Talelan 13:2 - BII BILA

² Vana tiwba mi vana de sɔɛi sondoi tɔnɔ, kɛ ɲɛ pimi vanaa tosaa dɛnnda vɔɔnda-o co yɔŋ vɔɔndo ni.

Talelan 13:2 Referans Kwoze

Talelan 12:14

Sɔɔn sondon lueilul vana tɔnɔɔ taw, mɛɛ baalaa ke vana salaa nuaa yɛ.

Talelan 18:20

Vanacieo nɔla mò dɔwnun balo a sɔɔn fulà ndu o sondo-on, ɲɛ o dimi-o pimi ndu ni.

Talelan 10:11

Sɔɔn vana sandaa n co maa mɛmma soon, ma yɔngu vana cindaa-an. Kɛ sɔɔn vana vɔɔndo, yɔŋ vɔɔndo mun vian ni.

Talelan 1:31

Lelan, la dianin kɔmnde fula o kela niaa nin-nden. La pumnin silala niaala niaa pila lan.

Condii lisai 140:11

Màá dɛngulta sɔngɔɲɔnndan la deli nda coo! Màá a kɔ o yinnden nin, o soon yingilaa nin, nɛɛ nda cen ndɛnin lɔ́ɔ́-lɔ́ɔ̀ le-a!

Talelan 4:17

Kani a ɲɛdiaa kɔlvesɛiyo nda dɔawnun balo ni, mɔima delɔɔcoo-an nda kol ni.

Dɛnnda cɔɔmuanndan 16:6

Kani vannda cuiŋi kooma vanaa diandaa a kooma vanaa-tɛɛngaa-diom Hala-a, mí nɔm ke nda koovan le kolɔɔ, ken bɛnda a nda ni.»

Habakuk 2:17

Dɛnnda vɔɔnnda niaa tosa Liban-ndan la mingulunnin niaa pila: la diw visia mí la tɛɛmbuu lɛŋnden, kobilan a vanaa va lenin-nda kpow.

Habakuk 2:8

Le tùú niaa poondiaa lɛŋii bɔɔ-bɔɔ ɲɔɔn o laba-o, niaa bɛɛ, lɛŋii tɔ̀ɛi poondiaanin ɲɛm niaan le vanaa niaa diw-va, le kafala niaa tosa o lɛŋnden nin-ndan a le delɔɔ niaa del kobio a vanaa co lenin-nda coo-o.

Condii lisai 75:8

Kɛ Hala co Vana kialaa n'yamaa ni, o tuisi pɛ vana pilɛ tootoo, o heelu o pilɔɔ.›»

Talelan 1:18

Vanaa kan, nda pila co soonndan tuwnɔnndo ni. Dúmbúla nda co yiiyo lan la mingulun nda pila.

Talelan 18:21

Sɔɔn sondon nɔla mì n ciindiaa vana, te kon te mì n dii vana. Lelan vana yeema pɛ sɔɛi, fɔ mò cɛl kɔmnde sɔɛi ken.

Osee 10:13

Nduyɛ, la vàá dɛnɛ vɔɔndo mí la koaw kɔlvesɛiyo, mí la dia kɔmnde lacòòvalen. Kani la tiindan taasila niaalan, mí la kɔngan kuubaa cɔvaa niaa sɛ́lɛ́a.

Talelan 11:23

Yeemɛi vana sandaa co dɛnɛ kɛndɔɔ kínɛí ni. Kɛ tiindan vanaa kɔlvesɛiya co kɔltuwvo ni.