ, la vanin dɛnnda hɛnan ndu lan tosaa lɔ́ɔ́-lɔ́ɔ̀. La tosanin dɛnnda kɛndɛlan kpow mì la hiow laci a Hala sinaa.

2Dɛnnda lemasalan 17:10

Mí siòònde bii masɛi balu tàndá Yuda-o-e kpow a Mɛlɛka, vana-vana hinul-lɛ Yosafat a cɔw le.

Hebreea 13:21

Màá Hala kon ke niaa kpaayaa le dɛnnda kɛndɛla súú-súù ka tosaa, mì la nɔla hɛnan ndɔɔ tosaa. Màá o mala naa o diola Yeesu Krista lan mì n tosà hɛnan ndɔɔ. Màá biiloo va le ndu Yeesu Krista le fɛɛn a fɛɛn! Amiina!

Yeremi 15:11

Nduyɛ mí Mɛlɛka dimul-la aa: «Dɛnɛ kɛndɔɔ co nɔm laci. I tosanin mì yaamɔaa nɔmnda tɛɛlun nɔm o telen nda vanin o dɛnɛ palaa nin-ndo.

O Kandɔɔ 33:4

Mí Esau hun ndu demullo a kiltan, mó cua ndu o balan coo, mó kafalan ndu o labolo, mó kɔman ndu. Mí nda ŋiɔn kpow a saan caŋndo.

O Kandɔɔ 32:28

Mí langbanɔ kon ɲuna ndu aa: «Vɛɛ n nɔ yɛ diolan?» Mí Yakɔb mulul ndu aa: «Diola nilan Yakɔb.»

Kolɔsea 3:20

Cuaambɔa, la bii sɔɔn vanaa velu niaa-a o dɛnndan kpow nin, kani kon hɛnan Mɛlɛka ni.

Filipea 4:18

I sɔla ɲɛm niaa yɔŋ ya-on kpow, mí n hiw kuiyo ya o ba. I pɛ, Epafrodite langa yɔngu ya ɲɛm niaa yɔŋ ya-on, n co macoaa maa lasikɔlɔ cun kɛndɛ, sálà hɛnan Hala-o.

Condii lisai 69:31

I sangalanin diola Hala lan o condon nin, i cɔmnin bɔɔbɔɔyɛi ndɔɛi o ndu balikaa mello nin.

O Kandɔɔ 27:41

Mí Esau cua nɛyɔn Yakɔb-o le duaa ndɔ o hɛlu fuɲa nda o ba-o. Mó dimi o kɔl ndɔɔ nin aa: «Piɔ́m fuɲa naa bendu lɛ le, te o vi dɔ́ɔ́ pɛ, i koma dii Yakɔb pɔmbɔ ni.»

1Piɛr 3:13

Nɛ̀ɛ́ saangiaa yɛnin niaa, te la nɔ pɛ dialun fulan le dɛnɛ kɛndɔɔ tosaa?

Fulaa 3:21

I co Esiptea kɔltan muli o niaa lo mà ce niaa ɲia taw. Telen niaa vanin kɔlan-ndo, la kuenin bala fondo le.

Talelan 3:17

Nɛila kɛndɛlan nɛila ndɔlan la co ni, pemama ndɔan ma yɔngu vana kɔlɲuloo.

Talelan 16:8

Sɔlaa tùúlen o sandei nin co fisa, a bolofaa bɛndoo sɔlaa o kafalan nin.

Yeremi 39:12

«Kɔ hun a ndu, mà handu ndu hɔlten coo. Tosal ndu dɛnɛ vɔɔn te. Kɛ ɲɛ-ɲɛ o dimul nɔm pɛ a tosal ndu lende.»

Yeremi 42:12

I lueinin ndu kɔl iɲííyo nin, mì ɲííye bii ndu a niaa, mò mal niaa muungoo o lɛŋnde niaalen nin.»

Daniɛl 1:9

Mí Hala tosa, mí Aspenas cɛl sɔɛi Daniɛl-le a yiyan kɛndɔɔ, a ɲííye.

2Dɛnnda lemasalan 20:30

O kon, mí masale Yosafat len le sɔla kɔlɲuloo, mí Hala luei ndu kɔlɲuloo tɛɛn a lɛŋii ndíì balu ndu-e kpow.

Ɛsdras 8:36

O kon kɔɔli, má tɛɛngul vanaa bɛndua a masaa n'bungaa va o tàndá va o peo Efrate leeloo a ba paalen le del-lo-a sɔɔn masa bɛndoo ndóò dimi mun-ndon. O kon, má mala niko vannda le Cɛi-Hala-o mingio tangullo.»