Talelan 11:13 - BII BILA

¹³ Vana sɔɔn pɔmbɔɔ bii sondo ndɔɔ le. Kɛ vana lo o lediom coo-o ndu, sɔɔn kpow mo mandan o kɔl.

Talelan 11:13 Referans Kwoze

Talelan 20:19

Vana congu vannda nɛɛ-nɛɛ ka-o cɔɔmuu sɔɔn viannanndon ni. Lelan kpakpala vana tombolaa.

Talelan 25:9

Te sɛɛngianndo luɛi nɔm pɛ tɛɛn niaa vanndo, sɛɛngian kon n toosiaa ni, kɛ cɔɔmuu sɔɛi vana celen dimul nɔm niaa ndu kpé-e le,

Tɔŋ lasálàá 19:16

La cóngù vanaa niaa co vanaa pilɛa-a le. La hɛ́ɛ́ndùù vanaa niaa co-a sɔɔn coo háá mà sɔla piɔ́mndo le. Ya co Mɛlɛka ni.

1Timote 5:13

Handɔɔ o kon coo, a luɛi siɛlɛiyo, a cɛn keiyo balɔɔ cɛilan nin. Handɔɔ vɛlɛ o siɛlɛi kon coo, a siŋnun vanaa tombolaa a vanaa vow sondolan o sɔɔn pilan nin-nda, a muungu sɔɔn nda bɛnda le dimi loon dimio.

Yosue 2:14

Mí vanpiaandua kan mulul Rahab aa: «N co a bɛɛndiannda le vuo le niaa, te la cɔɔmuu tuu naa le. Lɔ́ɔ́ Mɛlɛka malnin lɛŋnden nden naa o ba-o, n lonin o lediom coo mì n tosal nɔm dɛnɛ kɛndɔɔ.»

Yeremi 38:27

Mí simlacia kpow a hun o Yeremi lo, má ɲuna ndu. Mó mulul nda mɛɛ masaa dimul ndu yɛ. O kon, má faŋan ndu kɔɔli, kani vana-vana sina sɔɛi nda suukan nda masaa-e le.

Talelan 14:5

Sei toɲaa dimi lacòòvaa le, kɛ sei lacòòvaa ndu còòlan kínɛí o dimi ni.

Yosue 2:20

Kɛ nduyɛ, te o va pɛ ma cɔɔmuu dɛnɛ naa, naa bɛɛ n nɔnin yaala le kpemala n vem naa cuaa lan kɛɔ peeloo le.»

Talelan 11:12

Vana congu caanda-o pe lebol te, kɛ vana kɔlkaloo ndu, meinɔnndo o meinun ni.

Talelan 12:23

Vana taasio cɔ́mnùn a sinapɛngu ndɔɔ le. Kɛ diɔmndo ndu, diɔmii ndɔɛi o pɛngɛla ni.

Talelan 19:11

Vana nɔ taasio-o biwnùn taw. Ɲɛ o kennùn le tosaa-o co tɛɛmbuu nda tɛɛmbuu a ndu-o hakio malɔɔ ni.

Talelan 10:19

Vana hiw pɛ sɔɛi a pilan caanda tana. Kɛ vana caa diɛɛmule ndɔlen biyɔɔ-o, vana taasio co kon ni.