Talelan 10:22 - BII BILA

²² Duaa Mɛlɛka-o kínɛí siinguu vana vana bolofaa ni. Kindikindin vanacieo cɔɔlu ɲɛ-ɲɛ lecoo le.

Talelan 10:22 Referans Kwoze

Condii lisai 107:38

Mò dɔw nda ndua, mà kui taw-taw, cɔlua ndaa faŋan lecoo le.

O Kandɔɔ 26:12

Vɔsi kon, mí Isaak váà ciɛi o lɛŋnde len nin, mó koaw ɲɛ o saŋ-ndo háá bɛmbɔɔ kɛmɛ. Kani Mɛlɛka va ndu duaa dɔvɔɔ.

O Kandɔɔ 24:35

Mɛlɛka dɔw vana ni bɛndoo Abraham duaa háá mó sɔla bolofaa taw. O yɔngu ndu saa, cuinnda a nawva, volion, sianion, buɛyaa piaandua a à laandua, ɲɔɔmɛɛa a sofɛlɛa.

O Kandɔɔ 12:2

I siinguunin nɔm fuɲa-mama vanaa-mangalaa-isɔɔa súúlan taw. I dɔawnin nɔm duaa ma pɛlnun ladio. Vanaa bɔɔ-bɔɔ a sɔlanin duaa nɔm o ba bɛngu.

Condii lisai 37:22

Vanaa Mɛlɛka co duaa dɔvɔɔ-a sɔlanin lɛŋnden kɛ́ɔ, kɛ vanaa o co dangaa dɔvɔɔ-a cuunin.

Talelan 20:21

Bolofaa vana yalà sɔla o lepilɔɔ-o nɔ duaa o mɛɛlulan te.

O Kandɔɔ 13:2

Vana bolofaa bɛndoo pila Abram va ni, ndóò nɔ cɔlua, volion a sianion taw.

Talelan 28:22

Vana yeemɛi bɛndoo yeema mò keleŋa bolofaa sɔla, o sínà bɛɛ maa kuɛi co hunɔɔ ndu tolɔɔ coo le.

Sakari 5:4

Mɛlɛka-Nɔ-Kpaayaa-Kpow-vo dimi aa: Lelan ya saŋ dangaa o lɛŋnden nden coo ni, haliko mo luɛi o cɛila vuiya a o cɛila vanaa co mɛɛniannda lacòòvalan o diola nilan-nda lan nin, mò lom cɛila lan a yɔmii ndɛi a á powta ndalan.›»

O Kandɔɔ 14:23

maa i co ɲɛ-ɲɛ nɔm loo le, hali kɛi nɔmndo co lo ya o ba le, o co vɔ le yoei lasamtɛi le, yɔŋii n dimi aa: ‹Abram sul a ɲɛm nun.›

Yosue 6:18

Kɛ la mandan a ɲɛm co o tanaa bɛngu-on, te la cua ɲɛm niaa bɛnda le cua loon pɛ, n kuunan naa-on pɛɛn, mɛɛ dɛnɛ palaa bɛndoo toalnin Israɛlla coo o dɔ́ɔ́ngɔ́ ndaa nin le ken.

1Masaa 21:19

ma kɔ soo o ndu lo, ma dimul ndu aa: ‹Nuaa Mɛlɛka dimi ni aa: Vɛ̀ɛ̀ a cii pɛ vanndo diyɔɔ a hin vɛlɛ ɲɛm ndɔn cuaa?› Mà soo vɛlɛ o ndu lo, mà dimul ndu aa: ‹Nuaa Mɛlɛka dimi ni aa: O fonda tunnda deembuu kooma Nabɔt-an-ndo, lon koni tunnda deembuunin vɛlɛ komaa nɔmndan ni.›»

O Kandɔɔ 26:13

O lo lon, mí ɲɛm ndɔn sɔlan kui taw, háá mó siŋnun vana bolofaa bɛndu-bɛndu.

Tɔŋ miingua 26:10

Lelan Mɛlɛka, sisa tofa vɔ mɛɛ ya cuu nɔm kɔmnde tasele ya sɔla o tɔlɔɔlan nin-nden yɛ, tɔlɔɔla ya tɔl o lɛŋnde n ke ya len coo lan pɛɛn.› O kon, o kɛsi ɲɛm mun Mɛlɛka Hala ndɔɔ o hɔl, o baŋ vulan ndu o labɛngunin le ndu biiloo.

Tɔŋ miingua 28:11

Mɛlɛka yɔngunin niaa ɲɛm kɛndɔn taw o lɛŋnde ndu Mɛlɛka Hala niaa yiilu fuɲaa niaa mamaa kpemaa, mó mɛnalan nda le niaa len yɔngoo len coo. O kenin niaa cuawva taw, o kuinin cɔlua niaa, mò nɛŋi ciɛɔn niaan a tɔlɔɔla niaalan taw-taw.

2Dɛnnda lemasalan 25:9

Mí Amasia ɲuna vana baala Hala kon aa: «Kɛ vɛ̀ɛ̀ ya sɔla yɛnin volin ya yɔngu vanaa cɔvaa Israɛlla ha-on?» Mí vana baala Hala-o mulul ndu aa: «Mɛlɛka nɔla mò ke nɔm n'celen hiovɔɔ o mun coo.»

Talelan 8:21

Lon ya ke vanaa yeema ya-a ɲɛm kɛndɔn ni mì n va kɛ́ɔ le nda, mì pei cɛila ndalan a bolofaa.

Talelan 14:24

Bolofaa co vɔ̀ngɔ̀la vanaa kɔlkalua ni, kɛ diɔm sondo vesɛiyo ndu, diɔmnde o koaw ni.

Daniɛl 1:15

O palɛi ken mɛɛlulan, mó ca maa a sɔla falun kɛndɔn, má celul, má hiaw felengia va ɲɛdiaa lemasaa dioo-a.

1Dɛnnda lemasalan 4:10

Mí Yaebɛs piɛi Hala Israɛlla, mó dimi aa: «Taa dɔw ya pɛ duaa lekɛ́ndɛi, mɛɛ cɔɔlu ya lɛŋnde kuilul, mà kanda ya a ba nɔm kpaayaa, mà faŋa dɛnɛ palaa a sangaa ya ikɛi polon.» Mí Hala cɛl piɛile ndɔlen.

2Dɛnnda lemasalan 32:27

Mí Esekia sɔla bolofaa a biiloo taw-taw. Mó sɔla volion, sianion, powta báà kàlàlan, ansan, kɔ̀ɔ̀la cɔwlan a ɲɛm kɛndɛ-kɛndɔn kpow.

2Dɛnnda lemasalan 32:29

Mó tangul kobilan le ndu pila, mó sɔla vɛlɛ cɔlua pɔmbɔa a à bana-banaa taw, kani Hala ndóò ke ndu bolofaa taw.

Condii lisai 127:2

Lende koni, niaa bɛɛ, la co cɔnɔnndo idii púŋ, mì la va kɛɔ yalaa lɔan fondo fúú, sangaa fúú niaa co le balo niaa sɔlaa ni. Kani vanaa Mɛlɛka kaola-a a vannun bɛɛ o lɔma nda, ndu Mɛlɛka kenin nda baloo. Cuawva co kɛ Mɛlɛka-o ni.