Talelan 12:1 - BII BILA

¹ Vana yeema pɛ dɛnɛ sinaa, o cɛl mà cɔm ndu sɔvun ndɔn. Diɔmnde o co le kanalanndan kɛɔ cɛlɔɔ ni.

Talelan 12:1 Referans Kwoze

Talelan 15:10

Vana mal pɛ nɛi kɛndɔɔ o sɔla sangaa le ken. Vana cɛl kanalanndan te, ndu sɔla piɔ́mndo.

Talelan 18:1

Vana yeema tɔnɔ ndɔ ndu pilaa daama-o holnun caanda le, vana tuu pɛ le ndu malaa o tuulu kɔl.

Condii lisai 92:6

Aa Mɛlɛka! Mbɔ̀ dɛnnda nɔmndan la co labɔɔ, yiyannda nɔmndan la yingila.

Condii lisai 32:9

Va diɔm maa so, te kon te maa milɛɛ le, o kon, ɲɛ-ɲɛ komalnin nɔm te. Soo nda mulɛɔ nda, kalafolan nda vòw nda o lasondo ni le nda biyɔɔ a kpeŋan te.»

2Tesalonikea 2:10

O hunnin a dɛɛniaala súú-súù fee, mò luei vanaa vanin o lou nin-nda o pɔwlan nin a o dɛnɛ sandaa lepɛŋndo nin, kani a cɛ́l kaola toɲaa mà sɔla cindaa le.

Talelan 8:17

Vanaa kaola ya-a, ya bɛɛ i kaola nda. Vanaa co ya nuwviaa-a co ya saalɔnndo.

Talelan 8:32

«Poaa niaa sei! La yaŋ niko ya nilan, dɛnɛ kɛndɔɔ co le vanaa kan, vanaa kela o nɛila nilan coo-a.

Esai 1:3

Nawvo sinà vana nɔ ndu-o, sofɛlɔɔ sinà hèé vana ndɔ bɛndoo. Kɛ Israɛlla nda sinà ɲɛ-ɲɛ le, yungu nuu bii ɲɛ-ɲɛ bila le.

Condii lisai 119:27

Cɛl mì bii o tɔŋnda nɔmndan la co ya pɛɛkoo-o bila, o kon, i keelanin kɔllo o dɛnnda kaamaala nɔmndan coo.

Condii lisai 50:17

Niaa yɛ, la yeema sila tueyɔɔ le, la co sɔɔn nun kɛɔ few-few.

Talelan 8:36

Kɛ vana pilan pɛ ya tana ndu kɔndu dɛnɛ. Vana-vana pɛɛsa ya pɛ, mɛɛ piɔ́mndo ndu yeema ni.»

Talelan 11:31

Vana sandaa sɔlà sala bɛnda le ndu-o o ceendo coo nanu, vanaa yɔŋ vɔɔnda a vanaa lahakia bɛɛ a co sanga co le nda-o sɔla.

Talelan 12:2

Mɛlɛka nàŋ kɔl a vana tosaa dɛnɛ kɛndɔɔ-o, mò yaala vana nɔ tuula vɔɔnndan-ndo.

Talelan 30:2

«A toɲa, ya hiow va diɔm o vanndacieea tɛɛn, i nɔ sina dɛnɛ sinaa maa vanaciee le.

Tɔŋ lasálàá 13:10

mì vana-solia-lasálàá mɛɛndian ndu. Te kpukpui humbuei va pɛ ndu lekɔɔ, mì yiiŋii co o kpukpui ken coo-e bɛɛ i muungu ihumbu, mì falii kiyɛiye fula a huinde lecoo,

Condii lisai 141:5

Vana bii sɔɛi Hala-i-yo tiwba mò lɔɔ ya, vana lo o lediom coo-o tiwba mò mingi ya o nɛi, dɛnnda icanyala ya nɔla kɛɛ le lan la co lan ni. Kɛɛ yɔŋ vɔɔn vanaa vɔɔnnda tiwba piɛile nilen simullo lɔ́ɔ́-lɔ́ɔ̀ le.

Talelan 10:8

Vana kendu kɔllo-o cɛl tɔŋndan ni, kɛ vana soaa mɛ̀ɛ́-mɛ̀ɛ́ ka-o, laasianndo co ndu levil te.