Talelan 12:12 - BII BILA

¹² Ɲɛm lakafan vanaa kɔlvesɛiya yeema ni. Kɛ o kindikindin vanaa sandaa nin daama tɔnɔɔ co ni.

Talelan 12:12 Referans Kwoze

Nsaŋ 15:5

Ya co rɛsɛn tumndo ni, niaa co lɛwvon ni. Vana lo o ya nin pɛ, mì ya i lo ndu nin, ndu kom taw, kani te o co o ya nin te, la nɔla ɲɛ-ɲɛ tosaa le.

Esai 37:31

Vanaa lonin yoomu o cɛi Yuda-o nin-nda a vanin vɛlɛ maa yɔm vil puundon lɛŋ mo va kɔmnden solio o lɛwvon coocoo-o.

Esai 27:6

O siɔdii lacio nin, polale Yakɔb len le vulnin puundon, cuavaa Israɛlla solinin yandɔɔlan mì pei lendei fula lon, o kon, a peinin ceendo a yɛyii ndɛi.

Condii lisai 10:9

Mò lo cumullo mɛɛ yàlàá cumul visia o bɛ̀mɛ́ltan sondoo nuaa yɛ. Mò vennun le vana bala fondoo delɔɔ coo. O voolu pɛ ndu, o luei ndu o yala ndɔɔ nin.

Condii lisai 1:3

Vana kon co macoaa maa yɔm tɔlnun o peo kɔngɔ-o, ó koam a telen o bɛnda le komɔɔ-o-o, o pei ndɔɛi ɲɔfɔliaa lɔ́ɔ́-lɔ́ɔ̀ loo. Ɲɛ-ɲɛ vana vaa lende tosa pɛ, o biinun bila ndu o ba.

Rɔmnda 6:22

Kɛ sunsun, la hɛlun hakio, mì la siŋnun cɛa Hala-a. La tosà niko dɛnndan le dindinndo, o kon mì sɔla yoomu fɛɛn-fɛɛndo.

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Talelan 10:15

Maa kpaki bolofaa kanda vana bolofaa ni. Kɛ tɛɛmbuuo bala fondolan la tɛɛmbuu vana bala fondoo ni.

Condii lisai 9:15

O kon, i sangalanin nɔm, mì dimi ɲɛ vem ya nɔm lisaa-o kpow o diola luɛyaala kobio Siɔn sondoo, mì viow kponyoo le ciindiaa n ciindiaa ya-o.

Misee 7:2

Mbɔ̀ vanaa lo o lediom coo-a cuu o lɛŋnden nden nin! Vana sandaa co lɛ lenin te few. Nda kpow a cal mɛngɛlianndo le koovan sooluanndo, vana-vana co puapilɛ ndɔɔ yaŋɔɔlen kɛsullo.

Talelan 11:30

Dɛnnda vana sandaa la co maa yɔm yɔngu cindaa-o. Vana nɔ pɛ kɔlkaloo, o sɔla vannda.

Talelan 21:10

Vana kɔlvesɛiyo ndu, dɛnɛ vɔɔndo o yéémà tosaa ni, hali caan ndɔ o mɛi ndu lon te.