Talelan 14:6 - BII BILA

⁶ Vana yongaa kindin bɛɛ le kɔlkaloo sɔlaa, o tiwba le. Kɛ vana taasio ndu nɛi dɛnɛ sina le.

Talelan 14:6 Referans Kwoze

Nsaki 1:5

Te vana pum nɔ kɔlkalu niaa tɛɛn te, mɛɛ o ɲuna Hala yɔngù vannda kpow ɲɔɔn a kɛndɛi-yo, o co a isɔw le, o kon mò yɔngun ndu.

1Korɛntea 8:2

Te vanndo yiyan pɛ maa o sínà dɛnɛ, mɛɛ o sínà vɔ mɛɛ o bɛnda le sinaa yɛ le.

Talelan 8:9

Sɔɔn nun co sakpo le vana kendu kɔl-lo, sɔɔn toɲan n co le vana sinaa dɛnɔɔ ni.

Yeremi 8:9

Siɛmbulan la bii vanaa kɔlkalua, siòònde bii nda taw, a biinun o yaŋɔɔlen. Nda kelun sɔɛi Mɛlɛka-e yii ni. Ɔ́ɔ̀ niko kɔlkalu ndaa?

Esai 8:20

‹o bɛnda mì n mingul tɔŋndo a seilen hɔlla!› Te vana suu lende le, mɛɛ ɲɛ-tengaa paale siaa venin le ndu le.»

Talelan 26:12

A ce nin vana cennun ndu pila vana kɔlkaloo-o? O co fisa ma tiindan diɔm sondo vesɛiyo a vana vaa lende kɔllo kɛsio coo.

Talelan 18:2

O co o dɛnɔɔ bilaa biyɔɔ nin te diɔm sondo vesɛiyo dɔawnun ɲaale le, kɛ o yiyannda ndɔla idiɔmndan pɛngɛlaa ni.

Talelan 17:24

Kɔlkaloo co vana taasio ikɛi kpɛɛlun, kɛ diɔm sondo vesɛiyo ndu, lɛŋnde-mɛɛlu pɔ́ o yaa hɔlten ni.

Condii lisai 119:18

Kumbi ya hɔlla mì ce dɛnnda kɛndɛla tɔŋ nɔmndo.

Talelan 1:5

Vana taasio bɛnda mò yaŋ nilan, haliko mo cɔɔlu sina ndɔɔ. Vana sinaa dɛnɔɔ bɛɛ yaŋ pɛ nilan o sina mɛɛ o bɛnda le kelaa yɛ.

Talelan 14:5

Sei toɲaa dimi lacòòvaa le, kɛ sei lacòòvaa ndu còòlan kínɛí o dimi ni.

Talelan 14:7

Holnun diɔm sondo vesɛiyo le, kani sɔɔn fula ndu o sondo-on kenin nɔm kɔlkalu le.

Talelan 24:7

Diɔm sondo vesɛiyo kendu mò bii sɔɔn kɔlkalon bila. Lelan, diɔm vaa lende bɛnda mò kumbi sondoo le sɔɛi nɛɛ nda dimi sɔɔn o dio luɛyaa kobio nin-nda le.

Talelan 8:8

Sɔɔn nun kpede n'sandaa n co ni, i hui vana le, i dimi lacòò le.

Talelan 15:12

Vana yongaa cɛl mì vana kanalan ndu le, lelan o holnun vanaa kɔlkalua le.

Talelan 17:16

Volion va bɛɛ diɔm sondo vesɛiyo o ba, kpeku yɛɛ o soli yɛ a mun? Mò va maa kɔlkaloo o piandunin a mun ni? Kani o pe lebol te.