Talelan 12:25 - BII BILA

²⁵ Buulanndan la va pɛ vanndo o kɔl, o vi diallon. Kɛ sɔɔn kɛndɔn nɛŋi vana kon kɔllo ni.

Talelan 12:25 Referans Kwoze

Talelan 16:24

Maa vaa malɛ sɔɔn kɛndɔn co ni, n yeela o bololan nin, n co maa kooma singiaa le paalan.

Talelan 15:13

Kɔllo co pɛ a ɲaaloo hɔlla naŋ o tofaa, kɛ te kɔllo co pɛ o sangaa nin yiyan kɛndɛ ve vana le.

Talelan 17:22

Kɔl ɲaaloo kooma yɔngu kɛndia-an o co ni, kɛ kɔl tambɛiyo ndu, paalan o veesiaa vana ni.

Esai 50:4

Maalii Hala yɔngu ya diɛɛmule bɛnda a kaandennɔɔ len, haliko mi caa vana sanga-o yoomuan mingio o n'dial a sɔɛi nii sondoei. Idii oo idii o co nila nilan kumbio válán, haliko mi yaŋ nilan mɛɛ kaandennda yaŋ nilan o pɛɛkoo yɛ.

Talelan 15:23

Vanndo yala pɛ sɔɛi caa muli o dɔwnun ɲaale. Sɔɛi naŋ dimio o telen bɛnda-o.

Sakari 1:13

Mí Mɛlɛka mulul mɛlɛkanɔ va suukanndo a ya-o diomnde kɛndɛ, mó dimul ndu sɔɔn ɲɔɔlan.

Talelan 12:18

Mì vana tombola fondo-fondoo boli vana a tombola ndɔɔ maa a mɔɛi cɔw. Mɛ sɔɔn fula vana kɔlkaloo o sondo-on, maa kooma singiaa n co ni.

Talelan 27:9

Cuɛima cun kɛndɛan a lasikɔlɔɔ nɛŋi vana kɔllo, kɛ mamɔɔla icanyalan la co fisa a lasikɔlɔ báà kala bɛndoo.

Condii lisai 42:11

Paalan la yomiyomi ya o n'dial, kani niinoo kpɛŋ yaamɔaa nia co ya yeowlan aa: «Kuɛɛ Hala nɔmndo co yɛ?»

Talelan 18:14

Vana co a nàá-o nɔ pɛ yiyan kɛndɔɔ, o sɔla yoomuan. Kɛ te kɔl ndɔɔ co pɛ o sangaa nin, nɛ̀ɛ́ mingi yɛnin yoomuan ndu o n'dial?

Talelan 25:11

Maa ɲɛ nda toosiaa a sianion má kɛɛmiaa ndu a volin humbon-ndo sɔɛi dimin a telen bɛnda-o-e co ni.

Condii lisai 38:6

Pavii nii tumulu, i co cunndo kuí-kuí! Kani i tosa dɛnɛ idiɔmndo.

Talelan 15:15

Vana bala fondoo ndu, palɛi kpow ivɔɔnde i co a ndu ni. Kɛ vana connun o dɛnɛ kɛndɔɔ nin-ndo ndu, lɔ́ɔ́-lɔ́ɔ̀ maa kafo ɲɔɔ va ndu o hɔl ni.

Talelan 14:10

Mɔnɛi co vanndo o kɔl-le, ndu pilɛ kpé sina ndi ni. Ndu pilɛ kpé sina vɛlɛ kɔlkɛndɛ co ndu o kɔl-lo ni, vana celen nɔla dɛnnda lan sinanndo maa ndu pila le.

Talelan 12:26

Vana sandaa, vana cɔm caanda nɛi kpeekpeiyo-o o co ni. Kɛ kela vanaa kɔlvesɛiya laasiaa nda pila ni.

Talelan 15:30

Tofa kɛndɔɔ nɛŋi vanndo kɔl ni, yoongu kɛndɔɔ tueyɔɔ yɔngu diallon kpow yoomuan ni.