Talelan 12:2 - BII BILA

² Mɛlɛka nàŋ kɔl a vana tosaa dɛnɛ kɛndɔɔ-o, mò yaala vana nɔ tuula vɔɔnndan-ndo.

Talelan 12:2 Referans Kwoze

Talelan 8:35

Kani vana saalun ya pɛ ndu saalun yoomoo, o kon Mɛlɛka ce ndu ɲia.

Dɛnnda kiilaa 11:24

Nduyɛ, vana kɛndɔɔ Barnabas va ni, Hala Kɔl-Diandaa a laalanndo va ndu o piaa nin. Lelan, mí vanaa bɔɔ-bɔɔ a del Mɛlɛka kɔɔli.

Condii lisai 112:5

Vana sɔvɛɔ nɔ ɲííye, a kɔlkɛndɔɔ o dɔnda vana ɲɔɔ ni, mò bii tɔŋndan o dɛnnda ndɔlan nin.

Rɔmnda 5:7

O kendu le cɛlɔɔ mì vana vi le vana sandaa. Bɔɔle mì vanndo pum cɛl le vuo le vana tosaa dɛnɛ kɛndɔɔ.

Talelan 1:31

Lelan, la dianin kɔmnde fula o kela niaa nin-nden. La pumnin silala niaala niaa pila lan.

Vana Kɔlkaloo 8:8

Vana-vana tiwba yoomu ndɔɔ mandaa le, vana-vana vɛlɛ tiwba mò mingi palɛi piɔ́m ndɔɔ a makɔɔ le. Te cɔwvo del pɛ, vana-vana tiwba mò ɲaanun te. Kɔlvesɛiyo nɔla mo ciindiaa vana co kɔlvesɛiyo tosaa-o le.

Talelan 6:18

kɔl tuu tuula yɔŋ vɔɔnndan-ndo, pelun ɲaanun le kɔlan dɛnɛ vɔɔndo tosaa-on,

Condii lisai 9:15

O kon, i sangalanin nɔm, mì dimi ɲɛ vem ya nɔm lisaa-o kpow o diola luɛyaala kobio Siɔn sondoo, mì viow kponyoo le ciindiaa n ciindiaa ya-o.

2Samiɛl 15:3

Absalɔm ndóò dimul ndu aa: «Kela nɔmndo sandu, nɔm kpeekpei nɔ dí o sɔɛi he nin ni, o co macoaa vana yeŋnin nɔm lani o masaa lo le.»

Talelan 3:4

O kon, Hala a vanndacieea canin nɔm ɲia, ma sɔla diola kɛndɛlan.

Talelan 12:1

Vana yeema pɛ dɛnɛ sinaa, o cɛl mà cɔm ndu sɔvun ndɔn. Diɔmnde o co le kanalanndan kɛɔ cɛlɔɔ ni.

Talelan 14:22

Mì vanaa nɔ yiyannda vɔɔnndan-nda pɔw nɛiyo, kɛ vanaa nɔ yiyannda kɛndɛlan-nda nɔ sakpoyɛi ni, nda lo o lediom coo ni.

Talelan 14:17

Vana keleŋà kɔllo o tuulu-o tósà dɛnnda idiɔmndan ni. Vana hui caanda-o ndu, nɛinɔnndo o nɛinùn vannda ni.