Talelan 16:2 - BII BILA

² Vanacieo yiyan lɔ́ɔ́-lɔ́ɔ̀ maa kela ndɔɔ dendu, kɛ vana yaasiaa kɔltan-ndo co Mɛlɛka ni.

Talelan 16:2 Referans Kwoze

Talelan 21:2

Vanacieo yiyan lɔ́ɔ́-lɔ́ɔ̀ maa kela ndɔɔ naŋ ni, kɛ vana yaasiaa kɔltan-ndo co Mɛlɛka ni.

1Samiɛl 16:7

Kɛ mí Mɛlɛka dimul Samiɛl aa: «Ɛ-ɛ, tofa ndu le tùú o naŋ hɔlla mó caa simndan-ndo le, o co ndu le ya hɛli le. Kani ya-ya, yiyan nuu co maa yiyan vanaciee le. Diallon kínɛí vanacieo ndu tofa ni, kɛ ya ya, ɲɛ co o kɔllo nin di-o ya ca ni.»

Luke 16:15

Mí Yeesu dimul nda aa: «La co cɔnɔnndo maa vanaa sandaa niaa co vannda o hɔl ni, kɛ Hala sina kɔlta niaalan. Kani ɲɛ vannda ca o sɔvɛɔ-o, ndu nɛinun Hala ni.

Talelan 30:12

Vanaa pum a yiyan maa a co a diandaa, nda yɛ a pilun bɛɛ a nɔɔla co nda-o le.

Yeremi 17:10

Mí ya Mɛlɛka dimi aa: Ya co vana ca o kɔllo nin di-o ni, i sina yiyannda viannannda co o kɔltan nin-ndan. Le hee, i tiwba mi bii vana-vana mɛɛ kela ndɔɔ co yɛ, mɛɛ dɛnnda vana-vana la co yɛ.

Talelan 24:12

Bɔɔle ma dimi aa: «I ve sina le». Kɛ vɛ̀ɛ̀ vana sinà kɔltan-ndo ndu sinà masinaa le? Bàà vana co nɔm mandaa-o sinà le? O mingulnin vana-vana mɛɛ dɛnnda ndɔlan la co yɛ.

Condii lisai 36:2

Le vana kɔlvesɛiyo, sɔɔn tɛɛmbua tɔŋndon co ndu o kɔl tuŋ. Siòòŋii Hala-e co ndu o hɔl te.

Talelan 5:21

Siná maa Mɛlɛka co kelala vanacieo cɔu válán, o co dɛnnda ndɔlan kpede cɔu kpendekele.

Talelan 16:25

Vanndo ce maa kela ndɔɔ sandu, kɛ nduyɛ o mɛɛlulan, mì kela ndɔ kon yɛɛ ndu ciee-piɔ́m.

Daniɛl 5:27

Tekɛl! Kon co dimio ni aa: ‹Tuuvo (landɔɔ) o kiloo›. A tuunun o kiloo coo, kɛ a lusul lende le.

Esai 26:7

Nɛi vana sandaa, o sandaa sakpo o co ni. Nɔm vana sandaa n co ni, nɔm peelu nɛi vana sandaa ni.

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

Dɛnnda cɔɔmuanndan 2:18

«Sɛval mɛlɛkanɔ vanaa laalannda Tiatir aa: ‹Ɲɛ Po Hala-o, o nɔ hɔltan maa yinnde biyaa, mì pelon va ndu volio maa n'daɲa-o dimi-o co hoo ni aa:

1Samiɛl 2:3

La híw sɔɔn kuundianndon dimi le, la solin ndɛ yeowlan o lasondo o sɔɔn niaan nin te. Kani Mɛlɛka co Hala sina dɛnndan kpow-vo ni, ndu kialu yamɛi dɛnnda vannda kpow ni.

Talelan 12:15

Nuaa diɔm sondo vesɛiyo yiyàn ni maa o co dɛnndan kpow caa tosaa. Kɛ vana bii silalan-ndo, ndu siŋnun vana kɔlkaloo ni.

Kundalan 22:32

Mí mɛlɛkanɔ Hala-o dimul ndu aa: «Le yɛɛ n lɔɔ yɛ sofɛlɛ nɔmndo háá bɛmbɛ leyáá? Ya hin le nɔm kuunaa hiovɔɔ ni, kani i ce maa nɛiyo yelelalnin nɔm te.

Masaa kialaa n'yamaa 7:6

Mí a va mɛnndan kɔndɔɔ a laba le kolɔɔ-a va faw-faw n'van kɛmɛ leyáá, mí vanaa tɔ̀a kpow baŋ vulan, má ciŋan le kolɔɔ.

Masaa kialaa n'yamaa 17:6

O telen kon, masa ve Israɛl te. Vana-vana va hɛnan ndɔɔ tosaa.

Talelan 17:3

A yinnden vana sina naŋɔɔ n'sianio a naŋɔɔ n'volio ni, kɛ kɔlta vanndacieea lan, Mɛlɛka yaasiaa ndan ni.