Talelan 13:13 - BII BILA

¹³ Vana tui sila loo, bɔnɔla cuu ndu kuee le. Kɛ vana bii pɛ tɔŋndan, ndu sɔla vɔ́ngɔ̀lan ni.

Talelan 13:13 Referans Kwoze

Kundalan 15:31

Kani o pɛɛsa sɔɛi nii, mó tɛɛmbuu tɔŋ nuu, o bɛnda mò faŋan vanaa tɔ̀a tɛɛn. Nduyɛ sanga tɛɛmbuu ndɔɔ vanin ndu pila o lebol.»

2Nsaŋ 1:8

La pɔɛɛnun a niaa pila le, yɔŋii baala niaa yɔŋnun fúú, kɛ mì la sɔla vɔ̀ngɔ̀ niaa mɛɛ o bɛnda yɛ.

2Dɛnnda lemasalan 36:16

Kɛ Israɛlla saalan kiilaa Hala-a kan te, má pɛɛsa sɔɔn Hala-on, má va vanaa-tɛɛngaa-diom Hala-a mamɔɔ, háá mí Mɛlɛka tuulu kɔllo a Israɛlaa kan, a co kan vanaa ndɔa-a pɛɛn. Ɲɛ-ɲɛ nɔ̀lá kɔltuw kon pɔlul te.

Condii lisai 119:165

Vanaa kaola tɔŋ nɔmndo-a a co a kɔlkɛsiaa bɛndoo, ɛɛ nduyɛ, ɲɛ-ɲɛ tosanin ma boŋ te.

Esekiɛl 20:13

Kɛ mí cuavaa Israɛlla luɛi seesiɛi a ya o lɛŋnde veselɛilen nin. A bii silala nilan te, má kɛɛ tɔŋnda nila vanacieo bɛnda mò kela coo, haliko mi la tosa mo tuei yoomoo yeela lan, má va kasio delɔɔ tuŋ-tuŋ a palɛi pɛngiɛi nii. Mí dimi le kɔl ni tuwvo cuiŋio nda coo o lɛŋnde veselɛilen nin, le nda ciiyo diwvo o lepilɔɔ.

Condii lisai 19:11

Mun hiow vaa n'sɔvɛ a sianion, n hiow siani diandan naŋɔɔ, n hiow lɛma co fulaa o vàálan nin-ndan yeelaa.

Esekiɛl 20:16

I tosa kon le tùú ndáà tɛɛndan tɔŋnda nilan, mí ndáà kɛɛ le silala nilan biyɔɔ, mí ndáà va kasio delɔɔ a palɛi nii pɛngiɛi-yo, kani kɔlta ndalan la va layiinanndan a piɔmaa ndaa.

Esekiɛl 20:24

Kani a ve kela o sɔɔn ya va nda pɛɛkoo-on coo le, a va silala nilan pɛɛsaa, a va kasio delɔɔ a palɛi nii diandɛi, handɔɔ o kon coo, piɔmaa fuɲaa ndaa ndáà mulul hɔlla ni.

Esai 66:2

Ɲɛm mun kpow, ba nuu cɔw mun ni, o kon n mun kpow n va mɛɛ n co yɛ, ya Mɛlɛka co sɔɛi nuaa ni. Tofa vɔ, vana ya landunin hɔlla coo-o, ndu co vana ikɔɔ co o mɔnɛi nin-ndo ni, o co ɲiiyaa a siòònde a sɔɛi nii-o.

Talelan 13:21

Dɛnɛ palaa co vana yɔŋ vɔɔndo kɔɔli, kɛ vana sandaa ndu, dɛnɛ kɛndɔɔ co sala ndɔɔ ni.

Talelan 1:25

le tùú niaa kɛɛ silala nilan kpede-o, le tùú niaa kɛɛ kanalannda ya kanalan niaa lan-ndo,

Condii lisai 115:13

o dɔawnin vanaa nɔ siòòŋii ndɔɛi-ya duaa, cuaambɔa a van-banaa kpede.

Luke 16:31

Mí Abraham dimul ndu aa: ‹Te a tui Moise a vanaa-tɛɛngaa-diom Hala-a diom te, mɛɛ vanndo fula bɛɛ vanvílɛ́iya tɛɛn, a laalannin ndu le.›»

Malasi 3:16

O kon, mí vanaa nɔ siòòŋii Mɛlɛka-e-a dimulan vellaa-velle aa: ‹Se Mɛlɛka yaŋ nilan, mó tuɛi. O kon mí sɛbɔɔ sɛvan ndu o hɔl le loonɔnndo a sɔɛi ken, le vanaa nɔ siòòŋii Mɛlɛka-e, má va ndu bɛɛlen keo-va.›

Matie 5:12

La naŋ kɔl mì la dɔwnun ɲaale, kani vɔ̀ngɔ̀ niaa vanin o bɔɔ o halataala. Kani lende nda tol vanaa-tɛɛngaa-diom Hala-a hiow niaa laci-a yɛlen ni.»

Yeremi 43:2

mí Asaria po Hosaya-o, Yohanan po Karea-o, a vanaa sondola kalaa va kan lon-nda kpow a cua sɔɛi, má dimul Yeremi aa: «Ɲɛ-ɲɛ n co hoo dimio, còòlan fúú! Mɛlɛka Hala naa dimul nɔm le naa kuuna lakɔ caltan Esipte le.»

Ɛsdras 10:3

N cuannun niko ciɛ́ɔn o Hala naa lo, o kon mì n kɛɛnun laandua kan a cuavaa naa n velu a nda-a kpow. N biinun sila nɔm Ɛsdras vana naa bɛndoo a vanaa nɔ siòòŋii Hala-e-a sila naa-o. O bɛnda mì n kela mɛɛ tɔŋndo dimul naa yɛ.

Fulaa 9:20

O vanaa baalaa Faraɔnnɔɔ tɛɛn, vanaa siòònde bii a sɔɛi Mɛlɛka-i ken-nda, mí nda vian buɛyaa ndaa a cɔlua ndaa cɛilan nin.

Talelan 13:12

Vanndo hiw pɛ ɲɔɔ pum viovɔɔ cumndo, o tambu kɔllo. Kɛ maa yɔm cindaa yeemɛi peelun-nde co ni.

Talelan 19:16

Vana bii pɛ tɔŋndan o manda yoomu ndɔɔ, kɛ vana dow kela ndɔɔ taasi le, o sɔla piɔ́mndo.

Condii lisai 19:12

Mɛlɛka, o tɔŋnda nɔmndan nin ya vana nɔm baalaa, co pɛɛkulan sɔlaa ni. Vana bii lan pɛ, ndu sɔla malaa taw.

Talelan 16:20

Vana caa pɛ tuuvo o dɛnɔɔ, o biinun nɔm bila o ba. Vana tiindan pɛ Mɛlɛka, ndu sɔla dɛnɛ kɛndɔɔ.