Talelan 12:5 - BII BILA

⁵ Yiyannda vanaa sandaa la co lɔ́ɔ́-lɔ́ɔ̀ le dɛnɛ sandaa tosaa ni, vanaa kɔlvesɛiya yɛ, kafalan kínɛí la hun nda o kɔl le tosaa ni.

Talelan 12:5 Referans Kwoze

Esai 55:7

Vana kɔlvesɛiyo faŋan o nɛi ndɔ kɔlvesɛiyo coo, mì vana vɔɔndo mal vanavɔɔnyɛi ndɔɛi, mò muungu Mɛlɛka o ibuŋ, haliko mi Mɛlɛka tuinun ndu iɲíí, mò muungu Hala naa o ibuŋ, o màl haki few-few-vo pɛɛn.

Condii lisai 139:23

Dɔw ya taasi Hala, mà sina yiyan co ya o kɔl-lo. Tosa fula kɔɔlio, mà sina buulannda co ya o kɔl-tan.

Yeremi 4:14

«Yerusalɛm, dindin kɔl, haliko ma sɔla cindaa. Háá telen kuɛɛ kpeekpei n solin yɛnin yiyannda vɔɔnndan o kɔl?

2Korɛntea 4:2

Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Matie 26:4

Má kɔ mɛi le kɔlkalu vɔɔndo nuwviaa le Yeesu biyɔɔ, haliko mi ndáà dii ndu.

Matie 2:16

Herɔde cɔu maa vanaa kɔlkalua hui ndu, mó tuulu kɔllo taw-taw. Mó viam vannda le kɔlan cuaambɔa ndáà hiw-vɔ vɔsila tiɔn te-a kpede diwvo, kandɔɔ Bɛtlɛhɛm kɔlan a cieon balu ndu-on kpow, maa mɛɛ vɔsila vanaa kɔlkalua ndáà dimul ndu lan la va yɛ.

Talelan 24:9

Tuula diɔm sondo vesɛiyo, le dɛnɛ vɔɔndo tosaa daama la co ni. Vana mam vannda-o nɛinun bɔɔ vannda.

Talelan 11:23

Yeemɛi vana sandaa co dɛnɛ kɛndɔɔ kínɛí ni. Kɛ tiindan vanaa kɔlvesɛiya co kɔltuwvo ni.

Condii lisai 119:15

I co kɔllo keeliaa o silala nɔmndan coo, mì va kelaa o nɛila tɔŋ nɔm kon co ya cɔmndo lan coo.

Talelan 12:4

Vanalanɔ sɔvɛɔ co maa mɔsil lemasa le pɔnɔ ndɔ. Kɛ vanalanɔ tuisi vana siɛmbulan-ndo ndu, maa nàá siɔŋi vana paalan-ndo o co ni.

Talelan 12:6

Yaŋɔɔla dii vana lan sɔɔn vanaa kɔlvesɛiya n co ni. Kɛ sɔɔn fula vanaa sandaa sondo-on n soli nda piɔ́mndo o sondo ni.

Talelan 14:8

Vana taasio dɔaw kela ndɔɔ taasi ni, kani o kendu kɔl. Kɛ diɔmnde laasiaa diɔmaa sondo vesɛiya ni.

Yeremi 9:3

Vana-vana bɛnda mò mandan a puapilɛ ndɔɔ, vana-vana co caan ndɔ toɲa dimul te, kani vana-vana co kafalan tosaa a vanndo pilɔɔ, vana-vana dimi sɔɛi kɛndɛ a caan ndɔ le.

Yeremi 9:5

Dɛnnda vɔɔnndan tuŋ nda co hiyanndo tosaa ni, còòlan keiyo dimio má hiaw, a kɛɛ le ya Mɛlɛka sinaa pɛ!» Sɔɛi fula Mɛlɛka-Nɔ-Kpaayaa-Kpow-vo o sondo-e co ken ni.