Talelan 12:3 - BII BILA

³ Vana tiwba simndan yili o kɔlvesɛiyo tosaa nin te, kɛ puundun vanaa sandaa mun connun isisi yili.

Talelan 12:3 Referans Kwoze

Talelan 10:25

Piɔɔ hoeyii fùkù-fùkoo hiow pɛ, o hiow a vanaa tosaa dɛnnda vɔɔnda. Vanaa sandaa lonnun isisi o fonda ndaa yili.

Efɛsea 3:17

haliko mi Krista cal niaa o lakɔl o laalanndo nin. I co vɛlɛ ndu piɛi mì la luei puundon, mì la sim yili o kaolaa nin,

Talelan 12:12

Ɲɛm lakafan vanaa kɔlvesɛiya yeema ni. Kɛ o kindikindin vanaa sandaa nin daama tɔnɔɔ co ni.

Kolɔsea 2:7

La sim mì la luei puundon o ndu nin, mì la tangul yoomu niaa o ndu coo maa mɛɛ niaa sɔla pɛɛkoo yɛ, mì la va vanaa sinaa ikɛndɛa taw.

Condii lisai 15:5

O yɔngu vana kuee le tɔnɔ sɔla lecoo le, o cɛl luɛyɔɔninndo le vana tɛɛmbuu isɔɔ loo palaa le. Vana kela pɛ o nɛilan ndan coo, vana kon del lɔ́ɔ́-lɔ́ɔ̀ le.

1Samiɛl 25:33

I mel vɛlɛ nɔm balika le yiyan kɛndɛ n sɔla mà kuuna ya koovan solio le ya pila dio kenɔnndo-o.

SƐBƐ YƆB-O 15:29

O síŋnùn ndɛnin vana bolofaa le, ɲɛ-sɔlaa ndɔɔ viw lɛnin ndu o ba le. O nɔ lɛnin mayoomu o lɛŋnden coo le.

Talelan 11:5

Dɛnɛ sandaa yaa vanaa sandaa o nɛi sandaa coo ni. Vana yɔŋ vɔɔndo yɛ, yɔŋ vɔɔn ndɔɔ laasiàà ndu ni.

Vana Kɔlkaloo 8:8

Vana-vana tiwba yoomu ndɔɔ mandaa le, vana-vana vɛlɛ tiwba mò mingi palɛi piɔ́m ndɔɔ a makɔɔ le. Te cɔwvo del pɛ, vana-vana tiwba mò ɲaanun te. Kɔlvesɛiyo nɔla mo ciindiaa vana co kɔlvesɛiyo tosaa-o le.