Talelan 14:10 - BII BILA

¹⁰ Mɔnɛi co vanndo o kɔl-le, ndu pilɛ kpé sina ndi ni. Ndu pilɛ kpé sina vɛlɛ kɔlkɛndɛ co ndu o kɔl-lo ni, vana celen nɔla dɛnnda lan sinanndo maa ndu pila le.

Talelan 14:10 Referans Kwoze

Filipea 4:7

O kon mì kɔlɲulu Hala-o, o hiow kɔlkalu kɛ́-kɛ̀-o manda kɔlta niaalan a yiyannda niaalan o Yeesu Krista nin.

Talelan 18:14

Vana co a nàá-o nɔ pɛ yiyan kɛndɔɔ, o sɔla yoomuan. Kɛ te kɔl ndɔɔ co pɛ o sangaa nin, nɛ̀ɛ́ mingi yɛnin yoomuan ndu o n'dial?

Talelan 15:13

Kɔllo co pɛ a ɲaaloo hɔlla naŋ o tofaa, kɛ te kɔllo co pɛ o sangaa nin yiyan kɛndɛ ve vana le.

SƐBƐ YƆB-O 10:1

«Yoomu nuu cunulun ya. Le hee, cɛɛŋɔnndo tuŋ ya co nin va ni. Mɛɛ kɔl nuu co o mɔnɛi nin yɛ, i vanin sɔɛi tuŋ.

Dɛnnda cɔɔmuanndan 2:17

Vana nɔ pɛ nilan, mɛɛ ndú tuéi ɲɛ Kɔl-Diandaa co vanaa laalannda dimullo-o. Vana nɔlanin-nda, i kenin ndu manne vianaa a pow humboo, pow diola sɛnɛila lasɛvaa coo-o, vana-vana sina diola lan te fɔ vana sɔla lan-ndo.›»

1Piɛr 1:8

La ci ndu le, mí la kaola ndu. Niáá ci vɔ vɛlɛ ndu le, mí la laalan ndu, mí la va huuloo a ɲaale bɛndoo,

Nsaŋ 14:18

I mɛinin niaa n'víí le, i co niaa muungu o ibuŋ.

SƐBƐ YƆB-O 7:11

Le hee, i nɔla lɛnin meiyo le. Kɔl nuu co o sangaa nin, lelan fɔ mì soo. Yoomu nuu vaaliaa, lelan fɔ mì cɛɛŋun.

1Samiɛl 1:10

Anɛɛ va a kɔl tambɛiyo taw. Mó va Mɛlɛka piɛiyo a caŋndo fúkpàà-fùkpàà.

Nsaŋ 12:27

«Sisa, kɔllo laasian ya niŋ kpede, i sina bɛɛ ɲɛ ya dimi le! Vɛ̀ɛ̀ mì dimi aa Pua baŋa ya o telenndo ho? Ɛ-ɛ, kani le sangaa ho sɔlaa ya hin ni.

Esekiɛl 3:14

Mí Kɔl Hala heelu ya-o kɔa a ya. I va kɔlan a kɔltuwvo a sɔɛi nɛyɛi, mí ba Mɛlɛka-o toal-la coo a kpaaya bɛndoo.

Condii lisai 25:14

Vanaa nɔ siòòŋii Mɛlɛka-e-a, nda Mɛlɛka cɔm sɔɔn ndɔn viannanndon ni, le nda kpema ndɔɔ cɔmndo.

SƐBƐ YƆB-O 9:18

O co bɛɛ ya malɔɔ mì yoomu le, mɔnɛi tuŋ o co ya pimio ni.

2Masaa 4:27

Ndóò tiiyaa dɔ́ɔ́ Elise ikɛi nɛɛ o va o pembei coo-a, mó bii ndu pelon, mó del ndu o labɛngunin. Mí Kehasi hun le cuaa ɲindɔɔ, kɛ mí Elise dimul ndu aa: «Mal ndu, kani kɔl ndɔɔ co o mɔnɛi nin ni, Mɛlɛka vin ya dɛnɛ kalaa, o cɔm ya ɲɛ-ɲɛ a dɛnɔɔ ho o kɔɔ le.»

Nsaŋ 14:23

Mí Yeesu mulul ndu aa: «Te vanndo kaola ya pɛ, o biinin sɔɛi nii, mì Fuɲa nuu kaola ndu. N hunnin o vana kon-ndo, mì n kila calta naalan o ndu lo.

O Kandɔɔ 42:21

Má dimulan vellaa-velle aa: «Le dɛnɛ naa n tosal puapilɛ naa lɔ́ɔ́ kon-ndo dɛnɛ palaa ho tol naa coo nuaa ni. Kani n ce ndu o mɔnɛi nin, mó cɛɛŋun naa o lani tei, n yeŋ nilan o cɛɛŋɔn ndɔ kon te. Naa bɛɛ lelan sangaa ho tol naa coo nuaa ni.»

SƐBƐ YƆB-O 21:25

Vannda pum yɛ, mà lo o mɔnɛi nin haa mà vi. Hali ɲɛ-pɔmbɔ a dombi dɛnɛ kɛndɔɔ le.

1Samiɛl 1:15

Mí Anɛɛ mulul ndu aa: «Vana ni bɛndoo, o co mamɔi le ma bii ya le. Vanalanɔ dɛnɛ palaa co coo-o ya co ni, kɛ i kol mamɔi le. Mɛlɛka ya hin sanga nuu cɔm ni.