Talelan 16:6 - BII BILA

⁶ Vana nɔla biondɔnndo toosiaa a vanakɛndɛyɛi a á sakpoyɛi. A siòòŋii Mɛlɛka-e vana nɔla dɛnɛ vɔɔndo kpakpalaa.

Talelan 16:6 Referans Kwoze

Talelan 14:16

Vana kɔlkaloo nɔ siòòŋii dɛnɛ vɔɔndo, lelan o kpakpala ndu ni. Kɛ diɔm sondo vesɛiyo ndu nɛi bollen vow o dɛnɛ nin te, kani o laalan a ndu pila.

SƐBƐ YƆB-O 28:28

O kon kɔɔli, mó dimul vanacieo aa: ‹Siòòŋii Mɛlɛka-e nɔu, kon co kɔlkaloo ni! Dɛnɛ vɔɔndo kpakpalaa, dɛnɛ sinaa co kon ni!›»

2Korɛntea 7:1

Caaŋaa nia ya kaola taw-va, le tùú kpemalan-ndan la co le naa-o, fɔ mì naa pila n dindin le dɛnnda kɛ́-kɛ̀ nɔɔliaa dialun nan a yiyan naa. Mì n peelun dindin naa a siòòŋii Hala-e.

Daniɛl 4:27

mó deŋi coocoo aa: «Babilɔn co hoo ni! Kobi bɛndu ya tangul le vaa kobi ni lemasaa-o, i tangul ndu a kpaaya ni bɛndoo, le biilu ni lemasaa cɔmndo.»

Luke 11:41

Lelan, la yɔngu vɔ fɔlɔn ɲɛ co o hɛngɛiyo nin-ndo a ɲííye, o kon mì ɲɛ-ɲɛ dendu le niaa.

Talelan 14:27

Siòòŋii Mɛlɛka-e nɔu co soon cindaa ni, kon tosa ni mì vana kpakpala yaŋɔɔla piɔ́mndan.

Talelan 8:13

Siòòŋii Mɛlɛka-e nɔu, dɛnɛ vɔɔndo kɛɔ co kon ni. Lelan yongaa, kuundianndo, dɛnnda vɔɔnndan a còòlan la hɛnan ya le.

Talelan 20:28

Vanakɛndɛyɛi a lou o diomnden coo kanda masaa ni. Lo ndɔɔ o diomnden coo tosa ni mì masale ndɔlen le sim yili.

Dɛnnda kiilaa 15:9

O hiyan naa le, o cii nda kɔltan dindi le laalan nda laalanndo.

Nehemi 5:15

Nduyɛ masaa n'bungaa cal-la tase-a va vannda delɔɔ coo le muloo malɔɔ a ɲɛm dian a á mɔiyan. Handɔɔ o kon coo, má va nda volin latámán belehiɔɔlu biyɔɔ coo le bolle vana pilɛ. Hali buɛyaa ndaa va nin vannda masalen tosaa coo. Kɛ ya yɛ, i tosa lende le, kani siòòŋii Hala-e va ya.

Nehemi 5:9

Mí dimi vɛlɛ aa: ‹La co ɲɛ kɛndɛ tosa le dɛ! O siòòŋii Hala naa nin niaa bɛnda le kelaa ni, yɔŋii siɛmbulan la bii naa vanaa súúla celennda o hɔl, yaamɔaa naa pɛɛn.

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

Efɛsea 5:21

La biinan diomndan vellaa-velle le bɛɛle niaa co Krista keo len.

Nsaŋ 15:2

Lɛvii-lɛvii co pɛ o ya nin, mì i kum te, o kialunin ndi. Lɛvii-lɛvii kom yɛ pɛ, o kɛɛya ndi haliko mi i cɔɔlu komɔɔ.

Condii lisai 85:10

A toɲa, cinda ndɔɔ co vanaa nɔ siòòŋii ndɔɛi-ya levil te, biilu ndɔɔ co o lɛŋnde naalen nin.

O Kandɔɔ 20:11

Mí Abraham mulul ndu aa: «Yiyan nuu va ni maa ɲɛ-pɔmbɔ bɛɛ vannda ha nanu a nɔ siòòŋii Hala le, maa taa sina pɛ maa laa nuu cuaa ho co ni, a dii ya le ndu.

Fulaa 1:17

Kɛ le mɛɛ sokoa-vialaa kan ndáà nɔ siòòŋii Hala-e yɛ, a ve tosa mɛɛ masaa Esipte ndóò dimul nda yɛ le, a ve cɛlɛkpɛa piaandua diyɔɔ le.

Fulaa 20:20

Mí Moise mulul nda aa: «La yɔŋ isiòòn te. Le niaa tɔɔndanndo Hala hin ni, haliko mi la nɔ bɛɛle ndɔlen, yɔŋii niaa tosa hakio.»

Talelan 3:7

Nɔm pila cánnùn vana kɔlkalu le, kɛ nɔ siòòŋii Mɛlɛka-e mà kpakpala dɛnɛ vɔɔndo.

Talelan 16:5

Vanaa yongaa nɛinun Mɛlɛka. O nɛi oo nɛi coo a kɛɛnin sangaa sɔla le kela ndaa le.

Tɔŋ lasálàá 25:17

La hiŋ pilacieaa niaa hɔlla le, la nɔ́ siòòŋii Hala niaa. Ya co Mɛlɛka ni, Hala niaa pɛɛn.

Tɔŋ miingua 30:13

Ó co o mɛmma ihɛllan leeloo le, yɔŋii vana dimi aa: ‹Nɛ̀ɛ́ taŋ yɛnin o mɛmma ihɛllan leeloo mò kɔ cuu naa ndu, haliko mi n tuei ndu, mì n kela lecoo?›

Talelan 3:3

Sakpoyɛi a toɲaa bɛnda mì la fáŋàn o kela nɔmndo nin te, yiinun ndan o labolo, sɛva lan o pɛngɛi kɔl nɔmndo coo.

Talelan 14:2

Vana kela pɛ o sandei nin ndu ke Mɛlɛka bɛɛlen, kɛ vana kela pɛ o laasianndo nin mɛɛ ndu luei Mɛlɛka yii le.

Daniɛl 4:24

Lelan, yandi masaa, yaŋ nilan o sila nuu. Mulul hakila nɔmndan kɔɔ, mal yɔŋ vɔɔndo, ma tosa dɛnɛ sandaa a toɲaa. Mal kɔlvesɛiyo, ma tuinun vanaa co o sangaa nin-nda iɲíí, haliko ma viow o dɛnɛ kɛndɔɔ nin.»