Talelan 11:4 - BII BILA

⁴ Bolofaa nɛŋi ɲɛ-ɲɛ o paale kɔltuwle Hala len coo le, kela sandaa baŋa vana o piɔ́mndo hɔl-ndɔ ni.

Talelan 11:4 Referans Kwoze

Talelan 10:2

Bolofaa lakafaa sólì vana kpeku le, kɛ dɛnɛ sandaa kanda vana a piɔ́mndo.

Sofoni 1:18

Volin ndan a sianin ndan nɔlanin nda ciindiaa o paale kɔltuwle Mɛlɛka len coo le few. Mɛlɛka loamnin lɛŋnden kpow a yinnde ndɔle paŋalaalen. Ì vanin sɔɛi kpundɛ bɛndu dɛ! Mɛlɛka co vanndacieea co o lɛŋnden coo-a kpow tɛɛmbuu.»

O Kandɔɔ 7:1

Mí Mɛlɛka dimul Noe aa: «Nɔm a yungu nɔmndo kpow, la luɛi o dɛ̀ndɔ̀ɔ́ nin, kani nɔm pilɛ kpé ya ce vana sandaa ya o hɔl o vannda ha kpow tɛɛn ni.

Esekiɛl 7:19

A viiviinin volin ndan o nɛilan coo, mà ce sianin ndan maa ɲɛ tumulɛi. Volin ndan a sianin ndan nɔlanin nda baŋa o paale kɔltuwle Mɛlɛka len coo le. A nɔlanin dembela ndalan pimi a mun te, a nɔlanin yeemɛi ndɛi solin a mun te. Kani ken yɔŋnun pow boŋaa ndaa ni, ken tosa ni má luɛi o pɔwlan nin.

1Timote 4:8

Kani diallon kindio naŋ, kɛ kon nɔ tɔnɔ bɔɔ le. Siòòŋii Hala-e nɔu o dɛnndan kpow nin hiow naŋɔɔ polon, kani kon yɔngu naa tiindanndo sɔlaa le ceendo ho sunsun a le ceen hunnin-ndo ni.

Luke 12:20

Kɛ mí Hala mulul ndu aa: ‹Diɔmndo ho, cɔɛllɛn kpeekpei ya co yoomu nɔmndo hiɔlɔɔ ni, ɲɛm n bɛɛndiaa mun-ndon, nɛ̀ɛ́-nɛ̀ n co yɛ mun mel?›»

Matie 16:26

Vanacieo sɔla bɛɛ ceendo ho kpede, te yoomu ndɔɔ hɛlun ndu pɛ, tɔnɔ yɛɛ o sɔla yɛ o kon? Te kon te, yɛɛ kpeekpei vanacieo yɔngù yɛ le yoomu ndɔɔ singaa?

Rɔmnda 5:17

I co toɲa maa piɔ́mndo cɔm kpaaya ndɔɔ le haki vanndo ndu pilɛ tosa-o. Lelan, vanaa sɔla kɛndɛi bɛnduei a dɛnɛ sandaa-a tosanin masalen Yeesu pilɛ kon o ba bɛngu o ceendo coo.

Talelan 12:28

O nɛi dɛnɛ sandaa coo cindaa co ni, vana kɔɛ pɛ lecoo, o vi le.

Talelan 6:34

Kani paŋalaa lueì vanapɔnɔɔ o yolɛi ni. Paale o vanin màá mingio len, ɲíí biinin ndu le.

SƐBƐ YƆB-O 20:28

Paale kɔltuw Hala-o fulanin-nden, ɲɛm ndɔn basunnin selemenden mì n hiownun maa o mɛmma hunaa nin!

Esai 10:3

Yɛɛ nɛ niaa tosa yɛnin o paale dɛnɛ palaalen coo? Vɛ̀ɛ̀ niaa yɔŋ yɛnin lɔ́ɔ́ dɛnɛ palaa cannin levil mò tol niaa coo-o? O nɛ̀ɛ́-nɛ̀ lo niaa ɲaanun yɛnin le malaa sɔlaa? Nduyɛ nɛ niaa mɛi yɛnin biilu niaa?

Esekiɛl 14:14

te vanaa yáá-a ha: Noe, Daniɛl a Yɔb a va pɛ nda tɛɛn, nda pila kínɛí baŋanin yoomula ndalan le dɛnɛ nda sandaa ni. Ya Maalii, ya co Mɛlɛka-o soo nuaa ni.