Talelan 12:8 - BII BILA

⁸ Vana kɔlkaloo vannda candu ni, kɛ diɔm sondo vesɛiyo ndu, kuisinndo o kuisin vannda ni.

Talelan 12:8 Referans Kwoze

2Korɛntea 10:18

Kani o co vana lisàn haliko mi vannda a bii ndu biyɔɔ kɛndɔɔ-o le Mɛlɛka cɛl te, fɔ vana ndu Mɛlɛka lisa-o.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Dɛnnda kiilaa 12:23

Fɔ́ɔ́fɔ̀, le tùú ndu pila cennun maa Hala-o, mí mɛlɛkanɔ Hala-o lɔaa Herɔde, mí càá del ndu, mó vu.

Luke 16:8

Mí vana bɛndoo lisa vana mandaa bolofaa kɔlkalu vɔɔndo ho le taasi o tosa-o. Kani vanaa co o ceendo ho coo-a hiow caa hɛlihɛlinndo nda pila tɛɛn o dɛnndan nin a vanaa co o masale halataa len nin-nda.

Daniɛl 12:2

Vanaa co o lɔan o sɛilan nin-nda taw a tendulnin. A pum le yoomu fɛɛn-fɛɛndo, a tɔ̀a le siɛmbulan a sanga bɛɛ tambɛi fɛɛn-fɛɛndo.

Talelan 5:23

O vunin le tùú o kɛɛ le pɛɛkoo cɛlɔɔ-o. O laasiannin le diɔmii ndɔɛi bɛndu-bɛnduei.»

Talelan 3:35

Vanaa kɔlkalua sɔlanin biiloo maa kɛ́, kɛ diɔmnda nda sɔlanin pɛɛsa hiow pɛɛsalan kpede-o.»

Talelan 1:26

ya bɛɛ i mamnin ciki-ciki lɔ́ɔ́ niaa vanin o dɛnɛ palaa nin-ndo. Tuma kɔl yulan-yulanndo toalnin niaa coo-o, i mamnin niaa mamɔɔ pila.

Condii lisai 132:18

I tuisinin yaamɔaa ndɔa siɛmbulan, kɛɛ ndu ndu, mɔsil lemasaa vanin ndu deŋio o lebol.›»

O Kandɔɔ 41:39

Mó dimul Yosɛf aa: «Le tùú Hala cɔm nɔm sɔɔn mun kpow-vo, vana celen co mò nɔ kɔlkaloo a taasio maa nɔm te.

1Samiɛl 25:17

Lelan nɔm bɛnda nihau ni mà yiyan mɛɛ n co sɔɛi kalɛi biyɔɔ yɛ, kani dɛnɛ palaa cuu kiolɔn le tolɔɔ vana naa bɛndoo nda yungu ndɔɔ coo. Kani o hiw ba vɔwlen, vana tɔ́ɔ́ndàn bɛɛ le ndu isɔɔ dimul te.»

1Samiɛl 18:30

O telen kon, simlacia Filistia va Israɛlla kuello a cɔwvo. Kɛ nduyɛ, o cɔw oo cɔw ndáà kɔɛ pɛ, David ndóò hiaw nɔlaa a kuubaa cɔvaa Saul-la ni. Lelan mí tɔ́ɔ́ David-o tiw kpede.

1Samiɛl 16:18

Mí buɛiyo pilɛ cua sɔɛi, mó dimi aa: «I sina langbanɔɔ pum, po Yisai Bɛtlɛhɛmnɔ-o, vana ɲɛ-caa kɛndɛ-kɛndɛ o co ni, vana dialun kalaa a kuubanɔ cɔwvo o co vɛlɛ ni. O caa sɔɛi, o naŋ hɔlla, hiovɔɔ o kon coo, Mɛlɛka co ndu ikɛi.»

1Samiɛl 13:13

Mí Samiɛl dimul ndu aa: «A tosa dɛnɔɔ maa diɔm! A bii diom Mɛlɛka Hala nɔmndo dimul nɔm-ndo le. Te nɔm óò bii pɛ diom kon, Mɛlɛka va tosa mì yungu nɔmndo ndóò va masalen tosaa Israɛlla coo le lɔ́ɔ́-lɔ́ɔ̀.

Vana Kɔlkaloo 8:1

«A toɲa, vana-vana nɔ kɔlkalu kon te, kɔlkalu o tiwba mò cɔm ɲɛ co hunɔɔ yɔŋnɔn-ndo-o. Nduyɛ, hɔlla kɔlkaloo teengiaa vana ni, mò faŋa vana suumaa o hɔl.

Talelan 12:7

Vanaa kɔlvesɛiya del pɛ, a cuu itambu o lepilɔɔ. Kɛ mì yungu vanaa sandaa lonnun isisi yili.

Talelan 12:9

O co fisa mì vannda kɛɛ nɔm yii luɛyɔɔ, nduyɛ ma nɔ̀ vana baalaa o pilɛ, a cɔmndo maa vana bɛndoo n co ni, kɛ a nɔ bɛɛ ɲɛ n dio le.

Talelan 29:27

Vanaa sendu le-a nɛinun vanaa sandaa, mì kela vanaa sandaa bɛɛ nɛinun kela vanaa sendu le-a.

Esai 19:14

Mɛlɛka cucu kɔl yulan-yulanndo nda tɛɛn haliko ma tosa mì Esiptea laasian o dɛnnda ndalan nin mɛɛ vana kolaa mamɔiyo siɛla mò del, mò lɔngɔlian o ɲɛ o kuusuu-o nin nuaa yɛ.

1Samiɛl 2:30

Lelan, Mɛlɛka Hala Israɛlla dimi aa: ‹A toɲa, mí yáà tuu le yungu fuɲa nɔm-ndo a polale nɔmnden siinguuo vanaa-solia-lasálàá le lɔ́ɔ́-lɔ́ɔ̀. Kɛ sisa, a cii dimi kpendekele maa o ve lɛnin lende le. Kani vanaa ke ya bɛɛlen-nda ya bɛɛ ke bɛɛlen ni, kɛ i tuisinin vanaa co ya yii luɛyɔɔ le-a siɛmbulan.