Talelan 15:3 - BII BILA

³ Hɔlta Mɛlɛka lan la co nɛɛ-nɛɛ ka, la co vanaa vɔɔnda a vanaa kɛndɛa mɛɛndanndo.

Talelan 15:3 Referans Kwoze

Hebreea 4:13

Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.

Yeremi 16:17

Kani i nɔ hɔlten o kela ndaa kpow coo, kela ndaa co o viannan ya o hɔl te, hakila ndalan la co ya o hɔl kpendekele.

Yeremi 23:24

Vɛ̀ɛ̀ vanndo nɔla vionnɔnndo nɛɛ yililia pum mì bumba ndu cɔu?» Sɔɛi fula Mɛlɛka o sondo-e co hee ni. «I co nɛɛ-nɛɛ fee, o halataala a o lɛŋnden coo, vɛ̀ɛ̀ la sina ken te?» Mɛlɛka ɲuna lende ni.

2Dɛnnda lemasalan 16:9

Kani Mɛlɛka co hɔlten keelaa o lɛŋnden kpow coo le vanaa kaola ndu a kɔlta ndalan kpow-va malaa. Maa diɔm n tosa dɛnndan o sɔɛi he nin ni. Lelan, kandɔɔ sisa háá le fɛɛn a fɛɛn nin, cɔwlan la cuunin nɔm coo le.»

Talelan 5:21

Siná maa Mɛlɛka co kelala vanacieo cɔu válán, o co dɛnnda ndɔlan kpede cɔu kpendekele.

SƐBƐ YƆB-O 31:4

Vɛ̀ɛ̀ Hala co cɔ mɛɛ ya co kelaa yɛ le baa? Hali foofola ya co keiyo lan, o co lan cɔmndo tɛ́kpɛ́-tɛ́kpɛ́.

Yeremi 32:19

A nɔ bɔɔ tuula bɛndulan, la n peelu a kpaaya bɛndoo lan pɛɛn! A nɔ hɔlten o kelala vanndacieea coo. Mɛɛ kela vana-vana co yɛ n bii vanndacieea ni, mɛɛ kɔmnde dɛnnda ndalan le co yɛ.

SƐBƐ YƆB-O 28:24

Kani o co cɔu háá o lɛŋnden mɛɛlulan, o co ɲɛm co o halataalaa bɛngu-on mɛɛndanndo.

Talelan 15:4

Sɔɔn luei vannda yoomuan-ndon co maa yɔm cindàà. Kɛ diomnde vɔɔnnden nden, kɔllo le tɛɛmbuu vana ni.

Sakari 4:10

Nɛ̀ɛ̀aa pɛɛsa yɛ vallo ho o kandɔn tasoo? À bɛnda ma dɔwnun ɲaale le yoole tuvaalen cɔu Sorobabɛl o ba, a le ndu cɔu pow lebollo handɔɔ. Hɔlta ŋɔmmɛwlan yɛ, hɔlta Mɛlɛka lan ni. Hɔlta lan la co balɔɔ o lɛŋnden kpow coo ni.›

SƐBƐ YƆB-O 24:23

O ke nda kɔlkɛsiaa a nda pila o kɔɔ, kɛ, o nɔ hɔlten o nɛila ndalan coo.

Condii lisai 33:13

Mɛlɛka lonnùn o halataala, mò tofa, mò ce vanndacieea kpede.