Talelan 13:4 - BII BILA

⁴ Vana siɛlɛiyo nɔ yeeman, kɛ n peelun te. Vanaa fula diallon-nda, ɲɛ-ɲɛ ko connun nda o ba.

Talelan 13:4 Referans Kwoze

Talelan 12:24

Simlacilen le co le vana tosa baalaa taw-vo. Kɛ vana siɛlɛiyo ndu mɛɛlula ndɔlan o cɛlen nin.

Talelan 12:11

Vana váá pɛ ciɛi ndɔɛi, ndu sɔla baloo taw. Kɛ vana del pɛ sɔɔn fondon kɔɔli, mɛɛ ndu pe lebol te.

Talelan 10:4

Balan kafalaa cuu vana pɛŋnden ni, kɛ bala baalalan ndan, bolofaa la luei ni.

Talelan 11:25

Vana tosal vannda kɛndɛi-yo vanin o piaa lɔ́ɔ́-lɔ́ɔ̀ a ɲɛm kɛndɔn, vana ke caanda ma kol-lo sɔlanin le kolɔɔ.

Talelan 28:25

Vana ɲɛ pe lehɔl too nɔ sɛɛngianndan ni. Kɛ vana tiindan pɛ Mɛlɛka, ndu sɔlanin bolofaa.

Hebreea 6:11

Kɛ nduyɛ, o naa n yeema-o co ho ni, mì vana-vana o niaa tɛɛn lo lecoo háá o mɛɛlulan. O kon mí ɲɛ niaa kɛsi kɔllo coo-o tosan.

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Talelan 8:34

Dɛnɛ kɛndɔɔ co le vanaa yaŋ ya nilan, mà sim o dio nuu lepala-lepala, mà cumul dio cɛi nuu-a ni.

Esai 58:11

Ya Mɛlɛka simnin niaa laci telen oo telen, i piminin niaa o fondala vesɛilan nin, mì mingi yoomuan o dialun niaan nin. La vanin maa nakɔ nda co pɔɔliaa ɲɛkɛndɛi-yo, mì la siŋnun maa pee lebol mɛnndan ma vela nin too.

Talelan 26:13

Vana siɛlɛiyo cɛn pɛ o dimi aa: «Yàlàá co o nɛi, visi biyaa co o nɛi kɔllo déŋ.»

Condii lisai 92:14

Le tùú nda co a tɔalaa o Cɛi-Hala-o nin-ndo, a kuinin o Hala naa lo bɛɛ.

Kundalan 23:10

Nɛ̀ɛ́ nɔla yɛ polale Yakɔb len cɔmndo tɛ́kpɛ́-tɛ́kpɛ́? Nɛ̀ɛ́ nɔla yɛ mò cɔm cundu co lɛŋ-ndo o pilɛn-pilɛnndo? Nɛ̀ɛ́ nɔla yɛ mò cɔm cuavaa-imamaa Yakɔb-a? Màá piɔ́m nuu yɔŋnun maa piɔ́m vanaa sandaa! Màá mɛɛlula nilan la yɔŋnun maa mɛɛlula ndalan!»

Talelan 6:6

Nɔm vana siɛlɛiyo ho sei! Cɔn-ndɔ ma kɔ tofa vali sisinndo co tosaa-o. Mɛɛndan-ndɔ dɛnnda ndɔlan, ma sɔla kɔlkaloo.

Talelan 12:27

Doosunɔ siɛlɛi tuei ivisi le. O co dɛnɛ kɛndɛ le vanacieo vaa vana fulaa n'diallo.

Talelan 13:3

Vana mandan a sondo ndɔɔ-o, ndu ciindiaa yoomu ndɔɔ ni. Kɛ vana dimi sɔɔn mɛ̀ɛ́-mɛ̀ɛ́ ka-o, ndu tɛɛmbun ni.

Talelan 13:5

Vana sandaa pɛɛsà còòlan, kɛ vana kɔlvesɛiyo ndu, dɛnnda kɔltambɛilan a dɛnnda lasiɛmbulan o tosa ni.

Talelan 20:4

Le siòòŋii hoiye, vana siɛlɛiyo vee a telen bɛnda-o le. Tuma koavaa tiiya pɛ, o piɛi vannda, kɛ o sɔla ɲɛ le.

Talelan 21:5

Tuula vana dialun fulaa la tosa ni mì ɲɔɔn vannun ndu o ba taw. Kɛ vana hiw pɛ lawvo o dɛnɔɔ pɛŋnden le luɛi nɔm.

Talelan 21:25

Yeeman bɛndun vana siɛlɛiyo n yaa ndu ciee-piɔ́m ni, kani o cɛl le baalaa tosaa le.

O Kandɔɔ 26:32

Paale pilɛle len, mí buɛyaa Isaak-a hun dimul Isaak aa a komal mɛnndan o soon kólaa nda va tovɔɔ-o nin.

Yosue 7:3

Ndáà muungoo Yosue o ibuŋ, má dimul ndu aa: «Vannda kpow héélù le Ai cɔlɔbaa le. N'van vàála tiɔn, te kon te vàála yaa bɛɛ a tìw. Kani vanaa co lon-nda co sɛ́lɛ́ le, hali mì vana saangiaa vanaa naa cɔwva le.»

Talelan 24:30

Paale pilɛ, mí kei o ciɛi vana siɛlɛiyo ikɛi, o nakɔ vana pe lebol too ikɛi.

Talelan 24:31

Billo vannun lenin nɛɛ-nɛɛ ka, vanáà ci ɲɛ-ɲɛ celen te fɔ yɔɔn. Kunga lapowvo ndu va o delaa.

Condii kɛndɛ-kɛndɛi 5:3

‹I cii nihau doma ni bɛndoo solin lekɔɔ, vɛ̀ɛ̀ ya nɔla yɛ vɛlɛ mì mingin ndu lekɔɔ? I cii nihau pelun nun pulɔɔ, bàà mi nɔɔliaa mun vɛlɛ?›