Talelan 13:5 - BII BILA

⁵ Vana sandaa pɛɛsà còòlan, kɛ vana kɔlvesɛiyo ndu, dɛnnda kɔltambɛilan a dɛnnda lasiɛmbulan o tosa ni.

Talelan 13:5 Referans Kwoze

Kolɔsea 3:9

La dimulan còòlan te, kani la cii vanacieeyɛi niɛi paanduei malɔɔ a kaala ndɔlan,

Efɛsea 4:25

Lelan, la mal còòlan. Vana-vana dimul caan ndɔ toɲaa. Kani naa kpow, falun pilɔn naa n co vellaa-velle o dialun pilɔn nin ni.

Talelan 3:35

Vanaa kɔlkalua sɔlanin biiloo maa kɛ́, kɛ diɔmnda nda sɔlanin pɛɛsa hiow pɛɛsalan kpede-o.»

Condii lisai 119:163

Kafalan la hɛnan ya le, la kuisin ya bɔɔ. Kɛ tɔŋ nɔmndo ya kaola ni.

Esekiɛl 36:31

O kon, la loonunnin a kela niaa vɔɔndo, a dɛnnda niaala va lavɔɔn paandu lan. La nɔlanin hɔlla tofanndo vellaa-velle le, kon yɛ le yɔŋnda vɔɔnda niaalan a le kela niaa vɔɔndo.

Esekiɛl 20:43

La lonin ndon mì la yiyan a káà niaa a dɛnnda niaala niaa va tosa mí la nɔɔliaa niaa lan kpede. O kon, la nɔla lɛnin hɔlla tofanndo vellaa-velle le, kani siɛmbulan la vanin niaa le dɛnnda vɔɔnnda niaa tosa lan kpow.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Sakari 11:8

O paangei ndii pilɛ bɛngu, mí toaw vanaa mandaa n'cɔlua yáá-a. O kon kɔɔli, i nɔla biuvɔnndo a saa le. Saa kan bɛɛ, mí dɛnɛ nuu fula nda iyeema.

Daniɛl 12:2

Vanaa co o lɔan o sɛilan nin-nda taw a tendulnin. A pum le yoomu fɛɛn-fɛɛndo, a tɔ̀a le siɛmbulan a sanga bɛɛ tambɛi fɛɛn-fɛɛndo.

Esekiɛl 6:9

O kon, vanaa lonin kan yoomu o niaa tɛɛn-nda lonin o vanaa-mangalaa-isɔaa nda vanin a sɛŋian tɛɛn-nda lo, mà loonun a ya (Mɛlɛka) o kɔɔ, mà loonun vɛlɛ a soŋɔ̀ɔ̀ ya soŋ nda le kɔl suundɛi luɛi nda nin má kɔa ya levil-lo, le hɔlaa nda faŋal-la, má mulin o suunda soolaa n'piɔmndo-o. Le hee, siɛmbulan la biinin nda pila le dɛnnda vɔɔnnda nda tosa lan a le dɛnnda nɔɔlɛila nda tosa lan kpede.

Talelan 30:8

Yɔɔ vanafondoyɛi a sɔɔn lacòòvan ya levil. Ke ya bolofaa bɛndu le, siinguu ya vɛlɛ vana bala fondo le. Ke ya mɛɛ o bɛndà le kpekula nilan toosiaa yɛ daama.

Talelan 6:17

Lan la co lan ni: Tofa yongaa, sondo dimia lacòòvaa, bala diw vanaa tɛɛmbuu isɔɔ le-a lan,

Talelan 13:4

Vana siɛlɛiyo nɔ yeeman, kɛ n peelun te. Vanaa fula diallon-nda, ɲɛ-ɲɛ ko connun nda o ba.

Vana Kɔlkaloo 3:8

Telenndo co le kaolaa, telenndo co le nɛyɔnndo, telenndo co le cɔwvo, telenndo co le kɔlɲuloo.

Masaa kialaa n'yamaa 16:11

Mó mulul ndu aa: «Te vana yii ya pɛ a yoei sɛnɛi vana soli vɔ kpeku oo kpeku lei, i fula yoomuan, i muungu maa vanndacieaa tɔ̀a.»

Talelan 18:3

Kɔlvesɛiyo hun a vannda pɛɛsaa ni, dɛnɛ yongaa hun a siɛmbulan ni.