5 Dɛnɛ sandaa yaa vanaa sandaa o nɛi sandaa coo ni. Vana yɔŋ vɔɔndo yɛ, yɔŋ vɔɔn ndɔɔ laasiàà ndu ni.
Tɛɛmbuula vana kɔlvesɛiyo biinin la ndu pila maa leyaŋɔɔ. O kayakayannin o yoei haki ndɔɔ nin.
Simndan sandei sim vanaa sandaa laci ni, kɛ laasian vanaa sendu le-a tuisi dɛnɛ palaa nda coo ni.
Kindin le hɛnan Mɛlɛka-o sinaa o dɛnnda n co tosaa lan kpede nin, ndu siɛɛnduunin nɛila nɔmndan ni.
Tuma Ahitofɛl ce maa vannda bii sila ndɔɔ loo, mó dovi sofɛlɛ ndɔɔ, mó muungun o ndu lo ciee. Mɛɛ o tiiya, mó congun yungu ndɔɔ, mó kɔ landun, mó vu. Má kumbu ndu o sɛi fuɲa ndɔ-o nin.
Mí Israɛlla mulin niko, má kuel nda. Mi siòònde bii vanaa kan taw le dɛnɛ palaa va nda hinullo-o.
Vana tiwba simndan yili o kɔlvesɛiyo tosaa nin te, kɛ puundun vanaa sandaa mun connun isisi yili.
Yiiyo vana kɔlvesɛiyo yii hɔlla ni. Kɛ vana sandaa ndu laalan kela ndɔɔ.
Kɔla o va paandu a yoomuan-ndan la muungunin tángàn-tángàn, mì tuula ndɔlan la laasiaa ndu.
Vanaa kan, nda pila co soonndan tuwnɔnndo ni. Dúmbúla nda co yiiyo lan la mingulun nda pila.
Sandei kándà vana co kelaa o nɛi laasian too coo-o ni. Kɔlvesɛiyo tɛɛmbuu vana lahakio ni.
Dɛnɛ vɔɔn vana kɔlvesɛiyo tosa-o tɛɛmbuu ndu ni, kɛ vana sandaa ndu nɔ kɔlkɛsiaa hali o piɔ́mndo hɔl-ndɔ.
Maa bɔ̀ɔ̀ n'yɔɔ nɛi vanaa siɛlɛiya co ni, kɛ pemale vanaa sandaa co ko maa nɛi siaa vakpa.
Vana kela pɛ o sandei nin ndu sɔla cindaa. Kɛ vana co kelaa o nɛila tuunduanndan tan tiɔn coo-o ndu, te o del baa le, o del baa pilɔɔ.
Nɛi vana sandaa, o sandaa sakpo o co ni. Nɔm vana sandaa n co ni, nɔm peelu nɛi vana sandaa ni.
Yonga Israɛlla co nda pila seilen tɛndallo, Israɛlla a cuavaa-imamaa Efraim-nda boŋ le dɛnnda ndala vɔɔnndan. Vannda Yuda bɛɛ boŋ latulu nda ndaa.