Talelan 16:10 - BII BILA

¹⁰ Kpaaya ihalayaa co o cɔcɔn masaa coo, lelan sondo ndɔɔ pɔw o yaman kiolɔɔ nin te.

Talelan 16:10 Referans Kwoze

O Kandɔɔ 44:15

Mí Yosɛf ɲuna nda aa: «Dɛnɛ yɛɛ niaa tosa yɛ ho? La co pá sinaa maa te vanndo va pɛ mɛɛ ya co nuaa yɛ, o bɛnda le sɔɔn viannanndon sinaa?»

O Kandɔɔ 44:5

Le yɛɛ niaa ciimbuu yɛ taala kólaa vana ni bɛndoo kol nin-ndo? A taala kólaa kon koni o dimi vɛlɛ sɔɔn yɔŋnunnin laci-on ni. La tosa kɔlvesɛi bɛndu!›»

Amɔs 5:7

A co lólòó vowvo o yaman kiolɔɔ nin, a co dɛnɛ sandaa nɛwvo lɛŋ.

Osee 10:4

À co tombolaa tuŋ, tombola laa tombola, à co mɛɛniannda lacòòvalan, mà va kpemalan yiiyo. Kɛ mɛɛ bil vɔɔn vul o ciɛɔn nin-ndo nɛinun vanaa váà yɛ, lende dɛnɛ sandaa nɛinun Israɛlla ni.

1Masaa 3:28

Mí Israɛlla kpow a tuɛi a yamɛi Salomɔn ndóò kelu ken-nde o kɔɔ. Mí vannda kpow a vo ndu taw, kani má sina maa kɔlkalu Hala-o va ndu nin le yaman kiolɔɔ o sandei nin.

Amɔs 6:12

Vɛ̀ɛ̀ soa nɔla ma ɲaanun o pow kpovaa coo? Vɛ̀ɛ̀ vana váà a navaa vàá o pow bandíláà coo? Kɛ niaa, la mangala dɛnɛ sakpoo maa bɔtà, mì la mingi kɔmnde dɛnɛ sandaa maa ɲɛ lolo.

Condii lisai 99:4

Nɔm Masa kpaayaa, nɔm vana kaola sandei-yo. Nɔm soli yamɛi ni, má tosal Yakɔb dɛnɛ sandaa a dɛnɛ kɛndɔɔ.

2Dɛnnda lemasalan 26:16

Kɛ mɛɛ Osias sɔla kon kpaayaa lende, mí yongaa luɛi ndu o kɔl, mó mulul Mɛlɛka Hala ndɔɔ kɔɔ. Paale pilɛ, mó luɛi o Cɛi-Mɛlɛka-o nin le sálàla cuɛima cun kɛndɛlan lomɔɔ o fonda-loamaa-lasálàá coo.

2Samiɛl 14:16

O kon, mò cɛl le naa baŋaa naa po nuu vana kon o ba, o yeema hoo le naa diwvo, mò faŋa naa o kɛ́ Hala-o coo-o.

Talelan 29:4

Masaa handu pɛ kɔllo o dɛnɛ sandaa coo, o kui ɲɛm kɛndɔn o lɛŋnde ndɔlen nin, kɛ o hiw pɛ muloo heeloo, o dɔw lɛŋnden yɛɛvɛ.