Talelan 15:11 - BII BILA

¹¹ Hali ɲɛ co tosanndo ciee-piɔ́m di-o, Mɛlɛka sina, ko nin te yiyannda vanndacieea.

Talelan 15:11 Referans Kwoze

Condii lisai 44:21

Te náà n pɔɛɛnun pɛ diola Hala naa, te náà n sooluu pɛ hala celenndo,

Hebreea 4:13

Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.

Condii lisai 139:8

Te i hel pɛ o halataalaa nin, a co lon, te i hini pɛ ciee-piɔ́m, a co lon.

SƐBƐ YƆB-O 26:6

Kani ciee-piɔ́m co kpendekele Hala o hɔl, soon bɛndu nɔ lamɛɛlu loo co o kumbaa ndu o hɔl te.

2Dɛnnda lemasalan 6:30

nɔm Mɛlɛka, mulul nda nɛɛ n co icali o halataala-a. Mal nda haki ma mingul vana-vana mɛɛ kela ndɔɔ co yɛ, kani a sina yiyan vana-vana nɔ o kɔl-lo. Nduyɛ, nɔm pilɛ kpé sina yiyannda co vanndacieea o kɔl-tan ni.

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

Dɛnnda cɔɔmuanndan 1:18

I co yoomu. Yáà vi, kɛ tofa vɔ, i co yoomu le fɛɛn a fɛɛn. Kiin piɔ́mndo co ya o ba, kiin ciee-piɔ́mndo pɛɛn.

Yeremi 17:10

Mí ya Mɛlɛka dimi aa: Ya co vana ca o kɔllo nin di-o ni, i sina yiyannda viannannda co o kɔltan nin-ndan. Le hee, i tiwba mi bii vana-vana mɛɛ kela ndɔɔ co yɛ, mɛɛ dɛnnda vana-vana la co yɛ.

Talelan 27:20

Ciee-piɔ́m a soon bɛndoo pe a vanndacieea le, lende koni, hɔltan la sanga a cɔu le.

Condii lisai 7:9

Nɔm Mɛlɛka kialu yamɛi vannda súúlan kpow ni. Kiolu yamɛi toɲɛi mɛɛ dɛnɛ ni sandaa a kela ni kɛndɔɔ co yɛ.

1Samiɛl 16:7

Kɛ mí Mɛlɛka dimul Samiɛl aa: «Ɛ-ɛ, tofa ndu le tùú o naŋ hɔlla mó caa simndan-ndo le, o co ndu le ya hɛli le. Kani ya-ya, yiyan nuu co maa yiyan vanaciee le. Diallon kínɛí vanacieo ndu tofa ni, kɛ ya ya, ɲɛ co o kɔllo nin di-o ya ca ni.»

Nsaŋ 21:17

Mó ɲuna ndu o yàándɔɔ aa: «Simɔn po Yonas-o, vɛ̀ɛ̀ a kaola ya pá?» Mí kɔllo tambu Piɛr le peelu Yeesu peelu ndu sɔɛi ken ɲunaa bɛmbɛ leyáá-o. O kon mó mulul ndu aa: «Maalii, a sínà dɛnndan kpow, a sínà maa i kaola nɔm.» Mí Yeesu dimul ndu aa: «Landu hɔlla saa niaa coo.

Dɛnnda kiilaa 1:24

O kon kɔɔli, má piɛi Hala aa: «Maalii, a sínà yiyannda vannda kpow, cɔm vana n hɛli o vanaa ŋiɔnda ha tɛɛn

Dɛnnda cɔɔmuanndan 9:11

O va nda coo masaa-o va mɛlɛkanɔ soon yingilɛi kon ni, diola ndɔlan o hebrei nin aa Abadɔn, o krɛkiei nin yɛ aa Apoliɔn. Kon co dimio ni aa «Vana tɛɛmbua».

Talelan 15:10

Vana mal pɛ nɛi kɛndɔɔ o sɔla sangaa le ken. Vana cɛl kanalanndan te, ndu sɔla piɔ́mndo.

Talelan 17:3

A yinnden vana sina naŋɔɔ n'sianio a naŋɔɔ n'volio ni, kɛ kɔlta vanndacieea lan, Mɛlɛka yaasiaa ndan ni.