Talelan 10:25 - BII BILA

²⁵ Piɔɔ hoeyii fùkù-fùkoo hiow pɛ, o hiow a vanaa tosaa dɛnnda vɔɔnda. Vanaa sandaa lonnun isisi o fonda ndaa yili.

Talelan 10:25 Referans Kwoze

Condii lisai 15:5

O yɔngu vana kuee le tɔnɔ sɔla lecoo le, o cɛl luɛyɔɔninndo le vana tɛɛmbuu isɔɔ loo palaa le. Vana kela pɛ o nɛilan ndan coo, vana kon del lɔ́ɔ́-lɔ́ɔ̀ le.

Condii lisai 58:9

Màá a tenga mɛɛ mɛngɔɔ kɔa a tengaa nuaa yɛ! Màá a ca paalen te, mɛɛ cɛlɛkpɛ nda viiku-o cì paalen nuaa le yɛ!

Talelan 12:3

Vana tiwba simndan yili o kɔlvesɛiyo tosaa nin te, kɛ puundun vanaa sandaa mun connun isisi yili.

2Timote 2:19

Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»

1Timote 6:19

O kon a cuungiaanin bolofaa vanin le nda lɔ́ɔ́-lɔ́ɔ̀ siɔdii laci-o, mà sɔla cinda kpeekpeiyo.

Efɛsea 2:20

La siŋnun maa ɲɛm tangulaa cɛi. Cɛi kon yɛ, kiilaa a vanaa-tɛɛngaa-diom Hala-a o kilan coo ni, Yeesu Krista pila co pow lebollo ni.

Matie 16:18

Ya, i co nɔm dimul, Piɛr n co ni, powvo pɛɛn, o powvo ho coo ya tangulnin kunda vanaa laalaŋaa nia ni, kpaaya piɔ́mndo nɔlanin kunda kon ɲɛ-ɲɛ tosa le.

Esai 40:24

Hali ma tolnun bɛɛ le, hali ma seŋnun bɛɛ le, hali mi cii ndɛi luei bɛɛ puundon lɛŋ te, Mɛlɛka hul nda dɔ́ɔ́ pɛ, mì hoeyii ndɔɛi kei nda coo, a vesa kékélé, hoeyii ken kɔndu nda mɛɛ hoeyii felenfelennde kɔandu foeende nuaa yɛ.

Talelan 12:7

Vanaa kɔlvesɛiya del pɛ, a cuu itambu o lepilɔɔ. Kɛ mì yungu vanaa sandaa lonnun isisi yili.

Talelan 1:27

Tuma kɔl yulan-yulanndo toalnin niaa coo maa hoeyii fùkù-fùkù-o, lɔ́ɔ́ dɛnɛ palaa toalnin niaa coo maa hoeyii felenfelen-ndo, telen sangaa a ɲɛ kindilaa toalnin niaa coo-o,

SƐBƐ YƆB-O 21:18

Vɛ̀ɛ̀ a sìŋnùn pá maa foeŋii hoeiye kɔandu-e, maa kefun hoeyii felenfelennde sàŋ-ndon?

Talelan 10:30

Vana sandaa del lɔ́ɔ́-lɔ́ɔ̀ le. Kɛ vanaa kɔlvesɛiya lonin o lɛŋnden coo le.

SƐBƐ YƆB-O 17:9

Vana lo o lediom coo-o sim yili o nɛi ndɔɔ coo, vanaa nɔ bala diandaalan-nda cɔɔlunin yoomuan sɔlaa.

SƐBƐ YƆB-O 20:8

O hiawnunnin maa lɔma sɔlaa, foofo ndɔ bɛɛ vana ci lɛnin te, o kɔannunnin maa lɔma vana sɔl icɔl-lan.

Condii lisai 58:10

Lɔ́ɔ́ pá mì yɔmii n'yɔɛi niɛi siŋnun bɔɔ, yɔmii ken va ikiyɛi, ì va ivesɛi, màá hoeyii fùkù-fùkùei basu vanaa vɔɔŋaa kan!

Condii lisai 125:1

Condii vannda keì solio nɛi-tɛɛn o kɔlan-nde. Vanaa tiindan Mɛlɛka-a vanin maa pembei Siɔn, i kpeŋannin te, i vanin le lɔ́ɔ́-lɔ́ɔ̀.