Talelan 10:9 - BII BILA

⁹ Vana kela pɛ o sandei nin, o vannun yili, kɛ vana kela pɛ kela tuunduɛiyo, niinu ndɔɔ fulanin ceen.

Talelan 10:9 Referans Kwoze

Talelan 28:18

Vana kela pɛ o sandei nin ndu sɔla cindaa. Kɛ vana co kelaa o nɛila tuunduanndan tan tiɔn coo-o ndu, te o del baa le, o del baa pilɔɔ.

Matie 10:26

Lelan, siòòŋii bii niaa a nda le. Kani ɲɛ-ɲɛ co o kumbaa hun fulanin ceen, ɲɛ-ɲɛ co vɛlɛ o vianaa hun sinannin.

1Timote 5:25

Lende koni, dɛnnda kɛndɛlan bɛɛ, cɔmnɔmndo la cɔmnun ni vakpa, la co yɛ la kɛndɛ le, lan bɛɛ la lo la vianaa le.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Talelan 3:23

O kon, a kɔanin o nɛi nɔmndo coo a kɔlɲuloo, ɲɛ-ɲɛ a keinin koondan ma del te.

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

Condii lisai 25:21

Màá sakpoyɛi nɔmnde a dɛnɛ sandaa nɔmndo kanda ya! Kani nɔm ya tiindan ni.

Talelan 17:20

Vana dindu kɔl too sɔla dɛnɛ kɛndɔɔ le. Vana dimi pɛ diomnda vɔɔnndan a caanda, ndu del o dɛnɛ palaa nin.

Condii lisai 23:4

I va bɛɛ kɔlan o ból vunduma piɔ́mndo nin, i buulan le ɲɛ-ɲɛ vɔɔn te, kani nɔm Mɛlɛka co ya ikɛi. Sionnde nɔmnden a tinda nɔmndo co ya kɔllo kɛsio.

Talelan 26:26

Nduyɛ mɛ̀ɛ́-mɛ̀ɛ́ o caa nɛyɔn ndɔɔ vionɔɔ, paale vanin mì vannda kpow a ce kɔlvesɛi ndɔɔ.

O Kandɔɔ 17:1

Vɔsi Abram suili vɔsilan belaŋɔmahiɔɔlu a laŋɔmahiɔɔlu-o, mí Mɛlɛka cɔmnun ndu, mó dimul ndu aa: «Ya co Hala Vana-Kpaayaa-Kpow ni. Kela kela kɛndɔɔ ya o hɔl, mà tosa ɲɛ hɛnan ya-o.

SƐBƐ YƆB-O 8:20

Kɛì-kɛì! Hala kɛɛ vana dɛnɛ sandaa le, vanaa dɛnɛ vɔɔnda o mala le ni.

Talelan 28:1

Vana dɛnɛ vɔɔndo nɔlà mò sungu kiltan hali mì vana ve ndu tovɔɔ le. Kɛ vana sandaa ndu laalan ndu pila maa yàlà téndé.