Talelan 15:8 - BII BILA

⁸ Sálàla vanaa kɔlvesɛiya la nɛinún bɔɔ Mɛlɛka, kɛ ò cɛ̀l piɛile vanaa sandaa.

Talelan 15:8 Referans Kwoze

Talelan 15:29

Mɛlɛka co vanaa kɔlvesɛiya levil, kɛ o tuɛi piɛile vanaa sandaa.

Talelan 21:27

Ɲɛ vɔɔn bɛndoo pila sálà vanaa kɔlvesɛiya co ni, kɛ taama-taama, a soli ndu pɛ a yiyan nɔɔlɛiyo.

1Dɛnnda lemasalan 29:17

Éé Hala nuu! I sina maa o kɔltan nin di n tofa vana ni, a yeema vɛlɛ dɛnɛ sandaa. Nduyɛ, a kɔl ni sandaa ya yɔngu nɔm ɲɛm-kéan mun kpow ni. I co nihau cɔu mɛɛ vanaa nɔmaa co haa nanu-a co nɔm ɲɛm-kéan yɔngoo a ɲaaloo yɛ.

Yeremi 6:20

Kpeku yɛɛ ya nɔ yɛ a ansan co fulaa Saba-o, te kon te a ɲɛm cun kɛndɛn fula o lɛŋii celen nin pɔ́-pɔ́-on? Sálàla loamaala niaalan la hɛnan ya le, sálàla niaalan la nɛŋi ya kɔl te.»

Talelan 28:9

Te vanndo kinda pɛ nilan haliko o tuɛi tɔŋndo le, piɛile ndɔlen le siŋnun ɲɛ vɔɔn bɛndoo.

Esai 61:8

Kani ya Mɛlɛka, dɛnɛ sandaa ya yeema ni, delɔɔ coo a kafalan nɛinun ya taw. I salanin nda kpafii mɛɛ dɛnnda ndalan la co yɛ. I yiinin kpema fɛɛn-fɛɛndo a nda.

Nsaŋ 4:24

Kɔllo Hala co ni, lelan mɛɛ mì vanaa co ndu biiloo-a biilu ndu a kɔllo a o toɲaa nin.»

Vana Kɔlkaloo 5:1

«Kélèŋà sondoo kumbi le sɔɛi le. Sɔla yiyan kɛ́-kɛ̀ o kɔl ma yala dimi Hala o hɔl te. Kani Hala co o halataala, nɔm a co o lɛŋnden coo nanu. Lelan, soo tùúlen.

Esai 66:3

Vana kelu pɛ nawvo bololan le ndu sálàá solio, mɛɛ o dii vɛlɛ vanacieo. Vana soli pɛ saa téndóó sálà, mɛɛ o yem vɛlɛ tunndo kɛsɛi. Vana heelu pɛ sálà ɲɛm vàá le ndu cɔmndo, mɛɛ o fasaŋiaa kooma pewvan. Vana lom pɛ ɲɛ loonan lasikɔlɔ ansan, mɛɛ o tosa dɛnɛ nɔɔlɛiyo le piɔmndo sooloo. Vanaa kan kpede a co kɔllo naŋɔɔ o kela ndaa nin, ɲɔɔ co nda hɛnanndo o dɛnnda nɔɔlɛila lan nin.

Condii kɛndɛ-kɛndɛi 2:14

Éé poonpoon ni laandu nɔ vɛɛnnden o tɛɛngon nin o powta kpovalan tɛɛn-ndo, ó co o viannanndo nɛɛ feke-fekea-o. Cɔm ya hɔlaa nɔmnda, tosa mì tuei diom nɔmndo. Kani a naŋ bɔɔ diomndo, a naŋ bɔɔ vɛlɛ hɔlla.›»

Condii lisai 17:1

Piɛile David len. Yandi Mɛlɛka! Tuei piɛile nile sandaalen. Yaŋ nilan o cɛɛŋɔnnda nilan, mà tuei piɛile nilen. I co nɔm piɛi a cɔcɔn lacòòvaa le.

Tɔŋ lasálàá 7:18

Te vanndo de pɛ visin cɔlu o yɔngu le sálà kɔlɲulu ndɔɔ-on o paale yàándɔlen coo, Mɛlɛka cɛlnin sálà kon te, o siŋnunnin fúú le vana solinin ndu-o, kani dɛnɛ nɔɔlɛiyo co kon ni. Lelan, sanga haki vana kon vanin ndu pila o lebol.

Talelan 10:24

Dɛnnda vana vɔɔndo vo lan, lan la komal ndu ni. Dɛnnda vana sandaa yeema lan, lan o sɔlani.

Talelan 15:7

Sinapɛngoo fula vanaa kɔlkalua o sondo ni, kɛ kɔlta diɔmaa sondo vesɛiya la simul te.

Talelan 21:3

Kela sandaa a dɛnɛ toɲaa tosaa hiow Mɛlɛka hɛnan a ndu sálàlan solullo.

Misee 6:7

Mɛlɛka cɛlnin pá saa kóndóa hali sɛ́lɛ́ bɛndoo? O cɛlnin pá cuɛima lakongima cuu man kɔɔli le-an? Vɛ̀ɛ̀ mì ke ndu po ni tasoo haliko mo mal-la haki a kɔlvesɛi nuu? Bàà mì ke ndu hɔ́ɔ́ ya solin o ipulu-o le haki ni ya pila tosa-o?

Aasee 2:14

Mí Hasee muli aa: «Lende vannda ha co ni, lende vanaa co o lɛŋnden nden nin-nda co ya Mɛlɛka o hɔl ni. Diom ya Mɛlɛka soo-o co kon ni. Lende baalala nda co tosaa a bala ndalan ndan la co ni. Ɲɛm nda co hunɔɔ ya o hɔl-lon kpow, n'nɔɔlɛiyon n co ni.»

2Samiɛl 15:12

Tuma Absalɔm va sálàlan solio-o, mó viam kiilaa Kilo le Ahitofɛl, vana silaa David-o veeloo. Mɛɛ vannda va hiovɔɔ laci a handɔɔ o kunda Absalɔm-ndo coo yɛ, lende koni dúmbóó va kɔlan a yiinɔnndo ni.

1Masaa 3:10

Mí piɛile Salomɔn-nde len le hɛnan Mɛlɛka.

Condii lisai 141:2

Màá piɛile nilen le hel o nɔm ndo sakpo mɛɛ kumii ansan i hel nuaa yɛ, mì bala ya co heeloo lan la siŋnun maa sálà solin a paale delaalen-ndo!

Daniɛl 9:23

Tuma n va Hala tɛɛlɔnndo-o, mó dimul-la yoongoo pum le nɔm. Yoongu kon ya hin nɔm tɛɛngul ni. Hala kaola nɔm, a hɛnan ndu taw-taw. Lelan, bii yoongoo ho bila. Sina vundulen-nden pɛɛngu.

Misee 6:6

«A yɛɛ kpeekpei ya fula yɛnin Mɛlɛka o hɔl? A yɛɛ o ba ya baŋ yɛnin vulan Hala co coocoo-o o labɛngunin? Bàà a navaa téndéa nɔ vosio pilɛ-a ya fulanin ndu o hɔl ni le sálàla loamaalan solio?

Malasi 1:10

Lelan, o co fisa mì vana pilɛ o niaa tɛɛn kɔ kiindiaa diola Cɛi-Hala-o. O kon, la kue lɛnin yinnden kiisuu o fonda-loamaa-lasálà nuu coo fondo fúú le. Ɲɛ-ɲɛ hɛnan ya le niaa cɔu le sálàla niaa co ya solullo lan la co ya hɛnan te. Ya Mɛlɛka-Nɔ-Kpaayaa-Kpow-vo dimi lende ni.