Talelan 15:9 - BII BILA

⁹ Kela vana kɔlvesɛiyo nɛinún Mɛlɛka, kɛ o kaola vana co dɛnɛ sandaa kiltan kɔɔli-o.

Talelan 15:9 Referans Kwoze

1Timote 6:11

Kɛ nɔm vana Hala-o, kpakpala dɛnnda lan kpow, mà kindin le dɛnɛ sandaa a hɛnan Hala-o tosaa, a laalanndo, a kaolaa a á biuvɔnndo, mà kindin vɛlɛ le vaa vana sinaa ikɛndɔɔ a ndu.

Talelan 21:21

Vana kindìn le dɛnɛ sandaa a dɛnɛ sakpoo tosaa-o viaw yoomu ni. Vannda tosalnin vana kon dɛnɛ sandaa, mà ke ndu bɛɛlen.

Matie 7:13

«La luɛi o dio sɔɔkɛɲɛɛo! Kani dio tongu taw-vo, nɛi kela kindu coo loo, ndu yaa vana o ɲánndávàà ni. Nduyɛ, vanaa bɔɔ-bɔɔ a co luɛyɔɔ o dio kon.

Habakuk 1:13

A sandu bɔɔ le dɛnɛ vɔɔndo baa handɔɔ coo, a ci ndu ma mɛi ndu lon te few. Kɛ vɛ́ niko mà co yɔŋ vɔɔn vanaa vɔɔnda ha cɔu, mà va vanaa sandu-a delɔɔ coo, a co muli le?

Osee 6:3

Lelan, n sinan Mɛlɛka. N kindikindin le ndu sinaa. Kani o co hunɔɔ lekɛ́ndɛi mɛɛ ɲɛ-tengaa paale siaa hun nuaa yɛ. O co naa hunɔɔ coo maa piɔɔ lesial, te kon te maa piɔɔ sialte tase pɔɔliaa lɛŋnden-ndo.»

Yeremi 44:4

Ya yɛ, i sanga niaa vanaa nia baalaa kpow vimndo a vanaa-tɛɛngaa-diom Hala-a le niaa dimullo maa la soli pelon o dɛnnda vɔɔnnda ya yeemiaa lan nin,

2Timote 2:22

Màl yeemɛi ifelengiyɛi, mà nuwviaa dɛnɛ sandaa a laalanndo, a kaolaa a á kɔlɲuloo niaa vanaa co Mɛlɛka biiloo a kɔl diandaa-a latulu.

Esai 51:7

Niaa sina dɛnɛ sandaa-a, niaa vanaa nɔ tɔŋ nuu o lakɔl-la, la yaŋ ya nilan! La buulan le vannda niaa bɛ̀ɛ̀lan tɛɛmbuuo le, la ɲííyà a isiòòn le vanaa kan niaa yeowlan te.

Esai 51:1

Niaa co kiltan dɛnɛ sandaa kɔɔli-a, niaa co Mɛlɛka nuwviaa-a, la yaŋ ya nilan! La heelu hɔlla o pow kpova niaa sɛlnun nin-ndo coo, la tofa o soon yingilaa nda soli niaa nin-ndo coo.

Esai 26:7

Nɛi vana sandaa, o sandaa sakpo o co ni. Nɔm vana sandaa n co ni, nɔm peelu nɛi vana sandaa ni.

Talelan 21:8

Kela vana yɔŋ vɔɔndo co bɔɔ kandafi-kandafi, kɛ sakpo kela vanaa sandaa ndu connun ni.

Talelan 21:4

Tofa heelanndo a kɔl yongaa sólì haki vanaa kɔlvesɛiya ceen ni.

Talelan 4:19

Kɛ maa maɲum nɛi vanaa kɔlvesɛiya co ni. À sinà ɲɛ nda keinin koondan mà del-lo le.

Condii lisai 1:6

Kani Mɛlɛka sinà nɛi vanaa sandaa, kɛ o tambei nin nɛi vanaa kɔlvesɛiya yaa vana ni.

Tɔŋ miingua 7:13

O kaolanin niaa, mò dɔw niaa duaa, mò vangala niaa, mò dɔw hɔ́aa niaa duaa. O dɔawnin ɲɛm niaa vanin váà a tɔlɔɔ-on duaa: kandɔɔ maalon, rɛsɛnndon, kɔ bii a olivieela niaalan. O vangalanin cɔlua niaa taw: nawva, saa a cuinnda, mà kui o lɛŋnde o yiilu fuɲaa niaa mamaa kpemaa mó mɛnalan nda le nda len yɔngoo len nin.

Condii lisai 139:24

Tofa te o nɛila vɔɔnndan coo ya co kelaa ni, ma yɛɛ ya o nɛi cinda fɛɛn-fɛɛndo coo.

Talelan 8:13

Siòòŋii Mɛlɛka-e nɔu, dɛnɛ vɔɔndo kɛɔ co kon ni. Lelan yongaa, kuundianndo, dɛnnda vɔɔnndan a còòlan la hɛnan ya le.

Talelan 15:10

Vana mal pɛ nɛi kɛndɔɔ o sɔla sangaa le ken. Vana cɛl kanalanndan te, ndu sɔla piɔ́mndo.

Condii lisai 5:5

Kani nɔm, a co Hala naŋ kɔl a dɛnɛ vɔɔndo le, vana yɔŋ vɔɔndo cel nɔm ikɛi le.

Condii lisai 11:7

Kani Mɛlɛka sandu, dɛnnda sandaalan la hɛnan ndu, vanaa sandaa canin hɔlaa ndɔa.»