Talelan 11:10 - BII BILA

¹⁰ Vana sandaa sɔla pɛ dɛnɛ kɛndɔɔ, vanaa co o kobio nin-nda kpow a dɔwnun ɲaale. Kɛ te vana vɔɔndo vi pɛ, vannda viow kponyoo.

Talelan 11:10 Referans Kwoze

Talelan 28:12

Vanaa sandaa nɔla pɛ dɛnɛ, dɛnɛ lebɛɛ bɛndoo pila co kon ni. Kɛ masalen le del pɛ vanaa kɔlvesɛiya o ba, vana-vana sɔndan.

Masaa kialaa n'yamaa 5:31

Àá Mɛlɛka, màá yaamɔaa nɔmnda cuu lende muɛɛn! Màá vanaa kaola nɔm-nda diondu mɛɛ ɲɔɔ tenga a paalen kalale ŋama-ŋama len nuaa yɛ.» Mì kɔlɲuloo muungu o lɛŋnden nin háá le vɔsilan belehiɔɔlu!

Talelan 28:28

Vanaa kɔlvesɛiya sɔla pɛ masalen, vana-vana sɔndan. Kɛ a hiow pɛ, vanaa sandaa koma kui taw.

SƐBƐ YƆB-O 27:23

Vannda tueyɔɔ tambii ndɔɛi tɔ́ɔ́, ma va balan tiɔmɔɔ, a co huiyon hɔŋndo a ɲaaloo nɛɛ o va icali-a.»

Fulaa 15:21

Mí Miriam cua condei aa: «La lisa Mɛlɛka o condei nin, kani o cɔm biilu ndɔɔ ceen vakpa. O miisuu soa a vanaa ɲaanun o soa coo-a o mɛmma ihɛlma makpɛ̀ndɛ̀an nin.»

2Masaa 11:20

Mí vanaa va o lɛŋnde len nin-nda kpow a va kponyoo a kɔlkɛndɔɔ, mí kobio sɔla nila ɲululan. Atali yɛ, a mɔɛi cɔwve nda dii ndu o cɛi lemasaa nin ni.

Talelan 11:11

Vanaa sandaa cuu dɛnɛ kɛndɔɔ o kobio nin ni, kɛ tɛɛmbuuo vanaa yɔŋ vɔɔnda tɛɛmbuu kobio a lasondo ni.

Talelan 29:2

Vanaa sandaa kui pɛ, lɛŋnden le dɔwnun ɲaale. Vana kɔlvesɛiyo sul pɛ masaa, lɛŋnden le cɛɛŋun.

2Dɛnnda lemasalan 23:13

Ndóò mɛɛndianndo, mó ca masaa isisi o sungbulen ikɛi nɛɛ o dema isisi o dioo sondoo-a. Simlacia a vanaa hɔŋaa labulua va isisi masaa ikɛi kpɛɛlun. Vanaa va lon-nda kpow a va a ɲaaloo, vanaa hɔŋaa labulua va bululan hɔŋndo, vanaa solia n'condua va condon solio a ɲɛm-caan. Le hee, mí Atali sɛɛsian volɔɔlan lekɔɔ, mó yonda aa: «A yii ya dúmbú! A yii ya dúmbú fɔ́!»

2Dɛnnda lemasalan 23:21

Mí vanaa va o lɛŋnden nin-nda kpow a dɔawnun ɲaale, mí kobio lonnun nila ɲulu. Atali yɛ ndu má dii ndu.

Yeremi 51:48

Vana tuɛinin kponyoo o halataala a o lɛŋnden coo le delɔɔ Babilɔn-ndo telen vanaa tɛɛmbuunin ndu-a vanin fulaa a ba luaŋ-ndo a kponyoo-o.» Sɔɛi fula Mɛlɛka o sondo-e co ken ni.