Talelan 13:8 - BII BILA

⁸ Ɲɛ co ɲɛ baŋaa yoomu vanacieo-vo co bolofaa ndɔɔ ni. Kɛ vana bala fondoo ndu vana kɔngɔlàn ndu le.

Talelan 13:8 Referans Kwoze

Matie 16:26

Vanacieo sɔla bɛɛ ceendo ho kpede, te yoomu ndɔɔ hɛlun ndu pɛ, tɔnɔ yɛɛ o sɔla yɛ o kon? Te kon te, yɛɛ kpeekpei vanacieo yɔngù yɛ le yoomu ndɔɔ singaa?

SƐBƐ YƆB-O 2:4

Mí Setana dimul Mɛlɛka aa: «Le sɔlaa vana yɔngu ni. Ɲɛ-ɲɛ vanacieo nɔ, o nɔla mò pisi ndu le kɛndia ndɔɔ.

Sofoni 3:12

I mɛinin vanaa tuisiannda a vanaa bala fondoa yoomu niaa tɛɛn, á nuwviaanin nɛɛ viannannda o ya Mɛlɛka nin-nda pɛɛn.

Yeremi 41:8

Kɛ mí n'van tɔ́ o vanaa kan tɛɛn a dimul Ismaɛl aa: «Dii naa le! N nɔ baloo o vianaa yondoo nin, maalon, ɔrse, cuɛiyan a lɛan.» O kon mí Ismaɛl nda vanaa ndɔa mal nda, a dii lɛ nda le.

Yeremi 39:10

Kɛ mó mɛi vanaa bala fondoa pum o tàndá Yuda-o nin, vanaa ndáà nɔ ɲɛ-ɲɛ le-a pɛɛn, o kon mó ke nda nakɔla n'rɛsɛnnda a yondolan.

Talelan 6:35

O biinin ɲɛ-ɲɛ le ndu tɛɛlɔnndo le. Hali vana kenin bɛɛ ndu ɲɔɔn taw-taw, o mel sɔɛi ken te.»

2Masaa 25:12

Kɛ nduyɛ, mí Nebusaradan, bolle vanaa kándà masaa-a cɛl, mó mɛi vanaa bala fondoa pum le rɛsɛnndon tɔlɔɔ a ciɛɔn vàá.

2Masaa 24:14

Mó kɔannun a vannda Yerusalɛm kpow o biyɔɔ nin: vanaa bɛndua kpow a vanaa sɔvɛa kpow. Vanaa nda kɔɛ kan o biyɔɔ nin-nda va faw-faw vannda vaalan tɔ́. Mó kɔannun vɛlɛ a sumnda kpow a á vanaa toosiaa lakpooloa kpow. Vanaa bala fondo-fondoa daama o mɛi ni.

Fulaa 21:30

Taa kilul pɛ vana naw kon ɲɛ pum le yoomu ndɔɔ baŋaa, o bɛnda mò yɔngu ɲɛ nda kilul ndu kon-ndo kpow.

Talelan 13:7

Vanndo pum mò cɔm maa o nɔ bolofaa, nduyɛ ɲɛ-ɲɛ ò nɔ le. Vanndo pum yɛ, mò cɔm maa o nɔ ɲɛ-ɲɛ le, kɛ mò nɔ ɲɛ-sɔlaa taw.

Talelan 13:9

Hɔlla tenga vana sandaa ni maa ɲɛ-tengaa, kɛ vana kɔlvesɛiyo ndu, maa tɛngɛ co le ɲumndo-o o co ni.

Talelan 14:24

Bolofaa co vɔ̀ngɔ̀la vanaa kɔlkalua ni, kɛ diɔm sondo vesɛiyo ndu, diɔmnde o koaw ni.

Luke 12:23

Kani yoomoo hiow baloo, diallon bɛɛ n hiow ɲɛ cuɛinanndo.