Talelan 12:21 - BII BILA

²¹ Dɛnɛ palaa komal ko vana sandaa le, kɛ sɔɔn vɔɔnndon cuu vanaa kɔlvesɛiya kɔɔli le.

Talelan 12:21 Referans Kwoze

1Piɛr 3:13

Nɛ̀ɛ́ saangiaa yɛnin niaa, te la nɔ pɛ dialun fulan le dɛnɛ kɛndɔɔ tosaa?

Condii lisai 91:10

mɛɛ dɛnɛ palaa kɛ́-kɛ̀ komalnin nɔm te, sanga oo sanga sɔɔnguunin o cɛi-kola-toandaa nɔmndo ikɛi le.

Rɔmnda 8:28

N sinà maa dɛnndan kpow la co tosanndo le dɛnɛ kɛndɛ vanaa kaola Hala-a, vanaa o veelu mɛɛ tuu ndɔɔ co yɛ-a.

Talelan 1:31

Lelan, la dianin kɔmnde fula o kela niaa nin-nden. La pumnin silala niaala niaa pila lan.

Dɛnnda cɔɔmuanndan 18:6

La tosal ndu mɛɛ ndu tosal caanda yɛ, la mingul ndu dɛnnda o tosa lan vangalaa lediin. La bingulan mɔima nɛyaa-nɛyan súúlan tan tiɔn o taala ndu va caanda talallo-o nin.

Habakuk 2:16

La cii bɛɛle va le niaa len tɛɛmbuu, siɛmbulan la vanin le niaa. Mɛɛ niaa bɛɛ, la kol mì la fula tumnda fondo! Mɛlɛka co niaa lɔɔ a kɔl ndɔ tuwvo, mì bɛɛle niaalen le siŋnun siɛmbulan.

Talelan 14:14

Vana laasianndo dianin kɔmnde kela ndɔɔ, vana kɛndɔɔ ndu, dɛnɛ ndɔɔ vanin fisa ni.

2Korɛntea 4:17

Kani sanga bɛndu co naa hoo coo sunsun-ndo co ɲɛ-ɲɛ le, nduyɛ le telen bingi koni o co ni. O co naa pɔɔ bɛɛndiaa le biilu naa hun sɔlanin-ndo. Biilu kon vanin le fɛɛn a fɛɛn, ndu hiawnin vaa o bɔɔ a sangaa ho.

Condii lisai 121:7

Mɛlɛka kandanin nɔm le dɛnnda vɔɔnndan kpow, o mandanin yoomu nɔmndo.

Talelan 1:33

Kɛ vana yaŋ pɛ ya nilan, ndu sɔlanin kɔlɲuloo o calta ndɔlan. O vannunnin nila ɲulu yili, siòòŋii biinin ndu le dɛnɛ palaa le.›»

Talelan 12:20

Kafalan kposon la co vanaa yɔŋ vɔɔnda o kɔl ni. Kɛ ɲaaloo co le vanaa sila vannda le nda kɔlɲuloo-a.

Talelan 19:23

Vana nɔ pɛ siòòŋii Mɛlɛka-e ndu vannun yoomu. O pim pɛ o hinin, dɛnɛ palaa komal ndu le.

Vana Kɔlkaloo 8:5

Vana-vana bii pɛ tɔŋndo, ndu sɔla isɔɔ oo isɔɔ le. Kɛ vana kɔlkaloo sina maa dɛnndan kpow la kialunnin iyama o telen la bɛnda le yamɛi kiolɔndo-o.

Talelan 11:21

Lekɛ́ndɛi ken co ni, Vana tosaa dɛnɛ vɔɔndo helunnin dɛnɛ palaa le, kɛ vanaa sandaa sɔlanin baŋaa a polama ndan kpow.

Vana Kɔlkaloo 7:18

O bɛnda ma bii silala tiɔnndan ndan. Kani vana nɔ pɛ siòòŋii Hala-e, o hiw ɲɛ-ɲɛ ba le.