Talelan 12:11 - BII BILA

¹¹ Vana váá pɛ ciɛi ndɔɛi, ndu sɔla baloo taw. Kɛ vana del pɛ sɔɔn fondon kɔɔli, mɛɛ ndu pe lebol te.

Talelan 12:11 Referans Kwoze

Talelan 28:19

Vana váá pɛ yondo ndɔɔ, o sɔla balootaw. Kɛ vana vow pɛ balan o baabaa nin, o pim bala fondolan.

Talelan 14:23

Baala-baala nɔ tɔnɔ ndɔ. Tombola fondoo ndu o pɛŋnden nin o luei vana ni.

Condii lisai 128:2

A dianin vali nɔmndo tɔnɔ, a dɔawnunnin duaa, mì dɛnndan kpow la bɛnda nɔm o ba.

Efɛsea 4:28

Vana co vuilenndo, ndu mal vuilen. Ndu pila tosa baalaa, haliko mo sɔla ɲɛ o piɔvan nda vanaa co o bahavɛiyo nin-nda-o.

2Tesalonikea 3:8

Vana-vana dow naa balo fúú le, kɛ mí n fafala o baalaa nin, mí n sanga taw. N va baalaa idii a icɔl yɔŋii náà n va o ba vana bɛngu niaa tɛɛn.

Talelan 9:6

La mal diɔmnde mì la va yoomu, la bii nɛi dɛnɛ sinaa.»

Talelan 14:4

Nɛɛ navaa vàá co le, ɲɛ-ɲɛ ve o konda le. Cɔlua mayoomua lueilul vana tɔnɔɔ taw ni.

Talelan 7:7

mí ca poombɔ piaandu nɔ mahul too pum o vanaa nɔ taasi le-a tɛɛn, mí dɔaw ndu taasi poambɔa piaandua tɛɛn.

Talelan 13:20

Vanndo kela pɛ a vana kɔlkaloo, ndu bɛɛ kendu kɔl. Kɛ vanndo kela pɛ a diɔm sondo vesɛiyo vana kon kɔndu dɛnɛ.

O Kandɔɔ 3:19

Lɔ́ɔ́ pá ma sɔlá nin ɲɛdiaa nɔmndo, fɔ ma kelun lalle o itendu. A lonin lende háá mà muungu lɛŋ, nɛɛ n fula-a. Kani a puuloo n cɔwnun ni, lelan o puuloo nin n co vɛlɛ muungu ni.»

Talelan 6:32

Kɛ vana-vana tɛm pɛ a vanalanɔ co laa ndɔ loo, vana bolle hiŋnanndo vana kon co ni. Kani vana yeema le ndu pila tɛɛmbɔnndo-o tosa lende ni.

Talelan 9:16

«Niaa diɔmnda ha sei! La kei-yɔ nanu.» Mò dimul vanaa pe lebol te-a aa:

Talelan 9:13

Maa vanalanɔ kindu kɔl too, o bii ɲɛ-ɲɛ bila loo diɔmnde co ni.

Condii lisai 26:4

I cel naa vanaa co vannda huiyo-a latulu le, i co kela naa vanaa muuluannda le.

Masaa kialaa n'yamaa 9:4

Má ke ndu volin latámán belaŋɔmmɛw, volin nda cua o máán Baal-Berit-o coo-on. A volin mun Abimelɛk luɛi poambɔa poopooa a vanaa kelannda nin ni le simndan ndu kɔɔli.

Yonas 2:8

Tuma yoomoo va faŋanndo ya o milinndo, mí yiyan a nɔm Mɛlɛka o kɔɔ, o kon mí piɛile nilen le hel háá o nɔm ndo, o calta nɔmndan nin dí.

Talelan 27:27

Nɔnɔ bɛndu cuinaa nɔmnda vanin solio-o, la dɔwnun balo a ndu niaa yungu nɔmndo a buɛyaa nɔmaa laandua.

Talelan 13:23

Vana bala fondoo vàá pɛ ciɛi o sɔla baloo taw. Kɛ vana sendu loo ndu, yoomuma ndɔan ma co hiɔlɔnndo mapɔm-pɔmbɔ.

Talelan 20:13

Hiw lɔan kaola le, yɔŋii n siŋnun vana bala fondoo. Kumbi hɔltan valan, ma de mɛɛ n yeema yɛ.